Nshɛ 5:11 - EBƆRƐ BE KAWƆL

¹¹ Ama bumo nɛ baa fin kekuŋ ashi fo kutɔ na bre be ŋgbene bee fuli bumo nna, nɛ baa boŋ nshɛ kagbenefuliso saŋkama. Baa kuŋ bumo nɛ baa sha fo na; Shin nɛ bumo be ŋgbene e baa fuli bumo ŋkpal fo so.

Nshɛ 5:11 ပူးပေါင်းရင်းမြစ်များ

Job be kawɔl 38:7

Loŋ be kachɛ na be kachipurdidi, achɛkpabi daa boŋ nshɛ nna, nɛ ebɔrɛso be emalaika kikɛ daa ji eyur.

Nshɛ 2:12

Men baa jɔŋɛ a bunyaŋ mo pibi na, nɛ mannɛ aloŋ e beeŋ nya agbo epul to m mur menyi. E bee nɛfa nsaa kuŋ bekama nɛ baa shile a yɔ mo kutɔ na nna.”

Nshɛ 35:27

Shin nɛ bumo nɛ baa fin fanɛ n ji n lar na e cha awɔr kagbenefuliso ŋ kaŋɛ le: “Kemaŋkura e baa la Enyɛnpe na peya, Mbe kagbene e naa fuli ŋkpal mbe kenya be nɛnɛ so na.”

Nshɛ 40:16

Enyɛnpe Ebɔrɛ, shin nɛ bumo nɛ baa bunyaŋ fo na be ŋgbene e fuli bumo nɛ b ji eyur. Shin nɛ bekama nɛ baa sha fo kumɔlga na e baa kaŋɛ le saŋkama: “Enyɛnpe Ebɔrɛ na shibi ga.”

Nshɛ 58:10

Nɛ belelaworapo baŋ wu alubiworapoana ka nya bumo be alubi be kasogberge, bumo be ŋgbene beeŋ fuli bumo nɛ b fɔr bumo be aya ashi bumo doŋana na be ŋklaŋ to.

Nshɛ 65:13

Fo shin nɛ asɔbɔya sɔ kaplɛkama nɛ ataŋɛ to be ajibi bee wora alegaiso; nɛ amo kikɛ bee boŋ nshɛ awɔrso kagbenefuliso.

Nshɛ 68:3

Ama shin nɛ basa nɛ baa wora asheŋ niŋiso na bre be ŋgbene e fuli bumo, nɛ b ji eyur fo anishito.

Nshɛ 69:36

Kasawule na beeŋ ki bumo be mbia be kapetɛ kachako. Nɛ esa kama nɛ e bee sha Ebɔrɛ e chena kumo so.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

1 Kɔrintebi 2:9

Ama abɔrɛsibɛ na malɛ bee kaŋɛ fanɛ: “Esa kikɛ maŋ naŋ wu ŋko n nu ŋko n fɛ m pin kusɔ nɛ Ebɔrɛ bela ase n yili basa nɛ baa sha mo na.”

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Demujipoana 5:31

Enyɛnpe Ebɔrɛ, shin nɛ fo doŋana kikɛ e mur fanɛ Sisɛra na! Ama shin nɛ bekama nɛ baa sha fo na e baa du fanɛ epeŋi ka bee pete na! Ndoŋ nna nɛ kayurwushi naŋ ba efuli na so beeŋ wora nfɛ adena.