Nshɛ 49:6 - EBƆRƐ BE KAWƆL

⁶ Bumo ere yirda asɔ nɛ b kɔ nna nsaa puchi ŋkpal bumo be kedamaya so.

Nshɛ 49:6 ပူးပေါင်းရင်းမြစ်များ

Ɛsta 5:11

n ji njɔŋ ŋ ŋini bumo kananɛ e dii kedama nɛ kananɛ e kɔ mbinyɛnsobi damta nɛ kananɛ ewura maŋ mo so nseŋ sa mo kenimu a chɔ ekrachiana nɛ benimuana na be ekama.

Nshɛ 112:7

B maaŋ baa ŋana baru lubi ŋkpal manɛ so, bumo be ŋgbene baa yil kakpa koŋwule nna nɛ baa yirda Enyɛnpe Ebɔrɛ na.

Nshɛ 112:8

Shɛŋ maa fɔŋ bumo ŋko a da bumo kufu; b baa nyi geeŋ fanɛ bumo doŋana beeŋ ji n tɔr.

Nshɛ 52:7

“Men keni basa nɛ b kini keta bumo be yirda n deŋi Ebɔrɛ so, nseŋ ta bumo be yirda n deŋi bumo be kedamaya nɛ asheŋ lubi be kewora so na.”

Nshɛ 56:5

Karechɛ kikɛ bedoŋ bee wu ma kulubi nna. Bumo be nfɛra e baa la kananɛ baaŋ wora n doro ma.

Nshɛ 56:7

Enyɛnpe Ebɔrɛ, sa maŋ shin nɛ b ta bumo be amu n ji kikɛ. Ŋkpal manɛ so, fo baaŋ nya agbo, fee mur efuliana na nna.

Nshɛ 62:10

Sa maŋ ta fo tama n deŋi kapuni be asɔ so, ŋko a wu fo kumu ŋkpal kayu be asɔ so. Loŋ beeŋ tiŋ n sa fo asɔ damta, ama sa maŋ ta fo kagbene n deŋi amo so.

Aŋasa 10:15

Kedamaya bee kuŋ damawuraana nna fanɛ kananɛ baa pɔr egbal a kuŋ kade na, ama ketir bre maa kuŋ betirpo.

Aŋasa 11:28

Bekama nɛ b ta bumo be tama n deŋi bumo be kanya so beeŋ gbaŋgbaŋ n tɔr fanɛ ketarso be afantaŋ, ama basa cheembi bre beeŋ baa purge afantaŋ popɔr fanɛ kechaliso be ndibi nna saŋkama.

Aŋasa 23:5

Ŋkpal manɛ so fo amansherbi beeŋ tiŋ n loge epul to, fanɛ kananɛ kusore beeŋ yili epul to n firgi n choŋ na.

Jɛremaya 9:23

Kumo be kaman nɛ Enyɛnpe Ebɔrɛ na naŋ kaŋɛ le: “Benyiashempo e sa maa puchi bumo be kanyiasheŋ so, ŋko belempo e sa maa puchi bumo be eleŋ so, ŋko damawuraana e sa maa puchi bumo be kedama so.

Hoziya 12:8

Men yɛ: ‘Damawuraana e la anyi nɛ an kɔ amansherbi nɛnɛ. Esa kama malɛ maaŋ tiŋ ŋ kaŋɛ anyi fanɛ an puni nna ŋ ki damawuraana.’

Maak 10:24

Nɛ mbe kamalga na chinchiŋ bebɛsopo na ga, ama Yesu naŋ kaŋɛ: “Ma mbia, Ebɔrɛ be kuwura na to be keluri du kpakpa ga.

Luuk 12:19

Amo be kaman nɛ ŋ kaŋɛ ma kumu: Kumulelawura, feeŋ ta nfɛ damta nɛ fo kraa kɔ asɔ lela. Amoso, baa wɔtɔ boeŋ a ji a nuu nsaa ji fo kumu.’

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.