Nshɛ 50:14 - EBƆRƐ BE KAWƆL

¹⁴ Ma e la Enyɛnpetale Ebɔrɛ na. Kechɔrɔ, nɛ k baa nase nnɔ nsaa bɛ amo so be esarga nɛ mee sha.

Nshɛ 50:14 ပူးပေါင်းရင်းမြစ်များ

Job be kawɔl 22:27

Ebɔrɛ beeŋ nu fo kabɔrɛkule, nɛ fo alɛ e wora m bɔlɔ nnɔ naseso nɛ fo nase n sa mo na so.

Nshɛ 147:1

Men baa kpaŋ Enyɛnpe Ebɔrɛ na! Keboŋ nshɛ ŋ kpaŋ an Nyɛnpe Ebɔrɛ na walɛ ga. Kekpaŋ mo wɔ ebel ga nseŋ daga loŋ.

Nshɛ 22:25

Saŋɛ nɛ ma nɛ fo basa shɛr na, nɛ meeŋ fur fo ŋkpal kusɔ nɛ fo wora so; nseŋ tia nnɔ nɛ n nase n sa fo na ashi bumo be anishito.

Nshɛ 22:26

Betirpo beeŋ ji m moɛ, nɛ bekama nɛ baa bunyaŋ fo na e chɔrɔ fo. Shin nɛ asheŋ e baa nyalɛ a sa bumo saŋkama.

Nshɛ 27:6

Ndoŋ nna nɛ ŋ kɔ m pɔɔ n doŋana so nseŋ lara sarga ashi mbe bɔrɛlambu to; nseŋ cha awɔr kagbenefuliso m boŋ nshɛ m fur Enyɛnpe Ebɔrɛ na.

Nshɛ 50:23

Sarga nɛ k bee bar ma kemaŋkura e la kagbene nɛ k bee ji a chɔrɔ. Men wora ma kasonu nɛ ma, menyi be Ebɔrɛ na e ŋini menyi kumɔlga be ekpa.

Nshɛ 56:12

Enyɛnpe ma Ebɔrɛ, meeŋ bɛ kɔnɔ nɛ n nase n sa fo na so. Meeŋ ta ma kechɔrɔ be kakɛ m bar fo.

Nshɛ 61:8

Saŋɛ na so meeŋ baa di fo ketre epaŋ saŋkama nsaa wora a bɔlɔ ma kɔnɔ naseso so saŋkama.

Nshɛ 65:1

Anyi be Ebɔrɛ, k daga fanɛ an fur fo ashi Zayɔn to. Ndoŋ nɛ anyeeŋ bɛ nnɔ nɛ an nase n sa fo na so.

Nshɛ 69:32

Betirpo beeŋ wu kumo be loŋ nɛ bumo be ŋgbene e fuli bumo. Saŋɛ na so basa nɛ baa bunyaŋ Enyɛnpe na beeŋ nya keleŋto.

Nshɛ 76:11

Men nase nnɔ n sa Enyɛnpe, menyi be Ebɔrɛ na. Menyi alɛ e wora m bɔlɔ men be nnɔ naseso na so. Enyɛnpe Ebɔrɛ na e daga keŋana, mo e daga fanɛ efuli pɔtɛana nɛ a kulti anyi na kikɛ be basa ka bar ŋkɛ m ba sa mo.

Nshɛ 76:12

Mo e naa bar bewura kama nɛ baa boo kenyɛn na kaseto; a shin nɛ baa ki befupo.

Hoziya 14:2

Men bɛta m ba Enyɛnpe Ebɔrɛ na kutɔ nseŋ shin nɛ le be kabɔrɛkule ere e baa la sarga n sa mo. “Ta anyi be alubi m paŋ anyi nseŋ nu anyi be kabɔrɛkule saŋɛ na so anyeeŋ di fo epaŋ fanɛ kananɛ an nase kɔnɔ na gbagba.

Nahum 1:15

Judaebi, men keni, kabɔ ko kɔ baru lela n shi kebeegboŋ na so a ba! Kayurwushi be baru nɛ e kɔ a ba. Amoso men ji menyi be nchɛgboŋ nseŋ wora m bɔlɔ nnɔ nɛ men nase n sa Ebɔrɛ na so. Kumukpakpaso wuraana maaŋ naaŋ kɔ n sɔ menyi be kasawule kikɛ, ŋkpal manɛ so, b mur cheche kuraa.

Nahum 2:1

Ninɛveebi, kena bee ba menyi so! Eleŋ nɛ k beeŋ pesaŋ menyi to na teŋ fo m ba. Men baa kuŋ menyi be mboŋ lempoana na, nsaa de menyi be agbembi so nɛnɛ. Men bela ase nɛnɛ a jo kena be kekɔ!

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Ditɛronɔmi 23:21

Nɛ men baŋ nase Enyɛnpe menyi be Ebɔrɛ na kɔnɔ, a daga fanɛ men wora kumo m bɔlɔ so manaŋ. Nɛ mannɛ aloŋ Enyɛnpe menyi be Ebɔrɛ na beeŋ bishi menyi kumo nɛ k ki kulubi n sa menyi.

Ditɛronɔmi 23:22

Nɛ esa maŋ nase Enyɛnpe Ebɔrɛ na kɔnɔ k maŋ la kulubi n sa mo.

Ditɛronɔmi 23:23

Ama nɛ esa nase kɔnɔ mbe keparso, a daga fanɛ e tia kumo, ŋkpal manɛ so, mannɛ esa ko e tintiŋ mo nɛ e nase kɔnɔ na.

Ditɛronɔmi 23:24

Nɛ menyi be eko bɔla esa ko be ndibi sɔrso be kudɔ to a choŋ, e beeŋ tiŋ n chuge asɔrso na be ako n ji kanaŋkamaso nɛ e bee sha, ama e sa maŋ chuge amo n wɔtɔ kusɔ to n yɔ.

1 Tɛsalɔnikaebi 5:18

Men baa chɔrɔ Ebɔrɛ kebaawɔtɔ kama nɛ men wɔtɔ to, ŋkpal manɛ so, kusɔ nɛ e bee sha nɛ men baa wora Yesu Kristo to nna na.

Hibruwebi 13:15

Amoso, men shin nɛ an baa di Ebɔrɛ epaŋ saŋkikɛ fanɛ anyi be sarga mo nɛ anyee bɔla Yesu so a ta anyi be nnɔ a ji mbe ketre be eleŋ be shɛda na.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.