Nshɛ 44:22 - EBƆRƐ BE KAWƆL

²² Ŋkpal fo so anyee luri luwu to nna saŋkikɛ. An du fanɛ mbolpɔ nɛ b gberge a yɔ nɛ b ya mɔ nna.

Nshɛ 44:22 ပူးပေါင်းရင်းမြစ်များ

Jɛnesis 18:15

Ama ŋkpal kufu ka daŋ pɛ Sɛɛra so, e daŋ chɛ nna nseŋ kaŋɛ fanɛ e maŋ mushe nna. Nɛ Enyɛnpe na naŋ kaŋɛ: “Kashenteŋ, fo wora loŋ. Fo mushe.”

1 Bewura 19:10

Nɛ Elaija kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo bɔrɛsureana n lɛ, m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

Nshɛ 139:2

Fo nyi jemanɛ nɛ mee wushi ŋko a shuŋ; n wɔ kufɔ a maŋ taga fo to gba fo nyi, fo nyi kusɔ nɛ k wɔ ma nfɛra to kikɛ.

Nshɛ 44:11

Fo yige anyi nna nɛ an ki fanɛ asɔbɔya nɛ basa bee mɔ a ji, nseŋ pesaŋ anyi to n wɔtɔ efuli pɔtɛana to.

Nshɛ 94:11

Enyɛnpe Ebɔrɛ na nyi dimɛdi kikɛ be nfɛra ka la nfɛra fuloŋ a maŋ kɔ tɔnɔ.

Aizaaya 53:7

Awurfoŋ nɛ ebesa damta daŋ ba mo so, ama e daŋ lo to boeŋ nna, a maŋ fubel. E daŋ lo to fanɛ kpakpafɔlbi nɛ b gberge a yɔ nɛ b ya mɔ nna. Mo alɛ nseŋ daa du fanɛ kubolpɔ nɛ baa kuya kumo be afuibi nɛ k dese boeŋ nna, e maŋ wora shɛŋ.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Baru lela nɛ Jɔn kute na 15:21

Asheŋ ere kikɛ nɛ baaŋ wora menyi ŋkpal men ka la meya so, ŋkpal manɛ so, b maŋ nyi esa nɛ e shuŋi ma na.

Romebi 8:36

Loŋ malɛ nɛ abɔrɛsibɛ na bee kaŋɛ na fanɛ: “Ŋkpal fo so nɛ an wɔ kenishipere nɛ k kɔ anyi a yɔ luwu to kachɛ kama na. An ki fanɛ mbolpɔ nɛ b kɔ a yɔ nɛ b ya teŋ nna.”

1 Kɔrintebi 4:9

K bee wora ma nna fanɛ Ebɔrɛ ta anyi beshuŋipo nna m bɛ ekama be kaman nɛ an baa du fanɛ basa nɛ b ji n tɔr n daga kewu kelɔnɛ so na. B yili anyi kefulto so nna geeŋ, emalaika nɛ basa kikɛ be anishito, kumo e la fanɛ durnya kikɛ be anishito.

Joshuwa 22:22

“Enyɛnpetale na nawule e la Ebɔrɛ! Mo nawule e la Enyɛnpe Ebɔrɛ. Mo nawule e nyi kusɔ nɛ k ba nɛ an pɔr bɔrɛsure ere. Anyi alɛ bee sha fanɛ menyi alɛ gba e pin kumo be loŋ nna. Nɛ fanɛ an kini kenu n sa Enyɛnpe Ebɔrɛ na nna ŋko n wora kusoe kpakpaso bre, kumo ere men sa maŋ shin nɛ an ji efute

Kelaraŋŋini 17:6

N daŋ wu fanɛ kache na daŋ nuu Ebɔrɛ be basa laraso be ŋklaŋ nɛ bumo nɛ b daŋ ji Yesu be shɛda na be ŋklaŋ nna m boo. Ŋ ka wu mo nɛ k wora ma kanaŋ ko ga.