Nshɛ 44:3 - EBƆRƐ BE KAWƆL

³ Mannɛ bumo gbagba be eleŋ nɛ akɔsɔ e daŋ shin nɛ b sɔ kasawule ere, ŋko n shin nɛ b kɔ m pɔɔ so. Ama ŋkpal fo kagbene ka fuli bumo so so, nɛ fo chɛ bumo to nɛ b kɔ m pɔɔ bumo doŋana so.

Nshɛ 44:3 ပူးပေါင်းရင်းမြစ်များ

2 Samuɛl 7:23

Efuli pɔtɛana so ebi kikɛ malɛ maŋ naa wɔtɔ a du fanɛ Israɛl be efuli so ebi nɛ fo lara kenyaya to ashi Ijipt be efuli so nseŋ ta bumo ŋ ki fo gbagba be basa ere so. Fo asheŋ tumase damta nɛ fo wora nɛ fo ketre dii na so e shin nɛ efuli pɔtɛana kikɛ ta bumo agbirana n shile efuliana na so, saŋɛ na so, fo basa beeŋ sɔ ndoŋ n chena.

2 Kronikɛls 20:7

Fo e la anyi be Ebɔrɛ. Fo basa Israɛlebi na ka koso m ba kasawule ere so na, fo e ju basa nɛ b daa wɔ nfe na nseŋ ta kasawule na n sa fo teri Eebraham be kaman to ebi nɛ k baa la bumo peya mbaanaayɔ.

Nshɛ 111:6

Mo e lara mbe eleŋgboŋ na ŋ ŋini mbe basa, jemanɛ nɛ e sɔ efuli pɔtɛana be nsawule n sa bumo na.

Nshɛ 17:7

Ŋini fo mamachi be kasha na. Fo enɔ lempo na nɛ fee ta a mɔlga bumo nɛ baa shile a ba fo kutɔ ashi bumo doŋana be enɔ to.

Nshɛ 20:6

N nyi geeŋ fanɛ Enyɛnpe Ebɔrɛ na beeŋ mɔlga mbe ewura lara so. E beeŋ yili mbe ebɔrɛso cheembi na n nu ma kekule nseŋ ta mbe enɔ lempo na m mɔlga ma.

Nshɛ 4:6

Basa damta bee kule Ebɔrɛ nna a kaŋɛ le: “Enyɛnpe Ebɔrɛ nɛfa anyi, nseŋ wu anyi kuwɔr.”

Nshɛ 42:11

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so. Fo e la ma Ebɔrɛ.

Nshɛ 42:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so.

Nshɛ 74:11

Manɛ nna nɛ fo kini kechɛ anyi to? Manɛ nna nɛ fo maaŋ gberge bumo kusoe?

Nshɛ 77:15

Fo eleŋgboŋ na nɛ fo ta m mɔlga fo basa nɛ b la Jeekɔb nɛ Josɛf be kaman to ebi na.

Nshɛ 78:55

E daŋ ju efuli pɔtɛana na be basa nna n lar nseŋ barga kasawule na nɛ bumo be nwuana to n sa Israɛl be eyiri yiri nɛ b la mbe basa na.

Nshɛ 80:16

Bedoŋ ba ku kefeelebi na n lɛ nseŋ nya edɛ n wɔtɔ kumo to. Naniere shin nɛ fo agbo e ba mur bedoŋ na.

Nshɛ 80:9

Fo e lɔŋɛ kasawule na so, nɛ kefeelebi na e tiŋ n daŋ; nɛ kumo be nliŋi e nya n luri kasawule to nɛnɛ. Saŋɛ na so k beeŋ purge m buu kasawule na kikɛ so.

Ɛksodɔs 15:16

nɛ kufu nɛ kechichachicha e tɔr bumo so. Ŋkpal eleŋ nɛ k beeŋ lar fo enɔ to na so, baaŋ wora shruum fanɛ kejembu na n ya fo saŋɛ nɛ fo basa nɛ fo lara ashi kenyaya to na choŋ na pɔɛŋ.

Aizaaya 63:12

Nnɛ nɛ Enyɛnpe Ebɔrɛ nɛ e bɔla Mosis so n ta mbe eleŋ n wora asheŋgboŋ n shin nɛ teku peper barga to anyɔ nɛ ekpa dese kumo to nɛ mbe ketre dii mbaanaayɔ na wɔ?”

Zakareya 4:6

Kumo be kaman nɛ malaika na kaŋɛ fanɛ n ta Enyɛnpetale Ebɔrɛ na be kubɔya ere n sa Zerubabel. E yɛ: “Feeŋ pɔɔ fo doŋana so ama mannɛ kena to be eleŋ ŋko kuwibi to be eleŋ nɛ feeŋ ta ŋ kɔ m pɔɔ bumo so. Ma Kiyoyu na be eleŋ so nɛ feeŋ ta m pɔɔ so.”

Nɔmbɛs 14:8

Nɛ an wora Enyɛnpe Ebɔrɛ na kasonu, e beeŋ yɛra anyi kasawule nɛ k walɛ nsaa wora adɔjibi nɛnɛ ere so n ya ta kumo n sa anyi.

2 Kɔrintebi 4:7

Ama anyi, bumo nɛ an kɔ le be kanya ere du fanɛ mba nna a ŋini fanɛ eleŋ nɛ k chɔ kekama na la Ebɔrɛ peya nna, mannɛ anyeya.

Ditɛronɔmi 10:15

Enyɛnpe Ebɔrɛ na daŋ sha men nananyɛnana na ga so nna nɛ e lara menyi nseŋ yige basa nɛ b ka na. Hale nɛ mbre men kraa la mbe basa laraso nna.

Joshuwa 24:12

Mannɛ menyi be etokobi nɛ ata nɛ men daŋ ta m pɔɔ bumo so. Kufu nɛ n daŋ ta n wɔtɔ bumo to fanɛ kananɛ n daŋ wora Amɔriebi be bewura anyɔ nɛ b wɔ Jɔɔdan be lɔr na be epeŋilarkpa na.

Joshuwa 3:10

Kananɛ menyeeŋ pin fanɛ Enyɛnpe Ebɔrɛ nɛ e wɔ ŋkpa to na wɔ menyi kutɔ nde. E beeŋ ju Keenanebi nɛ Hitebi nɛ Hivebi nɛ Pɛrizebi nɛ Gɛgashebi nɛ Amɔriebi nɛ Jebusiebi nɛ b wɔ Jɔɔdan be lɔr be kaba ndoŋ na kikɛ.

1 Samuɛl 12:22

Ebɔrɛ na e lara menyi fanɛ mo gbagba be basa. Ŋkpal mbe ketre ka shibi so, e maaŋ yige menyi kikɛ.