Nshɛ 49:10 - EBƆRƐ BE KAWƆL

¹⁰ Anyee wu benyiashempo nɛ bewulpo kikɛ ka bee wu; nɛ basa pɔtɛ e ta bumo be asɔ.

Nshɛ 49:10 ပူးပေါင်းရင်းမြစ်များ

Nshɛ 17:14

Enyɛnpe Ebɔrɛ ta fo enɔ lempo na m mɔlga ma ashi loŋ be basa be enɔ to. Basa nɛ durnya ere be kebaawɔtɔ nawule la bumo be tɔnɔ. Fo e naa sa basa nɛ fee sha ajibi; bumo be mbia beeŋ nya n ji kanaŋkama so, nɛ bumo nanabiana gba e nya n ji kanaŋkama so.

Nshɛ 39:6

K bee choŋ manaŋ manaŋ nna fanɛ kiyoyul na. Awurfoŋ nɛ anyee ji ere kikɛ la fuloŋ nna. Anyee fin asɔ nna a deŋi abar so a yili nsaa maŋ nyi esa nɛ e beeŋ ba ji amo be kapetɛ kachako so.

Nshɛ 49:17

K maaŋ chɛr nɛ b wu nseŋ yige bumo be asɔ na kikɛ.

Nshɛ 73:22

kawulisheŋ nɛ kebaamaŋ nyi asheŋ e daa kɔ ma, nɛ n daa wora asheŋ fo anishito fanɛ kusɔbɔya na.

Nshɛ 89:49

O Enyɛnpe Ebɔrɛ, nnɛ nɛ kashagboŋ nɛ fo daa kɔ na wɔ? Nnɔ nɛ fo nase kashenteŋ be ekpa so n sa Deevid na wɔ nnɛ?

Nshɛ 94:8

Ma basa, manɛ nna nɛ men paŋ nfɛra loŋ? Saŋɛ mo nɛ menyi beeŋ naŋ nya kanyiasheŋ?

Aŋasa 11:4

Kedamaya maaŋ ba kɔ tɔnɔ n sa fo gbagba fo kaluwuachɛ, ama kashenteŋji bre beeŋ tiŋ m mɔlga fo ŋkpa.

Aŋasa 12:1

Ekama nɛ e bee sha keniŋi bee nya kenyi nna. Ama ekama nɛ e kishi keniŋi la ewulpo nna.

Aŋasa 14:24

Benyiashempo beeŋ nya kedamaya be tɔnɔ, ama bewulpo bre be kawulisheŋ e naa shin nɛ basa bee pin fanɛ b la bewulpo.

Aŋasa 30:2

N duli kusɔbɔya a chɔ dimɛdi; M maŋ naa kɔ dimɛdi be nfɛra

Kaŋinichiŋgeliŋ 2:26

Ebɔrɛ bee ta kanyiasheŋ nɛ kenyi nɛ kagbenefuli nna a sa bekama nɛ baa wora mbe aparsheŋ. Ama belubiworapo bre, e bee shin nna nɛ baa shuŋ a nya asɔ a yili, nɛ bekama nɛ baa wora Ebɔrɛ be aparsheŋ na e ba ji amo be kapetɛ. Ade kikɛ la asheŋ fuloŋ nna. A du nna fanɛ kebaa ju a bɛ afu so.

Jɛremaya 10:8

Agbirana maŋ kɔ tɔnɔ nɛ kechɛto kikɛ n sa basa. Esa kama nɛ e bee shuŋ amo la ewulpo nna.

Jɛremaya 17:11

Esa kama nɛ e bee puni a nya amansherbi du fanɛ kabuibi nɛ e bee pugi afule nɛ e maŋ to so nna. Jemanɛ nɛ e beeŋ daŋ n yili na nɛ e beeŋ paŋ amansherbi na, kumo be lalaloge nɛ e ki fanɛ ewulpo.

Luuk 12:20

Ndoŋ nna nɛ Ebɔrɛ kaŋɛ mo: ‘Ewulpo ere. Kanyɛ ere feeŋ paŋ fo ŋkpa ere. Nɛ fo alɛ paŋ kumo, wanɛ peya nɛ asɔ nɛ fo bela n yili fo kumu ere kikɛ beeŋ ki?’ ”

Hibruwebi 9:27

Ebɔrɛ malɛ yili kumo nna fanɛ a daga fanɛ basa kikɛ ka wu kela koŋwule nɛ luwu na be kaman nɛ demu be keji malɛ e ba bumo so.