Nshɛ 45:6 - EBƆRƐ BE KAWƆL

⁶ Kuwurji nɛ Ebɔrɛ sa fo na beeŋ baa wɔtɔ mbaanaayɔ. Nɛ fo baa ji basa be asheŋ nɛ amo be ekpa so.

Nshɛ 45:6 ပူးပေါင်းရင်းမြစ်များ

2 Samuɛl 23:4

du nna fanɛ bɔrɛ ka maŋ mɔl nɛ epeŋi nyaŋɛ chipurso nɛ kakpa kikɛ wora parr nna. Loŋ be epeŋi e naa nyaŋɛ a shin nɛ afitiri bee nyɛkpɛso chipurso na.”

Nshɛ 145:13

Fo kuwurji wɔtɔ nna mbaanaayɔ; k maŋ kɔ ekar, fo alɛ bee ji kuwura nna, yili kenana ko n ya fo kenana ko to ebi so nna. An Nyɛnpe Ebɔrɛ, fo e naa wora a bɔlɔ fo nnɔ naseso so nsaa wora kusɔ kama nɛ fo kaŋɛ feeŋ wora.

Nshɛ 89:29

Meeŋ shin nɛ mbe kabuna ebi e baa ji kuwura mbaanaayɔ; mbe kanaŋ to be esa e naaŋ baa ji kuwura jemanɛ kikɛ.

Nshɛ 93:2

Dra na kikɛ nɛ fee ji kuwura, fo alɛ wɔtɔ nna mbaanaayɔ.

Nshɛ 98:9

Ŋkpal manɛ so, mo e naa ba nɛ e ba ji kuwura kasawule so. E beeŋ ba bɔla ekpa niŋiso so n ji esa kama nɛ e wɔ kasawule so demu nɛ e maŋ kpɛa ekama to.

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Nɔmbɛs 24:8

Ebɔrɛ e lara bumo ashi Ijipt be kasawule so. B kɔ eleŋ nna fanɛ kupuntona na, nsaa kɔ a pɔɔ bumo doŋana so. Baaŋ to bumo doŋana ata nɛ bumo be awibi kikɛ e buri to.

Baru lela nɛ Jɔn kute na 1:1

Pɔɛŋ nɛ durnya fara na nɛ esa nɛ baa tre Ebɔrɛ be Kamalga na wɔtɔ. Mo nɛ Ebɔrɛ e daa wɔtɔ nɛ mo nɛ Ebɔrɛ malɛ daa la kukoŋwule.

Ditɛronɔmi 32:42

Bumo be ŋklaŋ beeŋ baa chise ma atanyembi so, nɛ ma tokobi e mɔ bekama nɛ b maa shuli a sa ma na. M maaŋ shin nɛ ekama nɛ e bee kɔ ma e ta mbe kumu n ji; bumo nɛ b nya doro nɛ bumo nɛ b wɔ kabuti to kikɛ beeŋ wu.’

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Kelaraŋŋini 19:11

Ndoŋ nna nɛ n wu ebɔrɛso ka bugi nɛ gbaŋɛ fuful yil. Kumo be ediipo be ketre e la Kebaayɛawora nɛ Kashenteŋ. Ekpa niŋiso nɛ e bee bɔla a ji demu nsaa kɔ kumo a kɔ kena.