Nshɛ 45:9 - EBƆRƐ BE KAWƆL

⁹ Bewura be mbichesobi e wɔ fo lambu to, nɛ eche nɛ fee shin nɛ fo ta na wɔtɔ shuwa be abitasɔ a yil fo kuwurputi be jisoso.

Nshɛ 45:9 ပူးပေါင်းရင်းမြစ်များ

1 Bewura 10:11

Ewura Hiram nɛ e daa la kadegboŋ nɛ baa tre Tayɛ na be ewura be ekuloŋgboŋana nɛ a shi Ɔfir na gba daŋ sulɔ shuwa nɛ ndibi nɛ baa tre Junipa na be abaŋɛso nɛ yawu kpakpaso be abitasɔ nna m ba.

1 Bewura 2:19

Ndoŋ nna nɛ Bɛshiba yɔ ewura Sɔlɔmɔn kutɔ nɛ e ya kaŋɛ mo kusɔ nɛ Adonija kaŋɛ na. Ewura Sɔlɔmɔn ka wu mo nio nɛ e koso n yili n chɔrɔ mo bunyaŋ so, nseŋ chena mbe kuwurputi so, n shin nɛ b ta kuwurputi ko malɛ m ba nase mbe jisoso nɛ mo nio chena so.

1 Bewura 2:9

Ama sa maŋ kaŋ shin nɛ e ta mbe kumu n ji. Fo gbagba nyi kusɔ nɛ k daga fo ka wora mo. E tiŋ bel ama sa maŋ shin nɛ e wu Ebɔrɛso be luwu.”

1 Kronikɛls 1:23

Ɔfir nɛ Havila nɛ Jobaab.

Job be kawɔl 22:24

Amoso lara fo shuwa lela na kikɛ n lɛ eboŋ nɛ a wɔlto be ataŋɛ to nseŋ wu amo fanɛ eshishɛr nɛ a maŋ kɔ tɔnɔ.

Nshɛ 45:13

Ma ewura, eche nɛ fee shin nɛ fo ta na be kebita shi mbe kagbene to nna. Shuwa be ejesebi nɛ b ta n jɔ mbe kejafɔ to be kale.

Nshɛ 72:10

Speen be efuli so nɛ mplasawule so be bewuraana beeŋ bar bumo be ŋkɛ m ba sa mo; nɛ Areebia nɛ Itiopia be bewuraana gba e bar bumo be ŋkɛ m ba sa mo.

Aŋasa 7:17

Nseŋ ta etulale nɛ baa tre mir nɛ alowe nɛ Sinamɔn na ŋ ŋmenyaŋ kumo kikɛ so.

Sɔlɔmɔn 7:1

Fo la ewurbi pibi nna, nɛ asɛbta bee nyalɛ fo aya to ga. Fo abembi walɛ nna nseŋ ku nchule fanɛ kubɔtoshembi na.

Aizaaya 49:23

Bewura beeŋ ki fanɛ betuto n sa fo; nɛ bewurche e ki fanɛ benio n sa fo. Baaŋ jɔŋɛ fo ase nseŋ bunyaŋ fo. Kumo be kaman nɛ b bar bumo be amu kaseto n sa fo. Saŋɛ na so, feeŋ pin fanɛ ma e la Enyɛnpe Ebɔrɛ na. Esa kama nɛ e yirda ma, maaŋ ji anishinyɔr kikɛ.

Baru lela nɛ Jɔn kute na 3:29

Kejafɔ mo kul e wɔ eche nɛ baa kre kejafɔ na. Kejafɔ mo teri na bre bee kaa yil nna nseŋ kaŋ kusoe a jo saŋɛ nɛ e beeŋ nu mo teri kejafɔ mo kul na be ebɔl nɛ mbe kagbene e fuli mo ga. Le e naa shin nɛ kagbenefuli bee bɔlɔ ma alɛ gba to.

Kelaraŋŋini 19:7

Men shin nɛ anyi be ŋgbene e fuli anyi n dese nɛ an sa mo kemaŋkura. Ŋkpal manɛ so, Kpakpafɔlbi be kejafɔachɛ na fo nɛ mbe kejafɔ malɛ gba bela ase n loge.

Kelaraŋŋini 21:2

Nɛ n wu kadegboŋ cheembi na, kumo e la Jerusalɛm popɔr na ka shi Ebɔrɛ kutɔ ashi ebɔrɛso fanɛ kejafɔ ka mea to nɛ e tu mo kul na.

Kelaraŋŋini 21:24

Kumo be kefulto nɛ efuliana so ebi beeŋ wu n nite nɛ kasawule ere so be bewurgboŋana e bar bumo be kemaŋkura kumo to.

Kelaraŋŋini 21:9

Ndoŋ nna nɛ emalaika ashunu mo nɛ b daa kɔ ntishaŋ ashunu nɛ a daŋ bɔlɔ lalaloge be etɔrɔ ashunu na be eko ba ŋ kutɔ m ba kaŋɛ ma le: “Ba nɛ ŋ ŋini fo kejafɔ na, Kpakpafɔlbi na be eche na.”