Nshɛ 46:2 - EBƆRƐ BE KAWƆL

² Amoso hale nɛ kasawule gbuŋgbuŋ to nɛ abeegboŋ tia n tɔr teku be kakpa chiŋgeliŋ gba, kufu maŋ kɔ anyi.

Nshɛ 46:2 ပူးပေါင်းရင်းမြစ်များ

2 Samuɛl 22:3

Ma Ebɔrɛ na e la ma kejembugboŋ nɛ ma eŋanakpa. Mo kutɔ nɛ ma kumɔlga bee shi. E bee kuŋ ma nna fanɛ kebɛlso be kusɔkuŋso. Mo e naa kɔ a sa ma, nsaa mɔlga ma. Mo e la ma emɔlgapo. Mo e naa kuŋ ma nsaa mɔlga ma, nsaa ta ma a ŋana basa nɛ baa ta eleŋ a tintiŋ basa na so.

Nshɛ 142:6

Enyɛnpe Ebɔrɛ, nu ma kushu nɛ mee shu a fin fo kechɛto ere. Ŋkpal manɛ so, asheŋ gben ma nna na. Mɔlga ma ashi ma doŋana be enɔ to; b chɔ ma eleŋ ga nɛ m maaŋ tiŋ bumo.

Nshɛ 18:7

Nɛ kasawule gbuŋgbuŋ to m baŋɛ, nɛ abeegboŋ be kaseto gbuŋgbuŋ. A gbuŋgbuŋ nna ŋkpal Ebɔrɛ ka nya agbo so.

Nshɛ 23:4

Hale nɛ n na tentembiri to mina gba, kufu maa pɛ ma. Ŋkpal manɛ so, fo wɔ ma kutɔ. Fo kuwurkpabi nɛ fo kuchuchɔ e naa kuŋ ma.

Nshɛ 27:3

Hale benapo damta kulti ma n wɔtɔ gba, kufu maaŋ pɛ ma. Hale nɛ baa kɔ ma kena gba, ŋ kraa beeŋ yirda fo.

Nshɛ 28:7

Enyɛnpe Ebɔrɛ na e naa sa ma eleŋ nsaa kuŋ ma. N yirda mo kashenteŋto. E chɛ ma to n shin nɛ ma kagbene fuli ma. Amoso meeŋ ji eyur nseŋ boŋ nshɛ n di mo epaŋ.

Nshɛ 37:39

Enyɛnpe Ebɔrɛ na e naa kuŋ mbe basa, nsaa mɔlga bumo tɔrɔ be saŋɛ.

Nshɛ 59:17

Meeŋ boŋ nshɛ n fur fo. Fo e la ma ekumpogboŋ nsaa sha ma.

Nshɛ 62:8

Basa, men yirda Enyɛnpe Ebɔrɛ na nsaa kaŋɛ mo men be asheŋ tirso saŋkama. Ŋkpal manɛ so, Ebɔrɛ na nawule e la anyi be ekumpo.

Nshɛ 62:9

Anyi edimɛdi baa du fanɛ esa ka fute afu nna. Anyi be ekama maŋ la shɛŋ. Anyi kikɛ be egbɛ maŋ fo esa be efute be egbɛ so.

Nshɛ 82:5

Menyi be ekama maŋ nyi shɛŋ ŋko a pin asheŋ to! Tentembiri to nɛ men wɔ a nite a kulti; saŋɛ so nɛ durnya kikɛ be gbaltɔlase bee gbuŋgbuŋ.

Nshɛ 91:2

Kumo be kaman nɛ e kaŋɛ Enyɛnpe Ebɔrɛ na le: “Fo nɛ mee shile n ya kaa mata nɛ fee kuŋ ma, fo e la ma Ebɔrɛ nɛ n yirda fo.”

Jɛremaya 14:8

Fo e la Israɛl be basa tama kikɛ. Fo e naŋ tiŋ m mɔlga anyi ashi etɔrɔgboŋ to. Manɛ nna nɛ fee wora fanɛ efɔ ashi anyi be kasawule so, ŋko fanɛ esa nɛ e wɔ enite to nseŋ ba ji kanyɛ koŋwule?

Nahum 1:7

Enyɛnpe Ebɔrɛ na walɛ; mo e naa kuŋ mbe basa tɔrɔ to, nsaa keni bekama nɛ b yirda mo so.

Matiu 21:21

Nɛ Yesu kaŋɛ bumo: “Ma e kaŋɛ menyi kashenteŋto na fanɛ nɛ men baa kɔ yirda a maa wora shikashika, mannɛ kusɔ nɛ k wora figi be kedibi na nawule nɛ menyeeŋ tiŋ n wora, ama menyeeŋ tiŋ ŋ kaŋɛ kebee ere le: ‘Pulgi n ta fo kumu n ya lɛ teku to’, nɛ loŋ e wora.

Luuk 21:33

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ.

Hibruwebi 13:6

Amoso, menyeeŋ tiŋ m puchi ŋ kaŋɛ fanɛ: “Enyɛnpe e la ma echɛtopo, m maaŋ baa lɔ kufu. Manɛ nɛ nyiŋgbasa beeŋ tiŋ n wora ma?”