Nshɛ 50:3 - EBƆRƐ BE KAWƆL

³ Anyi be Ebɔrɛ na bee ba, nɛ an nu mbe egbri, nɛ edɛ be adondulombi juŋkpar mo, nɛ afugboŋ lempo kulti mo n wɔtɔ.

Nshɛ 50:3 ပူးပေါင်းရင်းမြစ်များ

Nshɛ 48:14

“Ebɔrɛ ere e la anyi be Ebɔrɛ mbaanaayɔ. Mo alɛ beeŋ baa juŋkpar anyi saŋkama.”

Nshɛ 50:21

Men ka wora ade kikɛ, m maŋ bugi kɔnɔ, nɛ men fɛ fanɛ ma Ebɔrɛ gba du fanɛ menyi nna. Ama naniere bre meeŋ malga ŋ gbiti menyi ashi men be anishito.

Nshɛ 68:20

Saŋkikɛ fee kuŋ anyi nna, nsaa mɔlga anyi ashi luwu to.

Nshɛ 83:1

O Ebɔrɛ, sa maŋ wora shruum, n lo to a maa wora shɛŋ!

Nshɛ 96:13

n sa Enyɛnpe Ebɔrɛ na. E bee ba nɛ e ba bɔla ekpa niŋiso nɛ kashenteŋ so nna n ji basa nɛ b wɔ durnya to demu.

Ɛksodɔs 19:18

Kumo be kachɛ na, Sainai be kebeegboŋ na so kikɛ daŋ baa la edishi nna, ŋkpal manɛ so, Enyɛnpe Ebɔrɛ daŋ bɔla edɛ to nna m ba kumo so. Nɛ kumo be edishi na daŋ yɔ awɔlto fanɛ edishi nɛ a shi edɛ nɛ baa chɔɔ nɛ a shi ga na nɛ kebeegboŋ na kikɛ gbuŋgbuŋ to eleŋso.

Ezikɛl 1:4

Ndoŋ nna nɛ ŋ keni esoso n wu bɔrɛ be afugboŋ ko ka shi kelargato be esoso be kaba so a ba. Bɔrɛ daa nyɛkpɛ kuwɔlpagboŋ ko to nna nɛ esoso kikɛ fulto. Edɛ daa lar kuwɔlpagboŋ na be nferinto a nyɛkpɛ fanɛ danyaŋ nɛ k la kachɔnɔnyifu nɛ b fifɛa kumo so na nna.

Danɛl 7:10

Nɛ edɛ be adondulombi shi mo kutɔ a teŋi fanɛ lɔr na. Basa ŋgboŋto ŋgboŋto daa wɔ ndoŋ nna a shuŋ mo, nɛ ŋgboŋto malɛ be ŋgboŋto yil mbe anishito. Ndoŋ nna nɛ demu be keji fara, nɛ b bugi nwɔl to.

Levitikɔs 10:2

Epul to nɛ Enyɛnpe Ebɔrɛ na shin nɛ edɛ ba buu bumo so n chɔɔ bumo m mɔ.

Habakuk 3:5

Fo e naa shuŋi kulɔ nɛ e bee juŋkpar, nsaa ponte luwu so nɛ k bee bɛ kumo so na.

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Nɔmbɛs 16:35

Kede be kaman nɛ Enyɛnpe Ebɔrɛ na shin nɛ edɛ wuloŋ wuloŋ ko ba chɔɔ benyɛn alfa anyɔ nɛ adunu nɛ b ta eduwu n ya ka lara sarga na m mɔ.

Matiu 3:12

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”

Ditɛronɔmi 9:3

Ama menyi ere beeŋ wu naniere fanɛ Enyɛnpe menyi be Ebɔrɛ na beeŋ juŋkpar menyi fanɛ gbaŋgbaŋ to be edɛ na. E beeŋ pɔɔ bumo so n sa menyi jemanɛ nɛ menyeeŋ baa kɔ bumo na, saŋɛ na so, menyeeŋ mur bumo nseŋ suge bumo be kasawule, fanɛ kananɛ e nase kɔnɔ na.

Hibruwebi 12:29

Ŋkpal manɛ so, anyi be Ebɔrɛ na du fanɛ edɛ chɔɔso nna a mur basa.

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.

Kelaraŋŋini 22:20

Esa nɛ e bee ji asheŋ ere be shɛda e naa kaŋɛ fanɛ: “Kashenteŋto, m maaŋ naŋ chɛr nseŋ ba.” Amɛn, Enyɛnpe Yesu, ba naniere!