Nshɛ 50:21 - EBƆRƐ BE KAWƆL

²¹ Men ka wora ade kikɛ, m maŋ bugi kɔnɔ, nɛ men fɛ fanɛ ma Ebɔrɛ gba du fanɛ menyi nna. Ama naniere bre meeŋ malga ŋ gbiti menyi ashi men be anishito.

Nshɛ 50:21 ပူးပေါင်းရင်းမြစ်များ

Job be kawɔl 34:33

Fo ka kini kewora kusɔ nɛ Ebɔrɛ bee sha ere, fee sha fanɛ mo ere e wora kusɔ nɛ fee sha n sa fo a? Fo e daga fanɛ fo yili kusɔ ko n sa fo kumu, mannɛ ma. Naniere, kaŋɛ anyi kusɔ nɛ fee fɛ!

Nshɛ 50:3

Anyi be Ebɔrɛ na bee ba, nɛ an nu mbe egbri, nɛ edɛ be adondulombi juŋkpar mo, nɛ afugboŋ lempo kulti mo n wɔtɔ.

Nshɛ 50:8

M maŋ kaŋɛ fanɛ men wora n jija nna; ŋkpal men ka bee lara esarga chɔɔso nɛ ŋkɛ a sa ma saŋkama na so.

Nshɛ 73:11

Le nɛ baa kaŋɛ: “Enyɛnpetale Ebɔrɛ na maaŋ tiŋ m pin kusɔ kikɛ!”

Nshɛ 90:8

Fo alɛ nyi anyi be alubi kikɛ be asheŋ; hale amo nɛ an ŋana n wora ashiri to gba.

Ɛksodɔs 3:14

Nɛ Ebɔrɛ kaŋɛ Mosis le: “Kaŋɛ bumo fanɛ ma ketre e la: ‘Ma Nɛ N La Ma Na.’ Amoso kusɔ nɛ feeŋ ya kaŋɛ Israɛlebi na e la fanɛ: ‘Ma Nɛ N La Na’ e shuŋi ma menyi kutɔ.”

Aŋasa 29:1

Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.

Kaŋinichiŋgeliŋ 12:14

Ebɔrɛ beeŋ yili kusɔ kama nɛ an wora so n ji anyi demu, hale asheŋ lubi ŋko asheŋ lela nɛ an wora ashiri to gba.

Aizaaya 26:10

Kuwɔr nɛ fo wu kumu kpakpasowuraana ere kikɛ be kaman, b kraa maŋ naŋ koya kewora kusɔ nɛ k daga. Basa nɛ b niŋi gba be kasawule so nfe b kraa wora asheŋ lubi nna nseŋ kini kewu fo, Enyɛnpe Ebɔrɛ na be kemaŋkura.

Aizaaya 42:14

Ebɔrɛ yɛ: “Ŋ lo ma kɔnɔ n chɛr ga. M maŋ tuge ma basa shɛŋ. Ama naniere jemanɛ fo nɛ n wora kusɔ ko, nɛ mee shu to fanɛ eche nɛ kakurge ta mo na.

Aizaaya 57:11

Ade be kaman nɛ Enyɛnpe Ebɔrɛ na bishi le: “Nuso be agbir e shin nɛ kufu pɛ menyi, nɛ men kpal amo so a ku efɛ nseŋ teŋ ma so kuraa loŋ? Ŋkpal ŋ ka wora shruum n chɛr so nɛ men yige kebaabunyaŋ ma ere a?

Jɛremaya 2:23

Menyee chɛ fanɛ men maŋ wora alubi, a kaŋɛ menyi maŋ kɔ eyurpi menyi so. Menyi alɛ maŋ shuŋ kegbir nɛ baa tre Baal na. Ama men laŋɛ menyi be nfɛra n yɔ asɔ nɛ men wora ashi Hinnɔm be Ketaŋɛ to na be asheŋ. Men daa shile a kulti nna a shuŋ agbir fanɛ enyɔma fɔlbi nɛ e tuge afɔl so na.

Eemɔs 8:7

Enyɛnpe nɛ e la Israɛl be Ebɔrɛ na bɔ ntaŋ ŋ kaŋɛ le: “M maaŋ teŋ bumo be asheŋ lubi nɛ b wora na kikɛ so.

Nɔmbɛs 23:19

Ebɔrɛ maŋ la dimɛdi nna a ku efɛ ŋko nyiŋgbasa a chɛrga mbe nfɛra, kusɔ kama nɛ e nase kɔnɔ fanɛ e beeŋ wora, mo alɛ beeŋ wora kumo. E bee malga nna nɛ k bee wora.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

2 Pita 3:9

Amoso, Enyɛnpe na maŋ wushi ashi mbe kɔnɔ nɛ e nase fanɛ e beeŋ wora na to nna fanɛ kananɛ basa ko bee fɛ esa be kewushi na nna. Kanyiti nɛ e bee ji menyi a maa sha fanɛ esa kikɛ e mur, ama e bee sha fanɛ ekama e lar mbe alubi to nna.

Kelaraŋŋini 3:19

Ma ere, basa nɛ mee sha nɛ mee fiɛ so nsaa ŋini bumo ekpa, amoso, men yeŋi so n lar men be alubi to.