Nshɛ 5:4 - EBƆRƐ BE KAWƆL

⁴ Alubi maa par fo. Fo alɛ nɛ alubiworapo maaŋ tiŋ n chena abar so.

Nshɛ 5:4 ပူးပေါင်းရင်းမြစ်များ

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

Nshɛ 101:7

Esa kama nɛ e bee puni ŋko a fule kikɛ maaŋ nya ma lambu to n chena.

Nshɛ 11:5

Enyɛnpe Ebɔrɛ na bee wora basa lela nna a keni. Ama e kishi kumu kpakpasowuraana nɛ baa sha alubi be kebaawora nsaa maa wu kuwɔr na nna.

Nshɛ 140:13

Kashenteŋto, basa nɛ bumo be asheŋ woraso niŋi beeŋ baa wɔ fo kutɔ a kpaŋ fo ketre na.

Nshɛ 50:21

Men ka wora ade kikɛ, m maŋ bugi kɔnɔ, nɛ men fɛ fanɛ ma Ebɔrɛ gba du fanɛ menyi nna. Ama naniere bre meeŋ malga ŋ gbiti menyi ashi men be anishito.

Nshɛ 63:2

N wu fo eleŋ nɛ fo kemaŋkura ashi fo bɔrɛlambu to.

Nshɛ 88:14

O Enyɛnpe Ebɔrɛ, manɛ nna nɛ fee kini ma a lɛ, nsaa ta fo kumu a ŋana ma so?

Nshɛ 92:15

Saŋɛ na so nɛ b baa kaŋɛ le: “Kusɔ kama nɛ Enyɛnpe Ebɔrɛ na wora niŋi nna! Ebɔrɛ e la anyi be kefaltagboŋ a kuŋ anyi, kulubi kikɛ maŋ wɔ mo to.”

Nshɛ 94:20

Ama fo maa sa basa nɛ b maa ta mbra a shuŋ na kashuli kikɛ.

Habakuk 1:13

Ama fo maaŋ tiŋ a keni nɛ kulubi e baa wora a yɔ. Fo anishi du cheembi ga nɛ a baa wu asheŋ lubi. Ama fo wora shruum a keni basa lubi nɛ b maŋ kɔ yirda ere nɛ baa mur basa nɛ b niŋi a chɔ bumo.

Malakai 2:17

Men shin nɛ menyi be mmalga fi Enyɛnpe Ebɔrɛ, ama le nɛ menyee bishi: “Nuso nɛ anyi be mmalga wora n fi mo? Ŋkpal men ka bee kaŋɛ fanɛ Enyɛnpetale na bee fɛ fanɛ belubiworapo bre e walɛ so, nseŋ naa kaŋɛ fanɛ bumo be asheŋ bee par mo so.” Kumo be kaman nɛ men naa kaŋɛ le: “Nnɛ nɛ Ebɔrɛ nɛ e bee ji asheŋ nɛ amo be ekpa so na wɔ?”

Baru lela nɛ Jɔn kute na 14:23

Nɛ Yesu kaŋɛ mo le: “Esa kama nɛ e bee sha ma beeŋ ta ma mmalga n wɔtɔ mbe kagbene to. N Tuto malɛ gba beeŋ baa sha mo nɛ ma nɛ n Tuto na kikɛ e ba mo kutɔ m ba ta mo ŋ ki anyi be kowu.

Hibruwebi 12:14

Men wora ania nɛ menyi nɛ basa kikɛ e baa wɔ ebel nɛ men baa kɔ kebaawɔtɔ cheembiana, ŋkpal manɛ so, esa kama maaŋ wu Ebɔrɛ na ama amodoŋwura baa kɔ kebaawɔtɔ cheembi nna.

2 Pita 3:13

Ama mbe kɔnɔ nɛ e nase na so nɛ anyee keni esoso popɔrana na nɛ kasawule popɔr na ekpa, ndoŋ nɛ Ebɔrɛ be anishito be alelasheŋ wɔ na.

Kelaraŋŋini 21:23

Epeŋi be kenyaŋɛ ŋko kufɔl be kefulto ndoŋ be asheŋ daa maŋ tir kadegboŋ na to ebi kikɛ, ŋkpal manɛ so, Ebɔrɛ be kemaŋkura e daa nyaŋɛ a yuu kade na so nɛ Kpakpafɔlbi na malɛ la kumo be fitila.

Kelaraŋŋini 21:27

Eyurpi be kusɔ kikɛ maaŋ luri ndoŋ kikɛ. Esa kama malɛ gba nɛ e bee wora anishinyɔrsheŋ ŋko a fule, e maaŋ luri ndoŋ kikɛ. Bumo nɛ b sibɛ bumo be atre n wɔtɔ Kpakpafɔlbi na be ŋkpa be kawɔl na to na nawule e naaŋ luri ndoŋ.