Nshɛ 48:9 - EBƆRƐ BE KAWƆL

⁹ Enyɛnpe Ebɔrɛ, saŋkama nɛ an yɔ fo bɔrɛlambu na to, fo kasha nɛ k maa chɛrga na be asheŋ bee ba anyi be nfɛra to nna.

Nshɛ 48:9 ပူးပေါင်းရင်းမြစ်များ

1 Bewura 10:6

Le nɛ ewurche na daŋ kaŋɛ ewura Sɔlɔmɔn: “Kusɔ nɛ n nu ma efuli so ashi fo kaplɛa so nɛ kanyiasheŋ nɛ fo kɔ na be asheŋ kikɛ la kashenteŋ nna!

1 Bewura 10:7

N daa maŋ yirda kumo be loŋ ama ŋ gbagba ka ba wu kumo be kashenteŋ ere pɔɛŋ nɛ n yirda. N daŋ maŋ nu fo kanyiasheŋ nɛ fo kedamaya ere be asheŋ be bargato gba. Naniere kusɔ nɛ n nu ere chɔ kananɛ n nu kumo be asheŋ basa kutɔ na ga.

Nshɛ 104:34

Mee tama fanɛ ma nfɛra fɛso beeŋ baa par fo, ŋkpal manɛ so, ma kagbene fuli fo so.

Nshɛ 26:3

M maaŋ teŋ fo kasha nɛ k maa loge na so kikɛ. Fo kashenteŋji e naa juŋkpar ma saŋkikɛ.

Nshɛ 40:10

M maŋ ta fo kumɔlga be asheŋ na n wɔtɔ n nawule be kagbene to nna na. Ŋ ji fo kumɔlga nɛ fo kashenteŋji nɛ fo kasha nɛ k maa chɛrga na be asheŋ be shɛda nna ashi fo basa be nshɛrgboŋ to.

Nshɛ 87:5

Kashenteŋto, kusɔ nɛ baaŋ baa kaŋɛ a laŋɛ Jerusalɛm be kaplɛa so nde: “Jerusalɛm to nɛ b kurge kuti nɛ kuti. Enyɛnpetale Ebɔrɛ na malɛ e naa sa kumo eleŋ.”

Sɔlɔmɔn 1:4

Keta ma nɛ an nya manaŋ n yɔ; Ma ewura, keta ma n yɔ fo ebu to manaŋ. Ndoŋ nɛ anyi be ŋgbene beeŋ fuli anyi, nɛ an nuu nsa nseŋ ji anyi be amu. Nɛ beche bee sha fo, kumo be ekpa so nna.

Aizaaya 26:8

Anyee bɛ fo aparsheŋ so nna nsaa ta anyi be tama a to fo so. Fo nawule be ketre nɛ anyee sha fanɛ k baa nya kemaŋkura ashi anyi be ŋgbene to.

Jɛremaya 31:40

Ketaŋɛ nɛ baa puli basa nsaa lɛ nsunɔ kumo to na kikɛ nɛ adɔsawule nɛ a dese Kidrɔn be Kabombi ase na m ba choŋ Egbaŋɛ be Kabunagboŋ na kikɛ beeŋ ki cheembi n sa Enyɛnpe Ebɔrɛ na. Jerusalɛm maŋ naa ba nɛ k bure ŋko m mur kikɛ.”