Nshɛ 47:2 - EBƆRƐ BE KAWƆL

² Enyɛnpetale Ebɔrɛ na be asheŋ woraso kɔ mamachi nɛ kufu nna. Mo e la ewurgboŋ, a ji durnya kikɛ so kuwura.

Nshɛ 47:2 ပူးပေါင်းရင်းမြစ်များ

Nehemaya 1:5

“O Enyɛnpe Ebɔrɛ nɛ fo wɔ ebɔrɛso, fo e kɔ eleŋ ga nɛ fo bunyaŋ shi m baŋ so. Fo alɛ e naa wora a bɛ fo nnɔ naseso so a sa bekama nɛ baa sha fo nsaa wora fo mmalga kasonu.

Nshɛ 145:6

Basa beeŋ baa malga fo asheŋgboŋ be asheŋ nsaa ber fo keshi be kubomboŋ a sa beko.

Nshɛ 47:7

Ŋkpal manɛ so mo, e la durnya kikɛ be ewura nna. Amoso men boŋ nshɛ n di mo epaŋ.

Nshɛ 65:5

An be Ebɔrɛ, fo mɔlga anyi, nɛ fo aworbi nɛ a bee keta kufu na shin nɛ an pin fanɛ fo nu kekule nɛ anyee kule a fin kashenteŋji na. Fo e naa sa durnya ere be basa kikɛ tama, hale bumo nɛ b wɔ teku be kaba nɛ anyi maŋ nyi na kikɛ gba.

Nshɛ 68:35

O, Ebɔrɛ, fo asheŋ woraso bee keta kufu ashi fo bɔrɛlambu to nna, nɛ fee sa fo basa eleŋ nɛ yuku. Men shin nɛ an fur anyi be Ebɔrɛ na!

Nshɛ 76:12

Mo e naa bar bewura kama nɛ baa boo kenyɛn na kaseto; a shin nɛ baa ki befupo.

Nshɛ 95:3

Ŋkpal manɛ so, Enyɛnpe Ebɔrɛ na e la Ewurgboŋ; agbirana maŋ la shɛŋ mbe anishito.

Nshɛ 99:3

Ekama beeŋ kpaŋ mbe ketregboŋ nɛ k kɔ eleŋ ga na. Ŋkpal manɛ so, e du cheembi nna.

Malakai 1:14

Kɔnɔsho e baa wɔ ekama nɛ e bee puni nsaa ta asɔbɔya nɛ a maŋ daga m ba kaa lara sarga a sa ma, saŋɛ so nɛ e nase kɔnɔ fanɛ e beeŋ ta kusɔbɔya lela nɛ k wɔ mbe asɔbɔya to m ba lara sarga n sa ma na so. Ŋkpal manɛ so ma e la Enyɛnpetale Ewurgboŋ, nɛ efuli kama so ebi bee ŋana ma.”

Matiu 28:18

Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Ditɛronɔmi 28:58

Nɛ men kini kewora Ebɔrɛ be mbraana nɛ b sibɛ n wɔtɔ kawɔl ere to ere kasonu kashenteŋto nseŋ kini kesa Enyɛnpe menyi be Ebɔrɛ na be ketre nɛ k kɔ kemaŋkura na bunyaŋ,

Ditɛronɔmi 7:21

Amoso men sa maa ŋana basa ere jemanɛ nɛ menyi nɛ bumo beeŋ tu abar kena to. Menyi nɛ Enyɛnpe menyi be Ebɔrɛ na e wɔtɔ. E la Ebɔrɛ gboŋgboŋi nɛ mbe asheŋ kɔ kufu nna.