Nshɛ 50:15 - EBƆRƐ BE KAWƆL

¹⁵ Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 50:15 ပူးပေါင်းရင်းမြစ်များ

2 Bewura 20:2

Ewura Hɛzekaya ka nu loŋ, nɛ e kilgi mbe anishito n shoŋi egbal nseŋ kule Ebɔrɛ ŋ kaŋɛ:

2 Kronikɛls 20:9

saŋɛ na so nɛ kena ŋko alɔ ŋko akoŋ be jɛrbi kaŋ ba bumo so, baaŋ tiŋ m ba kakpa nɛ baa bunyaŋ fo na ashi bɔrɛlambu ere be anishito m ba kule fo ashi bumo be etɔrɔ be jemanɛ nɛ fo nu nseŋ mɔlga bumo.

Job be kawɔl 22:27

Ebɔrɛ beeŋ nu fo kabɔrɛkule, nɛ fo alɛ e wora m bɔlɔ nnɔ naseso nɛ fo nase n sa mo na so.

Nshɛ 107:19

Men ka daa wɔ kenishipere be etɔrɔ to nseŋ shu n tre Enyɛnpe Ebɔrɛ na, e daŋ nu nna nseŋ mɔlga menyi.

Nshɛ 107:28

Men ka daa wɔ kenishipere be tɔrɔ to, nseŋ shu n tre Enyɛnpe Ebɔrɛ na, e daŋ nu nna nseŋ mɔlga menyi.

Nshɛ 120:1

M baa wɔ tɔrɔ to, Enyɛnpe Ebɔrɛ na nɛ mee kule nɛ e bee nu ma kekule.

Nshɛ 22:23

Menyi nɛ menyee ŋana Ebɔrɛ na e fur mo. Menyi nɛ men la an nananyɛn Jeekɔb be kenana kikɛ e bunyaŋ mo. Israɛlebi, men shuŋ Enyɛnpe Ebɔrɛ na bunyaŋ so.

Nshɛ 34:5

Bekama nɛ bumo be anishi yuu mo so be ŋgbene bee fuli bumo nna. Bumo alɛ maaŋ ji nyɔmɔ kikɛ.

Nshɛ 34:7

Enyɛnpe be emalaika bee kulti bekama nɛ baa bunyaŋ mo nna a wɔtɔ, nsaa mɔlga bumo ashi kenishipere to.

Nshɛ 4:2

Saŋɛ mo nɛ menyi basa ere beeŋ yige ma katege? Saŋɛ mo nɛ menyeeŋ yige asheŋ fuloŋ be kasha, nɛ kebaaju a buu efɛ so?

Nshɛ 50:23

Sarga nɛ k bee bar ma kemaŋkura e la kagbene nɛ k bee ji a chɔrɔ. Men wora ma kasonu nɛ ma, menyi be Ebɔrɛ na e ŋini menyi kumɔlga be ekpa.

Nshɛ 77:2

Enyɛnpe Ebɔrɛ na nɛ mee kule tɔrɔ be jemanɛ; mee maŋ ma enɔana so kanyɛ na kikɛ nna ashi kabɔrɛkule to, ama n daa maŋ nya kagbenewushi.

Nshɛ 77:3

N daŋ nyiŋi fo Ebɔrɛ na nna, nseŋ tekeŋto; n fɛ nfɛra ga, nɛ aba pɔ ma.

Nshɛ 81:7

Men ka daa wɔ etɔrɔ to, ma nɛ men shu n tre, nɛ m mɔlga menyi. Abɔrɛwɔlpa to nɛ n daa wɔ nseŋ nu menyi be kushu. Kumo be kaman nɛ n wora menyi ŋ keni ashi Mɛriba be kebuye na ase.

Nshɛ 86:5

O Enyɛnpe Ebɔrɛ, fo la esa lela nɛ fee ta alubi a paŋ nna. Fo alɛ kɔ kasha damta n sa bumo nɛ baa shu a tre fo na nna.

Nshɛ 86:7

M baa wɔ tɔrɔ to, fo nɛ mee shu a tre; ma alɛ nyi fanɛ fee nu ma kabɔrɛkule.

Nshɛ 91:15

Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Jɛremaya 39:17

Ama ma, Enyɛnpe Ebɔrɛ na beeŋ kuŋ fo loŋ be kachɛ na nɛ b sa maŋ ta fo n sa Juda be benimuana nɛ fee ŋana na.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Matiu 5:16

Men baa shin nɛ men be kefulto e baa nyaŋɛ nɛnɛ ga nɛ basa e tiŋ n wu men be ashuŋ lela nseŋ maŋkura men Tuto nɛ e wɔ ebɔrɛso na.

Luuk 22:44

Mbe kagbene ka jija mo alegaiso nɛ e bugi kagbene ŋ kule Ebɔrɛ ga hale nɛ kebleŋ ya kaa lar mo so a do kasawule so fanɛ ŋklaŋ.

Baru lela nɛ Jɔn kute na 15:8

Kusɔ nɛ k bee bar n Tuto na kemaŋkura e la men ka bee nya asɔrso damta, loŋ e naa ŋini men ka la ma bebɛsopo.

Ashuŋ Shunso 16:25

Kumo be kamɔnchɛ be kiidiso Pɔɔl nɛ Sailas ka bee kule Ebɔrɛ nsaa boŋ nshɛ a di Ebɔrɛ epaŋ nɛ bumo braana nɛ b wɔ kabuti na to na bee nu.

Jeems 5:13

Nɛ tɔrɔ kɔ menyi to be ekama, e kule Ebɔrɛ nɛ e chɛ mo to. Nɛ ekama malɛ nɛ kagbenefuli wɔ mo to, e boŋ nshɛ n di Ebɔrɛ epaŋ.

1 Pita 4:11

Ekama nɛ e bee malga e shin nɛ mbe mmalga na e baa la fanɛ Ebɔrɛ be mmalga gbagba, nɛ ekama malɛ nɛ e bee shuŋ mo braana e baa ta eleŋ mo nɛ Ebɔrɛ bee sa mo na a wora loŋ, saŋɛ na so, kusɔ kama to, Ebɔrɛ beeŋ bɔla Yesu Kristo so n nya epaŋ be kedi. Kemaŋkura nɛ eleŋ e baa la mo peya mbaanaayɔ. Amɛn.

1 Pita 4:14

Nɛ b baŋ tege menyi ŋkpal men ka la Kristo be bebɛsopo so, kumo ere nɛfa la menyeya nna, ŋkpal manɛ so, Ebɔrɛ be Kiyoyu nɛ e kɔ kemaŋkura na e wɔ menyi to.

Demujipoana 15:19

Ndoŋ nna nɛ Ebɔrɛ shin nɛ kefalta pete a lar nchu ashi Lehi ndoŋ. Samsɔn ka nuu nchu na nɛ e naŋ nya eleŋ. Nɛ b nase kechubu na Ɛn Hakkɔre. Kumo be kifito la: ‘Esa nɛ e shu n tre be kechubu.’ Loŋ be kechubu na kraa wɔ Lehi hale nɛ mbre.