Nshɛ 47:1 - EBƆRƐ BE KAWƆL

¹ Menyi efuliana na be basa kikɛ e kpla enɔ, nseŋ ponte kagbenefuliso n di Ebɔrɛ epaŋ.

Nshɛ 47:1 ပူးပေါင်းရင်းမြစ်များ

2 Samuɛl 6:15

Ndoŋ nna nɛ mo nɛ Israɛlebi na kikɛ ta ŋkre be deka na, a foŋ mbel a cha awɔr kagbenefuliso a yɔ Jerusalɛm.

2 Bewura 11:12

Kede be kaman nɛ Jehowada keta Jɔash n lar kowu nseŋ ta kuwurwuro m buu mo nseŋ n ta bewura be mbra be kawɔl n sa mo nseŋ chulgi ŋku n wurge mbe kumu so n ta mo ŋ ki ewura. Ndoŋ nna nɛ ekama na kpla enɔ nseŋ cha awɔr ŋ kaŋɛ le: “Ebɔrɛ e teŋi ewura na be ŋkpa so.”

2 Kronikɛls 13:15

nɛ Judaebi na cha kena to be awɔr ga. Kede be kaman nɛ ewura Abija juŋkpar bumo n ya kɔ kena na nɛ Ebɔrɛ chɛ bumo to nɛ b pɔɔ Jeroboam nɛ Israɛlebi be benapo na so m mɔ bumo.

Nshɛ 106:47

O Enyɛnpe anyi be Ebɔrɛ, mɔlga anyi, nseŋ lara anyi efuli pɔtɛana so m bɛta m ba epe. Saŋɛ na so anyeeŋ di fo epaŋ nseŋ kpaŋ fo ketre cheembi na.

Nshɛ 42:1

Kananɛ achukoŋ bee pɛ chibir nɛ e bee yɛla kenishi to a fin eboŋ nɛ k kɔ nchu na, aloŋ nɛ mee fin fo Ebɔrɛ kenishipereso ashi ma kagbene to.

Nshɛ 46:1

Ebɔrɛ e la anyi be ekumpogboŋ saŋkikɛ, nsaa sa anyi eleŋ. Mo e wɔtɔ saŋkama a chɛ anyi to tɔrɔ be jemanɛ.

Nshɛ 47:5

Kagbenefuli be awɔr be kecha, nɛ mbel be kefoŋ be awɔr to nɛ Ebɔrɛ bɔla so n dii n yɔ mbe kuwurputi so ashi bɔrɛlambu na to.

Nshɛ 98:4

Durnya to be basa kikɛ e boŋ nshɛ kagbenefuliso ŋ kpaŋ Enyɛnpe Ebɔrɛ na.

Nshɛ 98:8

Shin nɛ elɔrana e baa gbri fanɛ a ka bee kpla enɔ na, nɛ abeebi so e baa gbri fanɛ a ka bee cha abar a boŋ nshɛ kagbenefuliso ashi Enyɛnpe Ebɔrɛ be anishito.

Aizaaya 55:12

Kagbenefuli nɛ menyeeŋ ta n lar Babilɔn be efuli so, nseŋ lar kadegboŋ na to nɛ kayurwushi. Abeegboŋ nɛ abeebi beeŋ baa boŋ nshɛ a sa menyi, nɛ ndibi malɛ e baa kpla enɔ a wɔtɔ.

Jɛremaya 31:7

Kede be kaman, nɛ Enyɛnpe Ebɔrɛ na naŋ kaŋɛ le: “Men boŋ kagbenefuli be nshɛ n sa Israɛl be efuli, nɛ k la efuligboŋ ashi efuliana na kikɛ to na. Men boŋ nshɛ ŋ kpaŋ ma ŋ kaŋɛ le: ‘Enyɛnpe Ebɔrɛ na mɔlga mbe basa; mo e kɔ n sɔ bekama nɛ b ka na.’

Zefanaiya 3:14

Israɛlebi, men baa boŋ nshɛ awɔrso kagbenefuliso! Jerusalɛmebi, menyi alɛ gba e baa ji eyur kagbenefuliso!

Zakareya 4:7

Kusɔ kama nɛ k du fanɛ kebee a kagle fo to beeŋ foe fo anishito. Feeŋ lɔŋɛ bɔrɛlambu na m pɔr. Kachɛ nɛ feeŋ ta lalaloge be berkishi m mɔ kapɔr na so na, basa na kikɛ beeŋ boŋ to awɔrso ŋ kaŋɛ le: “Ebɔrɛ e nɛfa kumo! Ebɔrɛ e nɛfa kumo!”

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

1 Samuɛl 10:24

Ndoŋ nna nɛ Samuɛl kaŋɛ basa na le: “Kanyɛn nɛ Enyɛnpe Ebɔrɛ lara nna na! Esa kama maŋ du fanɛ mo.” Ndoŋ nna nɛ basa na kikɛ cha awɔr ŋ kaŋɛ le: “Ewura! Ebɔrɛ e sa fo ŋkpa tenteŋ!”