Nshɛ 50:1 - EBƆRƐ BE KAWƆL

¹ Enyɛnpetale Ebɔrɛ, elempo na, bee tre durnya to be basa kikɛ nɛ b wɔ epeŋitɔrkpa nɛ epeŋilarkpa na nna fanɛ b shɛr.

Nshɛ 50:1 ပူးပေါင်းရင်းမြစ်များ

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

1 Bewura 18:21

Nɛ anebi Elaija yɔ basa na kutɔ n ya kaŋɛ bumo le: “Nchɛ afanɛ nɛ men yɛ men ta n yili men be kagbene kukoŋwule? Nɛ Enyɛnpe na e la Ebɔrɛ, men baa shuŋ mo! Nɛ Baal malɛ e la Ebɔrɛ kumo ere men baa shuŋ mo alɛ gba!” Ama basa na daa maŋ tuge shɛŋ.

1 Kronikɛls 15:17

Beshɛbompo nɛ b daa laŋ danyaŋ be echakachaka e daa la Jowɛl pibinyɛn Heman, nɛ mo kurgepo Asaf nɛ e la Berekia pibinyɛn na, nɛ Kushiya pibinyɛn Etan nɛ e shi Mɛrari be kabuna na. Basa nɛ b daa chɛ bumo to a laŋ ejaŋjilaŋ wurbi e daa la Zakareya nɛ Jaziɛl nɛ Shemiramɔf nɛ Jehiɛl nɛ Yuni nɛ Eliab nɛ Maseya nɛ Bɛnaya. Bumo nɛ bumo alɛ daa laŋ ejaŋjilaŋ gboŋgboŋi na e daa la, Matitiya nɛ Elifilehu nɛ Mikneya nɛ Azaziya n ta Obɛd Edɔm nɛ Jeɛl nɛ b la bɔrɛlambu na to be mbuna be bekenipo na n ti so.

1 Kronikɛls 16:37

Ewura Deevid daŋ lara Asaf nɛ Livaiebi nɛ b la kabuna koŋwule ebi na nna fanɛ b baa keni kakpa nɛ ŋkre be deka na yil na be kushuŋ so karechɛ kikɛ.

1 Kronikɛls 25:2

Asaf e daa juŋkpar mbe mbinyɛnsobi ana nɛ baa laŋ alaŋsɔ nsaa boŋ nshɛ saŋkama nɛ ewura na bee sha kashɛ be kenu. Bumo e daa la Zakuur nɛ Josɛf nɛ Netaniya nɛ Asharila.

1 Kronikɛls 25:6

Heman e daa juŋkpar mbe mbia kuduana na nɛ baa laŋ echakachaka nɛ ejaŋjilaŋ a bunyaŋ Enyɛnpe Ebɔrɛ na ashi bɔrɛlambu na to. Ama ewura Deevid gbagba e daa ŋini Asaf nɛ Jedutum nɛ Heman bre kusɔ nɛ k daga fanɛ b wora.

1 Kronikɛls 6:24

Tahaaf nɛ Yuriɛl nɛ Uziya nɛ Shawul.

2 Kronikɛls 29:30

Ewura na nɛ efuli na so be bejuŋkparpoana na daŋ kaŋɛ Livaiebi na nna fanɛ b baa boŋ nshɛ nɛ ewura Deevid nɛ anebi Asaf daŋ sibɛ n nase na. B ka bee boŋ amo nɛ ekama be kagbene fuli nɛ b gbir m bunyaŋ Ebɔrɛ.

Nehemaya 9:32

O, anyi be Ebɔrɛ mo nɛ eleŋ kikɛ bɔɔ fo enɔ, nɛ fo asheŋ kɔ kufu; fo maa lar fo kamalga kaman kikɛ, kasha malɛ bɔlɔ fo to kiŋkiŋ. Nyiŋi awurfoŋ nɛ k ba anyi nɛ anyi be bewura nɛ bejuŋkparpo nɛ bɔrɛmatapoana nɛ anebiana nɛ an nanaana nɛ anyi be basa kikɛ so, yili Asiriya be ewura be jemanɛ kikɛ so m ba fo kabre.

Nehemaya 9:6

Ndoŋ nna nɛ basa na kule Ebɔrɛ ŋ kaŋɛ: “Fo nawule e la Enyɛnpe anyi be Ebɔrɛ na. Fo e to ebɔrɛso nɛ achɛkpabi kikɛ, Fo e to kasawule nɛ asɔ nɛ e wɔ kumo so kikɛ. Fo e to teku nɛ kumo to be asɔ keniso kikɛ Ŋkpa kikɛ shi fo kutɔ nna, nɛ achɛkpabi nɛ a wɔ awɔlpa to kikɛ bee fur fo a kpaŋ fo.

Nshɛ 113:3

Baŋ yili karechɛ kikɛ be kachipurso n ya fo kaaseso, ekama e baa kpaŋ Enyɛnpe Ebɔrɛ na be ketre!

