Nshɛ 5:6 - EBƆRƐ BE KAWƆL

⁶ Feeŋ mur befɛpo kikɛ. Fo kishi kumukpakpaso nɛ kafule ga.

Nshɛ 5:6 ပူးပေါင်းရင်းမြစ်များ

Jɛnesis 34:14

Le nɛ b daŋ kaŋɛ bumo: “Anyi maaŋ tiŋ n wora le be kesheŋ ere, anyi maaŋ tiŋ n ta an sipoche n sa esa nɛ e maŋ ku kututu. K beeŋ baa la anishinyɔr be kusɔ nna n sa anyi.

2 Samuɛl 16:8

Sɔɔl be kuwura nɛ fo sɔ nseŋ mɔ mbe basa damta na so nɛ Enyɛnpe Ebɔrɛ bee gberge fo kusoe nseŋ ta fo kuwura n sa fo pibinyɛn Absalɔm nɛ fo asheŋ maŋ naa wu anishi na. Emɔpo e la fo.”

2 Samuɛl 20:1

Kanyɛn ko nɛ e daa ku asheŋ nɛ baa tre Shɛba nɛ e la Bikri pibinyɛn nseŋ shi Bɛnjamin be yiri to daa wɔ Gilgaal nna. E daŋ foŋ kabel nna m ber kubomboŋ ŋ kaŋɛ le: “Men sa maŋ bɛ Jɛsi pibinyɛn Deevid so! E maŋ la anyi to be eko! Israɛlebi men shin nɛ an yɔ epe!”

Nshɛ 11:5

Enyɛnpe Ebɔrɛ na bee wora basa lela nna a keni. Ama e kishi kumu kpakpasowuraana nɛ baa sha alubi be kebaawora nsaa maa wu kuwɔr na nna.

Nshɛ 4:2

Saŋɛ mo nɛ menyi basa ere beeŋ yige ma katege? Saŋɛ mo nɛ menyeeŋ yige asheŋ fuloŋ be kasha, nɛ kebaaju a buu efɛ so?

Nshɛ 43:1

Enyɛnpe, ŋini fanɛ m maŋ wora n jija! Malga ŋ kuŋ ma ashi basa nɛ b maŋ nyi fo na kutɔ. Mɔlga ma ashi befɛpo nɛ b kɔ amu kpakpaso na kutɔ.

Nshɛ 55:23

Ama fo Enyɛnpe Ebɔrɛ beeŋ ta basa nɛ b maa shu basa so na bre n lɛ kemaŋ chiŋgeliŋ nɛ k maŋ kɔ ekar na to, pɔɛŋ nɛ bumo be saŋɛ e fo. Ma ere yirda fo nna.

Aizaaya 26:21

Keni, Enyɛnpe Ebɔrɛ na beeŋ shi ebɔrɛso m ba gberge durnya to be basa kusoe ŋkpal bumo alubi so. Basa kama nɛ b mɔ ashiri to na be asheŋ beeŋ lar efuli nɛ b nya kumo be kasogberge.

Romebi 1:29

Ŋkpal b ka kini Ebɔrɛ na so, eda lubi be yiri kikɛ nɛ alubisheŋ nɛ kejimuni nɛ abar be kebaawora alubi e bɔlɔ bumo to. Amo nɛ a bɔlɔ bumo to gba n ti so e la, kayurbesa nɛ kamɔ nɛ nlu nɛ efɛ nɛ kebaafɛ abar asheŋ lubi. Ade malɛ gba be buushi baa kuli bumo braana,

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.