Nshɛ 44:2 - EBƆRƐ BE KAWƆL

² kananɛ fo ta fo eleŋ n ju basa nɛ b daa wɔ efuli ere so dra dra na, nseŋ shin nɛ an nananyɛnana sɔ kasawule ere nɛ kananɛ fo shin nɛ asheŋ nite nɛnɛ n sa bumo.

Nshɛ 44:2 ပူးပေါင်းရင်းမြစ်များ

2 Samuɛl 23:12

Nɛ Shamma bre daŋ yili kudɔ na to ŋ kɔ m pɔɔ Filistiebi na so ŋ kuŋ kudɔ na. Kumo be kamɔnchɛ kekɔmpɔɔso gboŋgboŋi nɛ Enyɛnpe Ebɔrɛ na daŋ sa bumo.

2 Samuɛl 7:10

N sa ma basa Israɛlebi bumo gbagba be kakpa nɛ b chena, saŋɛ na so, shɛŋ shɛŋ maaŋ naŋ tɔrɔ bumo. Baŋ yili saŋɛ so nɛ b ba chena kasawule ere so kikɛ, basa lubi maŋ yige bumo ama loŋ maaŋ naŋ wora kikɛ.

Nshɛ 105:44

E daŋ suge efuli pɔtɛana ko be nsawule nɛ asɔ kama nɛ b gben n nya nna n sa Israɛlebi na.

Nshɛ 78:55

E daŋ ju efuli pɔtɛana na be basa nna n lar nseŋ barga kasawule na nɛ bumo be nwuana to n sa Israɛl be eyiri yiri nɛ b la mbe basa na.

Ɛksodɔs 10:2

Kumo be loŋ beeŋ shin nɛ menyi alɛ gba e kaŋɛ men be mbia nɛ men nanabiana kananɛ n daŋ wora emamachisheŋ ashi Ijiptebi be anishito, saŋɛ na so menyi kikɛ beeŋ pin fanɛ ma e la Enyɛnpe Ebɔrɛ na.”

Ɛksodɔs 15:17

Fo e naaŋ yɛr fo basa n ya chena fo gbagba be kebee so, kaboŋ nɛ fo, Enyɛnpe lara fanɛ k baa la fo pe nsaa la ebu cheembi nɛ fo gbagba pɔr na.

Ɛksodɔs 15:19

Israɛlebi na daŋ bɔla teku na to nna n nite kasawule wɔlso so n choŋ. Ama Fɛɛro be egbaŋɛturkoana nɛ egbaŋɛdiipoana na bre ka bɔla teku na to nɛ b choŋ nɛ Enyɛnpe Ebɔrɛ shin nɛ nchu na bɛta m ba mur bumo kikɛ.

Ɛksodɔs 23:28

Meeŋ shin nɛ edundumbɔfo e juŋkpar n ya ju Hivebi nɛ Keenanebi nɛ Hitebi.

Ɛksodɔs 34:11

Amoso, nɛ men bɛ ma mmalga nɛ mee ta a sa menyi kabre ere so, meeŋ ju Amɔriebi nɛ Keenanebi nɛ Hitebi nɛ Pɛrizebi nɛ Hivebi nɛ Jebusiebi ashi kasawule ere so.

Aizaaya 51:9

Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

Jɛremaya 32:23

Ama b ka ba kasawule ere so m ba sɔ kumo ŋ ki bumo peya na be kaman, b maŋ wora fo kasonu ŋko m bɛ fo mbra so. Kusɔ kama nɛ fo yili bumo fanɛ b wora na b maŋ wora kumo. Amoso nɛ fo shin nɛ kemur ere ba bumo so na.

Nɔmbɛs 13:32

Nseŋ fara a sa Israɛlebi na efɛ be baru a yɔ kasawule na be kaplɛa so a kaŋɛ le: “Kasawule na gba maŋ la kudɔsawule lela nɛ esa beeŋ tiŋ n dɔ kumo so n nya adɔjibi nɛnɛ m bela basa nɛ b wɔ ndoŋ na. Basa nɛ an wu ndoŋ na malɛ kikɛ la basa tenteŋ gboŋgboŋi nna.

