Nshɛ 45:8 - EBƆRƐ BE KAWƆL

⁸ Etulale lela dufɛso nɛ baa tre mir nɛ alowe na be efɛa a wɔ fo asɔbuuso so, nɛ baa laŋ ejaŋjilaŋ nɛ alaŋsɔ a deŋi fo anishito ashi fo lambu nɛ b ta ejebotenyi n ji kumo kebita na to.

Nshɛ 45:8 ပူးပေါင်းရင်းမြစ်များ

1 Bewura 22:39

B sibɛ kusɔ kama nɛ ewura Ahab wora, kananɛ e ta asɔlnyii n lɔŋɛ ewura be laŋ, nɛ nde nɛ e pɔr na kikɛ be asheŋ n wɔtɔ Israɛl be bewura be adrasheŋ be nwɔl to.

Nshɛ 11:7

Ŋkpal manɛ so, Enyɛnpe Ebɔrɛ na bee wora asheŋ nɛ amo be ekpa so nna nsaa sha kashenteŋji. Bumo nɛ baa wora asheŋ niŋiso e naŋ baa wɔ mo kutɔ.

Nshɛ 150:4

Men baa laŋ ŋkure a cha a kpaŋ mo, nsaa ta ejaŋjilaŋ nɛ nlopi gba a kpaŋ mo.

Nshɛ 16:11

Fo shin nɛ m pin fo ŋkpa be ekpa na. Fo kebaawɔ ma kutɔ, e naa shin nɛ ma kagbene bee fuli ga saŋkama.

Nshɛ 45:15

Nɛ b ta kagbenefuli m bɛ fo so n luri ewura be laŋ to.

Sɔlɔmɔn 1:13

N jipo, fo du fanɛ tulale nna ashi ma anyipo be nfɛato.

Sɔlɔmɔn 1:3

nɛ fo efɛa wɔ ebel ga. Fo ketre du viim nna fanɛ b ka chulgi tulale n wurge nna. Nɛ besuŋgurbi bee wu fo so.

Sɔlɔmɔn 3:6

Wanɛ e shi keshishɛrsawule so a ba fanɛ edishi ka bee kaa kululu loŋ, nɛ etulale kpakpaso fanɛ mɛr nɛ fraŋkinsensi nɛ eyawujipoana bee fa na be efɛa bɛ mo so loŋ?

Sɔlɔmɔn 4:6

Meeŋ nya manaŋ n yɔ abee nɛ apreŋ nɛ a kɔ etulale nɛ asɔ dufɛso be efɛa na so pɔɛŋ nɛ kaboŋ e bugi to nɛ kare e chɛ.

Sɔlɔmɔn 5:1

M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Sɔlɔmɔn 5:13

Mbe ŋgbuŋ walɛ nna fanɛ kudɔbi nɛ k kɔ afantaŋ nɛ asɔrso nɛ amo be efɛa wɔ ebel. Nɛ mbe kɔnɔpurbi du fanɛ atoto nɛ baa tre lili nɛ a bee dufɛ viim na.

Sɔlɔmɔn 5:5

Nɛ ŋ koso nɛ n bugi kukuloŋ na n sa mo, nɛ etulale bee chise ma enɔ nɛ ashilbi so a do kukuloŋ na be kelagatobi so.

Eemɔs 3:15

Meeŋ bure bumo be elaŋ nɛ baa dese to kebleŋ to nɛ amo nɛ baa dese to awo to na kikɛ. Bumo be elaŋana nɛ b ta asɔlnyii n ji kebita nɛ bumo be elaŋgboŋ kikɛ beeŋ bure. Ma Enyɛnpe Ebɔrɛ na e malga na.”

Matiu 2:11

B ka luri laŋ na to n wu kebia na nɛ mo nio Mɛɛri nɛ b gbir m bunyaŋ kebia na. Kumo be kaman nɛ b bugi bumo be asɔ to n lara shuwa nɛ asɔ ko nɛ baa tre fraŋkinsensi nɛ mir ŋ kɛ kebia na.

Baru lela nɛ Jɔn kute na 14:2

Ebu damtaana wɔ n Tuto na pe, nɛ mannɛ aloŋ e daa la, n daŋ kaŋɛ menyi. Ma alɛ bee yɔ ndoŋ nna na nɛ n ya kaa lɔŋɛ kaboŋ a yili menyi.

Baru lela nɛ Jɔn kute na 19:39

Nikodimɔs nɛ e daŋ keyɔ Yesu kutɔ kiidiso kachako na nɛ Josɛf na e daŋ yɔ. Nikodimɔs daŋ ta etulale mo nɛ baa tre mir nɛ alowe nɛ b kɔ a gbiti bubuni so nɛ baa dese a chɛr na be weato nna m ba. Amo be egbɛ daa wɔ fanɛ kekargato be pɔŋ kalfa.

Hibruwebi 12:2

Men shin nɛ an ta anyi be anishi n yuu Yesu nɛ e la anyi be yirda ere be ejuŋkparpo nɛ esa nɛ e bee shin nɛ yirda bee yili to nɛnɛ a fo kumo be ekar na so. Mo e daŋ kpal kachako so be kagbenefuli mo nɛ k jo mo na so a maŋ ta kewu kedibi largato so be luwu na n tre shɛŋ nseŋ ji kumo nseŋ ya kaa tase Ebɔrɛ be kuwurputi be jisoso na.