Nshɛ 46:10 - EBƆRƐ BE KAWƆL

¹⁰ E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Nshɛ 46:10 ပူးပေါင်းရင်းမြစ်များ

1 Bewura 18:36

Kaaseso be saŋɛ nɛ baaŋ lara sarga na ka fo, nɛ anebi Elaija yɔ bɔrɛsure na ase n ya kule Ebɔrɛ ŋ kaŋɛ le: “O Enyɛnpe, Eebraham nɛ Aizek nɛ Jeekɔb be Ebɔrɛ, shin nɛ basa ere e pin fanɛ fo e la Israɛl be Ebɔrɛ nɛ ma alɛ la fo kayɛrbi nsaa bɛ fo kɔnɔ so a wora asheŋ ere kikɛ.

2 Bewura 19:12

N nananyɛnana e daŋ mur nde nɛ baa tre Gozan nɛ Haran nɛ Rezef, nseŋ mɔ Bɛtaden be basa nɛ b daa wɔ Tɛlassa na gba. Bumo be agbirana daŋ maŋ tiŋ m mɔlga bumo.

2 Bewura 6:23

Ndoŋ nna nɛ Israɛl be ewura na shin nɛ b wora kejigboŋ n sa Siriya be benapo na. B ka ji nseŋ nuu n loge na, nɛ e shin nɛ b bɛta n yɔ Siriya be ewura na kutɔ. Baŋ yili kumo be saŋɛ, nɛ Siriyaebi na yige kebaata kena a purgi Israɛl be efuli so ebi.

1 Kronikɛls 29:11

Fo kuwurgboŋ nɛ eleŋ nɛ kemaŋkura nɛ kuwurji wɔtɔ nna mbaanaayɔ. Fo e kɔ esoso nɛ kasawule so kikɛ be eleŋ nsaa ji kusɔ kama so kuwura.

Nshɛ 100:3

Men baa nyi fanɛ Enyɛnpe na e la Ebɔrɛ! Mo e to anyi nɛ an la mbe basa; an du fanɛ mbe mbolpɔ nna nɛ e bee keni so.

Nshɛ 21:13

Enyɛnpe Ebɔrɛ, kemaŋkura e baa la fo peya. Anyeeŋ boŋ nshɛ m maŋkura fo ŋkpal fo eleŋgboŋ na so.

Nshɛ 37:15

Ama bumo gbagba be nsaŋɛ na beeŋ kilgi n da bumo m mɔ, nɛ bumo be ata na e buri to.

Nshɛ 57:5

Shin nɛ basa e wu fo aworbigboŋ ashi awɔlpa to, nɛ fo kemaŋkuragboŋ ashi kasawule so kikɛ.

Nshɛ 83:18

Shin nɛ b pin fanɛ fo e la Enyɛnpetale Ebɔrɛ. Fo alɛ nawule e naa ji kuwura durnya kikɛ so.

Ɛksodɔs 18:11

Ijiptebi na fɛl menyi Israɛlebi n chɛr. Naniere nɛ m pin fanɛ Enyɛnpe Ebɔrɛ kɔ eleŋ a chɔ agbirana kikɛ, ŋkpal kusɔ nɛ e wora basa na so.”

Aizaaya 2:11

Enyɛnpe Ebɔrɛ na kaŋ ba, baaŋ bar esa kama nɛ e bee fɛ fanɛ e shi ga, ŋko ekama nɛ e bee maŋ mbe kumu so, kaseto. Enyɛnpe Ebɔrɛ na nawule e naaŋ nya kemaŋkura loŋ be kachɛ na.

Aizaaya 2:17

Kachɛ na kaŋ fo, baaŋ bar esa kama nɛ e bee maŋ mbe kumu so nɛ ekama nɛ e bee fɛ fanɛ e shi ga kaseto. Enyɛnpe Ebɔrɛ na nawule e naaŋ nya kemaŋkura.