Ditɛronɔmi 32:7

Men laŋɛ menyi be nfɛra n yɔ dra na be nchɛ so; men bishi basa nɛ b kurge menyi na kusɔ nɛ k daŋ wora, nseŋ naŋ bishi basa kpar nɛ b kaŋɛ menyi adrasheŋ.

Ditɛronɔmi 4:38

Men ka lar a ba malɛ, mo e daa ju efuliana nɛ b kɔ eleŋ ga a chɔ menyi na a lar nsaa ta bumo be nsawule a sa menyi fanɛ kananɛ e fara a wora ere.

Ditɛronɔmi 7:1

Ndoŋ nna nɛ Mosis naŋ kaŋɛ: “Israɛlebi, Enyɛnpe menyi be Ebɔrɛ na beeŋ chɛ menyi to nɛ men suge Hitebi nɛ Giigashebi nɛ Amɔriebi nɛ Keenanebi nɛ Pɛrizebi nɛ Hivebi nɛ Jebusiebi be nsawule. Efuli ashunu ere be kekama be basa shibi nsaa kɔ eleŋ a chɔ menyi Israɛlebi, ama nɛ men kre kena n ya tu bumo,

Joshuwa 10:11

Amɔriebi na ka bɔla kebee na ase ashi Bɛf Hɔrɔn a shile a mɔlga bumo be amu Israɛl be benapo kutɔ na nɛ Enyɛnpe Ebɔrɛ shin nɛ abɔrɛjembu gboŋgboŋi shi awɔlpa to a tɔr bumo so a mɔ hale n ya fo Azeka. Bumo nɛ abɔrɛjembu na daŋ mɔ na daa chɔ bumo nɛ Israɛlebi na gbagba daŋ mɔ.

Joshuwa 10:42

Joshuwa daŋ kɔ bewura na kukoko to nna m pɔɔ bumo be efuliana kikɛ so, ŋkpal Enyɛnpe, Israɛl be Ebɔrɛ, na ka bee kɔ a sa Israɛlebi so so.

Joshuwa 11:23

Joshuwa daŋ sɔ kasawule na kikɛ nna fanɛ kananɛ Enyɛnpe Ebɔrɛ daŋ kaŋɛ Mosis na, nseŋ barga kumo to n sa Israɛlebi na yiri yiri so nɛ k ki bumo be kapetɛ. Yili kumo be saŋɛ na so nɛ b wushi gbrɛbi ashi kena be kekɔ to.

Joshuwa 21:43

Enyɛnpe Ebɔrɛ na daŋ ta kasawule nɛ e nase kɔnɔ kpakpaso fanɛ e beeŋ sa bumo nananyɛnana na nna n sa Israɛlebi na. B ka kɔ n sɔ kasawule na nɛ b chena kumo so.

Joshuwa 24:12

Mannɛ menyi be etokobi nɛ ata nɛ men daŋ ta m pɔɔ bumo so. Kufu nɛ n daŋ ta n wɔtɔ bumo to fanɛ kananɛ n daŋ wora Amɔriebi be bewura anyɔ nɛ b wɔ Jɔɔdan be lɔr na be epeŋilarkpa na.

Joshuwa 3:10

Kananɛ menyeeŋ pin fanɛ Enyɛnpe Ebɔrɛ nɛ e wɔ ŋkpa to na wɔ menyi kutɔ nde. E beeŋ ju Keenanebi nɛ Hitebi nɛ Hivebi nɛ Pɛrizebi nɛ Gɛgashebi nɛ Amɔriebi nɛ Jebusiebi nɛ b wɔ Jɔɔdan be lɔr be kaba ndoŋ na kikɛ.

Demujipoana 6:13

Nɛ Gidiɔn malɛ yɛ: “Gafra, shin nɛ ŋ kule m bishi, nɛ fanɛ Enyɛnpe Ebɔrɛ na wɔ anyi kutɔ, manɛ nna nɛ le be asheŋ ere kikɛ bee tu anyi? Nnɛ nɛ mbe emamachisheŋ nɛ an tutoana bee ji amo be asheŋ na yɔ? B yɛ, Enyɛnpe Ebɔrɛ na e lara anyi ashi Ijipt be efuli so m ba nfe. Ama naniere Enyɛnpe Ebɔrɛ na kplaŋ anyi so nna n sa Midianebi na.”