Nshɛ 50:18 - EBƆRƐ BE KAWƆL

¹⁸ Beyu nɛ basa lubi nɛ menyee ji keteri nsaa sha basa nɛ b maa bɛ bumo be kakil to be nnɔ naseso so.

Nshɛ 50:18 ပူးပေါင်းရင်းမြစ်များ

2 Samuɛl 13:5

Nɛ Jonadab kaŋɛ mo le: “Wora fanɛ fo ka bee lɔ na nseŋ ya dese fo gedo so. Fo tuto kaŋ ba nɛ fo kaŋɛ mo le: ‘Jande shin nɛ ma sipoche Tamaa a daŋɛ ajibi m bar ma. E ba ma kutɔ nɛ m baa keni mo nɛ e ba daŋɛ, saŋɛ na so e kaŋ daŋɛ n loge, e beeŋ baa ku amo a wɔtɔ ma kɔnɔ to.’ ”

Aizaaya 5:23

Ŋkpal menyi be kebaasɔ brɔbu basa kutɔ so, basa nɛ b daga fanɛ b ji n tɔr na bee nya bumo be amu nna a ji. Menyi alɛ bee ji demu nna a puni basa nɛ b maŋ wora alubi na.

Levitikɔs 20:10

Nɛ enyɛn di mo barkasa be eche, mo nɛ eche na kikɛ ji kubojua nna na nseŋ daga luwu.

Maika 7:3

Alubi be kewora deŋ ekama nna. Ekrachi nɛ demujipoana bee tu basa nna a sɔ asɔ pɔɛŋ nsaa shuŋ bumo be ashuŋ a sa bumo. Ekama nɛ e kɔ eyilikpa basa to bee bɔla mbe eyilikpa so nna a fin asɔ a sa mbe kumu nna. Ekama wora kɔnɔ nna a shin nɛ loŋ be asheŋ bee wora.

Matiu 23:30

Menyee kaa kaŋɛ fanɛ, nɛ an daa wɔtɔ an nananyɛnana be jemanɛ na nna, an daa maaŋ tu bumo m mɔ anebiana na.

Romebi 1:32

B nyi Ebɔrɛ be mbra na ka bee kaŋɛ fanɛ bekama nɛ b wɔ le be kebaawɔtɔ ere to daga luwu, ama b kraŋ pere kenishi nna a wora amo nsaa leŋ basa pɔtɛ gba to a wɔtɔ loŋ be asheŋ na be kewora to.

1 Timoti 5:22

Sa maa nya manaŋ a ta fo enɔ a deŋi esa kikɛ so a ta mo a bɔɔ Ebɔrɛ enɔ kabɔrɛkule to. Fo alɛ e sa maŋ kaŋ luri basa pɔtɛ be alubi to ŋko kusɔ jigaya be kebaawɔtɔ to.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.