Nshɛ 50:23 - EBƆRƐ BE KAWƆL

²³ Sarga nɛ k bee bar ma kemaŋkura e la kagbene nɛ k bee ji a chɔrɔ. Men wora ma kasonu nɛ ma, menyi be Ebɔrɛ na e ŋini menyi kumɔlga be ekpa.

Nshɛ 50:23 ပူးပေါင်းရင်းမြစ်များ

Nshɛ 120:1

M baa wɔ tɔrɔ to, Enyɛnpe Ebɔrɛ na nɛ mee kule nɛ e bee nu ma kekule.

Nshɛ 22:23

Menyi nɛ menyee ŋana Ebɔrɛ na e fur mo. Menyi nɛ men la an nananyɛn Jeekɔb be kenana kikɛ e bunyaŋ mo. Israɛlebi, men shuŋ Enyɛnpe Ebɔrɛ na bunyaŋ so.

Nshɛ 25:14

Enyɛnpe Ebɔrɛ, fo nɛ basa nɛ baa ŋana fo bee ji keteri nna. Fo e naa shin nɛ baa pin kɔnɔ naseso be ŋkre nɛ fo nase dra na n sa fo basa na.

Nshɛ 27:6

Ndoŋ nna nɛ ŋ kɔ m pɔɔ n doŋana so nseŋ lara sarga ashi mbe bɔrɛlambu to; nseŋ cha awɔr kagbenefuliso m boŋ nshɛ m fur Enyɛnpe Ebɔrɛ na.

Nshɛ 34:5

Bekama nɛ bumo be anishi yuu mo so be ŋgbene bee fuli bumo nna. Bumo alɛ maaŋ ji nyɔmɔ kikɛ.

Nshɛ 85:13

Kebaawɔtɔ niŋiso beeŋ juŋkpar a lɔŋɛ akpa a sa Enyɛnpe Ebɔrɛ na nɛ e baa bɛ so.

Nshɛ 85:9

Kashenteŋto e wora shiriya nɛ e mɔlga bekama nɛ baa ŋana mo na nna; saŋɛ na so mo gbagba be kemaŋkura beeŋ baa wɔ anyi be kasawule so.

Nshɛ 86:12

O Enyɛnpe ma Ebɔrɛ, meeŋ bugi ma kagbene to ŋ kpaŋ fo, nseŋ maŋkura fo ketre mbaanaayɔ.

Nshɛ 86:9

Efuliana nɛ fo to ere be basa beeŋ ba jɔŋɛ fo ase m bunyaŋ fo n shin nɛ fo ketre e nya kemaŋkura.

Nshɛ 91:16

Meeŋ sa fo ŋkpa tenteŋ nseŋ ŋini fo ma kumɔlga.”

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 45:17

Ama Enyɛnpe Ebɔrɛ na mɔlga Israɛl be basa bre, nɛ b kɔ m pɔɔ so mbaanaayɔ. Bumo be basa malɛ maaŋ ŋaba kikɛ.

Aizaaya 49:6

Kede be kaman, nɛ Enyɛnpe Ebɔrɛ naŋ kaŋɛ ma le: “Ma kenya, ŋ kɔ kushuŋgboŋ ko a sa fo. Mannɛ ma basa, Israɛlebi nɛ b ji efute na be kebɛta m ba bumo be eyilikpagboŋ na be kushuŋ nawule nɛ feeŋ shuŋ. Meeŋ shin nɛ efuli pɔtɛana so be basa e bɔla fo so m ba pin ma, saŋɛ na so meeŋ mɔlga bumo alɛ gba.”

Luuk 2:30

ŋkpal manɛ so, ŋ gbagba be anishi e baŋ wu fo kumɔlga be kakɛ

Baru lela nɛ Jɔn kute na 7:17

Esa kama nɛ e bee sha kewora Ebɔrɛ be aparsheŋ beeŋ pin fanɛ asɔ nɛ mee ŋini ere shi Ebɔrɛ kutɔ nna ŋko ŋ gbagba be eleŋ nɛ ŋ kɔ a ŋini amo.

Ashuŋ Shunso 11:14

nɛ e ba kaŋɛ fo asheŋ, nɛ fo nɛ fo kowu to ebi kikɛ e nya kumɔlga.’

Ashuŋ Shunso 13:26

Ŋ kurgepoana, Eebraham mo nanabiana nɛ menyi nɛ men la nnyamase a wɔ nfe a bunyaŋ Ebɔrɛ ere kikɛ, anyi kikɛ nɛ b ta le be kumɔlga be kubɔya ere n sa.

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Romebi 15:6

Saŋɛ na so menyi kikɛ beeŋ ta ebɔl koŋwule n di Ebɔrɛ an Nyɛnpe Yesu Kristo mo Tuto na epaŋ.

Romebi 15:9

Loŋ e naaŋ shin nɛ nnyamase e maŋkura Ebɔrɛ ŋkpal mbe kuwɔr so fanɛ kananɛ abɔrɛsibɛ na bee kaŋɛ le na: “Ŋkpal le so meeŋ baa wɔ nnyamase to a di fo Ebɔrɛ epaŋ. Meeŋ boŋ nshɛ n dele fo ketre.”

Galeeshaebi 1:24

Amoso, b daŋ di Ebɔrɛ epaŋ nna ŋkpal ma so.

Galeeshaebi 6:16

Ebɔrɛ be kagbenewushi nɛ mbe kuwɔr e baa wɔ bekama nɛ baa bɛ le be kesheŋ ere so n ti Ebɔrɛ be basa kikɛ so.

Filipaiebi 1:27

Amoso, kusɔ kama nɛ k la gba, men baa kɔ men be amu to nɛnɛ a du fanɛ kananɛ Kristo be baru lela na bee ŋini na. Saŋɛ na so, nɛ m ba wu menyi nna ŋko n wɔ kufɔ nna nsaa nu menyi be asheŋ, n nyi men ka yil to nɛnɛ kɔnɔkoŋwuleso a kɔ fanɛ esa koŋwule ŋkpal yirda nɛ k shi baru lela na to na so.

Jeems 3:13

Menyi to be emo e kɔ kanyiasheŋ nsaa nyi ashuŋ to? Amodoŋwura e ta mbe kebaawɔtɔ lela a du boeŋ nsaa wora asheŋ nɛ a daga.

1 Pita 1:15

Ama men baa du cheembi kusɔ kama nɛ menyee wora to fanɛ kananɛ emo nɛ e tre menyi na du na.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.