Aizaaya 2:4

Enyɛnpe Ebɔrɛ na beeŋ naŋ lɔŋɛ efuligboŋana nɛ kelantokɔ wɔ amo be basa to na nɛ b naaŋ nyalɛ abar so. Kumo be kaman nɛ b ta bumo be etokobi m bɛl ntekpa nseŋ ta bumo be akpa malɛ m bɛl eloji. Efuliana na maaŋ naa ŋini bumo be basa kena be kekɔ kikɛ, ŋko n naaŋ kɔ abar kena gba kuraa.

Aizaaya 5:16

Enyɛnpetale Ebɔrɛ na bre bee wora kusɔ nɛ k daga nna a ŋini mbe keshi, nsaa ji mbe basa demu a lara mbe kecheembiya efuli.

Jɛremaya 49:35

E yɛ: “Meeŋ shin nɛ b mɔ basa nɛ b ta ata ŋ kɔ n shin nɛ Elam be efuli na nya eleŋ ga na.

Ezikɛl 30:8

Ŋ kaŋ shin nɛ edɛ ji Ijipt be efuli nɛ kumo be basa nɛ baa kɔ a kuŋ kumo na nɛ baaŋ pin fanɛ ma e la Enyɛnpe Ebɔrɛ na.

Ezikɛl 38:23

Kananɛ meeŋ ŋini efuliana na kikɛ ma keshi nɛ kecheembiya nna na. Aloŋ nɛ baaŋ pin fanɛ ma e la Enyɛnpe Ebɔrɛ na.”

Ezikɛl 39:3

Saŋɛ na so nɛ ŋ ŋmɛa mbe keta nɛ atanyembi ashi mbe enɔjiso nɛ bena to n lɛ.

Maika 4:3

E beeŋ naŋ lɔŋɛ efuliana nɛ a wɔ kufɔ nɛ tatato kikɛ, nɛ kelaŋtokɔ wɔ bumo be kefɛato na nɛ b naŋ nyalɛ abar so. Saŋɛ na so nɛ b ta bumo be etokobi m bel ntekpa nseŋ ta bumo akpa malɛ m bel eloji. Efuliana na maaŋ naa ŋini bumo basa kena be kekɔ kikɛ ŋko n naŋ kɔ abar kena gba kuraa.

Habakuk 2:20

Enyɛnpe Ebɔrɛ na bre wɔ mbe bɔrɛlambu cheembi to nna, amoso ekama e wora shruum mbe anishito ashi kasawule ere so.

Zakareya 2:13

Ekama e wora shruum ashi Enyɛnpe Ebɔrɛ na be anishito, ŋkpal manɛ so, e koso kakpa cheembi nɛ e wɔ na nna a ba.

Joshuwa 11:6

Nɛ Enyɛnpe Ebɔrɛ kaŋɛ Joshuwa le: “Men sa maa ŋana bumo ŋkpal manɛ so, echefo saŋɛ ere so, meeŋ ta bumo m bɔɔ menyi Israɛlebi enɔ nɛ men mɔ bumo kikɛ. Men wora m buri bumo be egbaŋɛ na be aya nseŋ chɔ bumo be egbaŋɛturko na.”

Joshuwa 11:9

Kananɛ Enyɛnpe Ebɔrɛ baŋ ŋini Joshuwa na gbagba chap nɛ e daŋ wora. E daŋ buri bumo be egbaŋɛ na be aya nna nseŋ naŋ chɔ bumo be egbaŋɛturko gba.

1 Samuɛl 17:46

Kabre be kachɛ ere, Enyɛnpe Ebɔrɛ beeŋ ta fo m bɔɔ ma enɔ nɛ m pɔɔ fo so ŋ ku fo kumu ere, nseŋ ta Filisti be benapo be eyurana n sa mbuibi nɛ kupuŋ to be asɔbɔya nɛ b ji. Saŋɛ na so nɛ durnya kikɛ e pin fanɛ Ebɔrɛ wɔ Israɛlebi kutɔ.

1 Samuɛl 2:4

Fo Enyɛnpe e naa buri benapo lempo be ata kikɛ to nsaa sa bepɔshipo eleŋ.