Nshɛ 73:1

Kashenteŋto, Ebɔrɛ walɛ n sa Israɛl nɛ bekama nɛ baa bunyaŋ mo nɛ ŋgbene fuful na.

Nshɛ 74:1

O Ebɔrɛ, manɛ nna nɛ fo kplaŋ anyi so loŋ? Feeŋ baŋ nya agbo n wɔtɔ fo basa mbaanaayɔ a?

Nshɛ 75:1

O Ebɔrɛ, anyee di fo epaŋ, ŋkpal fo ka taga anyi to so! Ekama bee ji eyur nna a malga fo mamachisheŋ be asheŋ.

Nshɛ 76:1

Ekama nyi Ebɔrɛ be asheŋ ashi Juda be efuli so, nɛ mbe ketre malɛ bee nya kemaŋkura Israɛl to.

Nshɛ 77:1

N shu n tre Ebɔrɛ nna a fin kechɛto. Ŋ ka shu n tre mo, nɛ e nu ma kushu na.

Nshɛ 78:1

Ma basa, men nu ma keŋini ere, nseŋ nu kusɔ nɛ mee kaŋɛ ere nɛnɛ.

Nshɛ 79:1

O Ebɔrɛ, efuli pɔtɛana so ebi ba kɔ n suge fo kasawule. B shin nɛ fo bɔrɛlambu cheembi na wora eyurpi daŋkare be ekpa so, nseŋ shin nɛ Jerusalɛm ki kade bureso a dese fuloŋ.

Nshɛ 80:1

O Israɛl be ekenipo, nu anyi be kekule! Fo nɛ fee juŋkpar Josɛf be kaman to ebi fanɛ mbolpɔ nseŋ chena fo kuwurputi so ashi asɔ pɔrso nɛ baa tre chɛrubim na be nferinto na,

Nshɛ 81:1

Men boŋ nshɛ kagbenefuliso n sa Ebɔrɛ nɛ e bee sa anyi eleŋ na! Men boŋ nshɛ ŋ kpaŋ an nananyɛn Jeekɔb be Ebɔrɛ na!

Nshɛ 82:1

Ebɔrɛ e naa juŋkpar ebɔrɛso be nshɛrgboŋ na; mo e naa ji agbirana na demu a kaŋɛ amo le:

Nshɛ 83:1

O Ebɔrɛ, sa maŋ wora shruum, n lo to a maa wora shɛŋ!

Aizaaya 1:2

Ndoŋ nna nɛ Enyɛnpe Ebɔrɛ naŋ kaŋɛ: “Basa nɛ b wɔ ebɔrɛso nɛ kasawule so kikɛ e kaŋ asoe n nu kusɔ nɛ mee kaŋɛ ere! Mbia nɛ m bela e kilgi a kɔ ma na.

Aizaaya 37:20

Ama fo ere la Enyɛnpe, anyi be Ebɔrɛ nna! Anyee kule fo nna nɛ fo mɔlga anyi ashi Asiriya be ewura be enɔ to, saŋɛ na so, ekama nɛ e wɔ durnya to be efuli kama so, beeŋ pin fanɛ fo nawule e la Ebɔrɛ.”

Aizaaya 54:5

Ŋkpal manɛ so menyi be etopo na beeŋ baa la fanɛ ekul n sa menyi. Mo e la Enyɛnpetale, Israɛl be Ebɔrɛ cheembi na. E beeŋ mɔlga menyi. Mo e naa ji kuwura durnya kikɛ so na.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Jɛremaya 10:6

Enyɛnpe Ebɔrɛ, esa kama maŋ du fanɛ fo. Fo shi ga nɛ fo ketre malɛ gba shi a kɔ eleŋ ga.

Eemɔs 3:8

Buluŋ baa ponte to, wanɛ nɛ kufu maaŋ pɛ? Enyɛnpetale na baŋ lara esa fanɛ e yili mbe katelamu to m malga wanɛ e la amodoŋwura nɛ e tiŋ ŋ kini?

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Matiu 25:32

Baaŋ shɛr efuliana kikɛ nyam ma anishito nɛ m barga basa ko ashi beko to fanɛ kananɛ mbolpɔkpapo bee barga mbolpɔ ashi mboe to na.

Joshuwa 22:22

“Enyɛnpetale na nawule e la Ebɔrɛ! Mo nawule e la Enyɛnpe Ebɔrɛ. Mo nawule e nyi kusɔ nɛ k ba nɛ an pɔr bɔrɛsure ere. Anyi alɛ bee sha fanɛ menyi alɛ gba e pin kumo be loŋ nna. Nɛ fanɛ an kini kenu n sa Enyɛnpe Ebɔrɛ na nna ŋko n wora kusoe kpakpaso bre, kumo ere men sa maŋ shin nɛ an ji efute