Nshɛ 45:2 - EBƆRƐ BE KAWƆL

² Enyɛn kikɛ maŋ walɛ keyɛrbi fanɛ fo. Mmalga belbelso nawule e naa shi fo kɔnɔ to. Amoso nɛ Ebɔrɛ bee nɛfa fo.

Nshɛ 45:2 ပူးပေါင်းရင်းမြစ်များ

Nshɛ 21:6

Kashenteŋto, fo sa mo nɛfa mbaanaayɔ; fo nɛ mo be kebaala na malɛ bee fuli mo kagbene nna.

Aŋasa 22:11

Fo baa sha asheŋ niŋiso nsaa kɔ kamalga belbelso, kumo ere feeŋ tiŋ n ji ewura kenekpa.

Aŋasa 5:2

Amo e naaŋ sa fo da lela, nseŋ shin nɛ fo mmalga e baa ŋini fanɛ fo kɔ kenyi.

Sɔlɔmɔn 2:3

Kananɛ mangodibi bee wea ndibi pɔtɛ to ashi kupo to na nɛ n jipo du ashi mbrantiɛbia to. Kumo be kiyoyul to be kechena wɔ ebel nna nɛ kumo kusɔrso bee wora ma kɔnɔ to ebel ga

Aizaaya 33:17

Ade kikɛ be kaman, menyeeŋ naŋ wu ewura ko ka bee ji kuwura kemaŋkuraso ashi kasawule nɛ k dese n sɔ kaplɛkama a yɔ na so.

Aizaaya 50:4

Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Zakareya 9:17

Baaŋ baa walɛ kebita kashenteŋto! Mbifɔlbi beeŋ daŋ a kɔ eleŋ nɛnɛ ŋkpal b ka beeŋ nya aboyu damta a ji nsaa nya yabra popɔr a nuu so.

Matiu 17:2

Ndoŋ nna nɛ e kilgi kanaŋ ko bumo be anishito nɛ mbe anishiakpa fuli to a nyɛkpɛ fanɛ epeŋi nɛ mbe asɔbuuso malɛ fuli to parr a kpa edɛ.

Luuk 4:22

Mbe asheŋ daŋ bɔlɔ basa na be kenishi ga nɛ mbe kubɔya belbelso na be asheŋ chinchiŋ bumo ga nɛ b bishi abar: “Mannɛ mo e la Josɛf pibi na a?”

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 7:46

Nɛ bekumpo na kaŋɛ bumo le: “Kananɛ kanyɛn na bee malga na, esa kikɛ maŋ naŋ malga loŋ.”

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.