Nshɛ 46:3 - EBƆRƐ BE KAWƆL

³ Hale teku bee baga to a kaa apɔpɔ a gbuŋgbuŋ abeegboŋ a lɛ gba,

Nshɛ 46:3 ပူးပေါင်းရင်းမြစ်များ

1 Bewura 19:11

Nɛ Enyɛnpe Ebɔrɛ kaŋɛ mo le: “Lar n ya yili kebee na be esoso a jo ma, meeŋ ba choŋ.” Ndoŋ nna nɛ Enyɛnpe Ebɔrɛ shin nɛ afu lempo ko ba ber kebee na nseŋ bu kumo n lɛ m bure afalta nɛ a wɔ ndoŋ na to, ama Enyɛnpe na daa maŋ wɔ afu na to. Afu na ka yige nɛ kasawule be kegbuŋgbuŋ malɛ bɛ so ama Enyɛnpe na daa maŋ wɔ kumo alɛ gba to.

Job be kawɔl 38:11

Kumo be kaman nɛ ŋ kaŋɛ kumo le: “Kakpa nɛ feeŋ tiŋ m ba fo nna na sa maŋ kaŋ choŋ so ndoŋ. Kakpa nɛ fo atili lempo na daga e fo nna na.”

Nshɛ 18:4

Luwu be ŋgbɛlɛbi chambɔ ma nna; nɛ kemur be nchu kulti ma n wɔtɔ,

Aizaaya 5:3

Ŋkpal loŋ so nɛ n teri na kaŋɛ le: “Menyi basa nɛ men wɔ Jerusalɛm be kade to nɛ Judiya be efuli so, men ji ma nɛ ma ndibi sɔrso be kudɔ be asheŋ ere n sa ma.

Aizaaya 54:10

Abeegboŋ nɛ abeebi beeŋ tiŋ m bure n tɔr, ama kasha nɛ ŋ kɔ n sa menyi maaŋ loge kikɛ. Meeŋ bɛ kɔnɔ nɛ n naseso ŋ kaŋɛ fanɛ meeŋ sa menyi kayurwushi na so mbaanaayɔ. Kusɔ nɛ Enyɛnpe Ebɔrɛ, nɛ mee sha menyi na kaŋɛ nna na.”

Jɛremaya 4:24

Kumo be kaman nɛ ŋ keni n wu abeegboŋ ka bee gbuŋgbuŋ to, nɛ abeebi malɛ bee laŋte a yɔ a ba.

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Maika 1:4

Abeegboŋ na beeŋ ŋalga ashi mbe aya to fanɛ ŋku bumbuŋ ka luri edɛ to ŋ ŋalga a shile a yɔ abee na be afito fanɛ nchu ka shi kebee so a chulgi a wurge kasawule so na.

Nahum 1:5

Abeegboŋ bee gbuŋgbuŋ to Enyɛnpe Ebɔrɛ na be anishito nna, nɛ abeebi bee ŋalga mbe anishito. E baŋ lar a ba kasawule kikɛ bee gbuŋgbuŋ nna nɛ durnya nɛ kumo be basa kikɛ e baa chicha.

Matiu 7:25

E ka pɔr n loge nɛ afugboŋ ber ebu na so eleŋso ga nɛ bɔrɛ ba ga n to chuful kaplɛkama, ama k maŋ tɔr, ŋkpal e ka pɔr kumo kefalta so na so.

Kelaraŋŋini 16:20

Esa daa maŋ naa wu kebeegboŋ kama, nɛ kepla kama malɛ daŋ foe.

Kelaraŋŋini 17:15

Ndoŋ nna nɛ malaika na naŋ kaŋɛ ma: “Nchuana nɛ fo daŋ wu na, kakpa nɛ sakaleche na tase na be kifi to e la basa be nnaŋ to nɛ ejimaŋ nɛ efuliana so ebi nɛ ŋgbarana to ebi.