Nshɛ 47:8 - EBƆRƐ BE KAWƆL

⁸ Ebɔrɛ tase mbe kuwurputi cheembi so nna a ji durnya kikɛ so kuwura.

Nshɛ 47:8 ပူးပေါင်းရင်းမြစ်များ

1 Kronikɛls 16:31

Esoso nɛ kasawule so ebi, men shin nɛ men be ŋgbene e baa fuli! Men kaŋɛ efuliana na fanɛ Enyɛnpe Ebɔrɛ na e la ewura.

Nshɛ 110:6

E beeŋ ji basa nɛ b wɔ efuli pɔtɛana so demu nseŋ shin nɛ bumo be basa e wu n deŋi abar so kasawule ere so.

Nshɛ 48:1

Enyɛnpe Ebɔrɛ na shi nseŋ daga an ka fur mo ga ashi kadegboŋ nɛ e wɔ kumo to nɛ k tase mbe kebeegboŋ cheembi nɛ baa tre Zayɔn na so na.

Nshɛ 89:14

Fee ji kuwura ekpa niŋiso so, nsaa ji asheŋ nɛ amo be ekpa so nna. Kasha nɛ kashenteŋji bee dii efuli kusɔ kama nɛ fee wora to nna.

Nshɛ 9:4

Eshenteŋjipo e la fo nɛ fee ji asheŋ nɛ amo be ekpa so. Fo ji ma asheŋ kashenteŋ be ekpa so n ŋini fanɛ n ji n lar.

Nshɛ 93:1

Enyɛnpe Ebɔrɛ na e la ewura. Kemaŋkuragboŋ nɛ eleŋ buu mo nna fanɛ kuwurpiŋi. Mo e tɔl durnya n yili kpakpa, nɛ shɛŋ shɛŋ maaŋ tiŋ n fifir kumo.

Nshɛ 94:20

Ama fo maa sa basa nɛ b maa ta mbra a shuŋ na kashuli kikɛ.

Nshɛ 96:10

Men kaŋɛ efuliana na so ebi le: “Enyɛnpe Ebɔrɛ na e la Ewura! Mo e tɔl durnya na n yili dindiŋ nɛ k maa fifir; mo alɛ e naaŋ ji basa kikɛ demu nɛ e maŋ puni eko.”

Nshɛ 97:1

Enyɛnpe Ebɔrɛ na e la Ewura! Shin nɛ durnya kikɛ e ji eyur nɛ mplasawule kikɛ e wora awɔr.

Nshɛ 99:1

Enyɛnpe Ebɔrɛ na e la ewura! Efuliana kikɛ so be basa e baa chicha. E chena mbe kuwurputi nɛ emalaika nɛ b kɔ aba wɔ kumo be kaseto na so nna; nɛ kasawule bee gbuŋgbuŋ.

Nshɛ 99:2

Enyɛnpe Ebɔrɛ na la esagboŋ nna ashi Jerusalɛm to; mo e kɔ eleŋ efuliana na kikɛ so.

Zakareya 14:9

Loŋ be jemanɛ na, Enyɛnpe Ebɔrɛ na e naaŋ baa ji durnya kikɛ so kuwura. Mo nawule be ketre nɛ ekama beeŋ baa nyi nsaa bunyaŋ mo nawule fanɛ Ebɔrɛ.

Malakai 1:14

Kɔnɔsho e baa wɔ ekama nɛ e bee puni nsaa ta asɔbɔya nɛ a maŋ daga m ba kaa lara sarga a sa ma, saŋɛ so nɛ e nase kɔnɔ fanɛ e beeŋ ta kusɔbɔya lela nɛ k wɔ mbe asɔbɔya to m ba lara sarga n sa ma na so. Ŋkpal manɛ so ma e la Enyɛnpetale Ewurgboŋ, nɛ efuli kama so ebi bee ŋana ma.”

Hibruwebi 4:16

Amoso, naniere, men shin nɛ an nya kagbene m ba Ebɔrɛ na be kuwurputiakpa, kakpa nɛ kuwɔr be kakɛ wɔ na. Ndoŋ nɛ Ebɔrɛ beeŋ wu anyi kuwɔr nɛ an nya kuwɔr be kakɛ mo nɛ k beeŋ chɛ anyi to saŋɛ nɛ k daga na.

Kelaraŋŋini 19:6

Mmalga ere be kaman nɛ n nu kusɔ ko ka gbri fanɛ jimaŋ damta ka wora awɔr na. Awɔr na daŋ naa gbri fanɛ nchu damta ka bee shile nna nseŋ daŋ naa gbri fanɛ bɔrɛ ka bee ponte to a boŋ to a kaŋɛ le: “Halleluya. Ŋkpal manɛ so, an Nyɛnpetale Enyɛnpe Ebɔrɛ na e wɔ kuwura a ji.

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.