Nshɛ 43:3 - EBƆRƐ BE KAWƆL

³ Shin nɛ fo kefulto nɛ k bee shin nɛ mee pin fo na, nɛ fo kashenteŋ na e baa ŋini ma fo ekpa na. Shin nɛ a baa juŋkpar ma a ba fo lambu nɛ fo wɔ kumo to ashi kebee cheembi nɛ baa tre Zayɔn nɛ k wɔ Jerusalɛm na to.

Nshɛ 43:3 ပူးပေါင်းရင်းမြစ်များ

2 Samuɛl 15:20

Menyi maŋ ba nfe n chɛr, amoso m maŋ tiŋ n shin nɛ men baa bɛ ma so loŋ. M maŋ nyi kakpa nɛ mee yɔ gba. Men bɛta n ya tu men kurgepoana, Enyɛnpe Ebɔrɛ be kelela nɛ mbe kashenteŋ e baa kra wɔ menyi so.”

2 Samuɛl 15:25

Ndoŋ nna nɛ ewura na kaŋɛ Zadɔk le: “Men bɛta ŋkre be deka na n yɔ Jerusalɛm be kade to. Nɛ Ebɔrɛ shuli, e beeŋ shin nɛ m bɛta m ba wu kakpa nɛ k wɔ kachako.

1 Kronikɛls 16:1

B daŋ ta ŋkre be deka na nna n ya yili wajɛbu nɛ Deevid yuu ŋkpal kumo so na to, nseŋ lara esarga chɔɔso nɛ kɔnɔkoŋwuleso be esarga n sa Ebɔrɛ.

1 Kronikɛls 16:39

Bɔrɛmatapowura Zadɔk nɛ mo braana bɔrɛmatapoana e daa keni Enyɛnpe Ebɔrɛ be wajɛbu na so ashi Gibiɔn.

1 Kronikɛls 21:29

Enyɛnpe Ebɔrɛ be wajɛbu nɛ Mosis daŋ yuu ashi kiyi na to nɛ bɔrɛsure nɛ e pɔr nɛ b daa lara sarga chɔɔso kumo so na kikɛ daa wɔ kakpa nɛ baa bunyaŋ Enyɛnpe Ebɔrɛ loŋ be saŋɛ na ashi Gibiɔn na nna;

Nshɛ 119:105

Fo kamalga du fanɛ fitila nna n sa ma, kumo e naa shin nɛ ma ekpa so bee fulto nɛ mee wu a wora asheŋ.

Nshɛ 143:10

Fo e la ma Ebɔrɛ. Ŋini ma kusɔ nɛ fee sha fanɛ n wora, nseŋ shin nɛ fo Kiyoyu nɛ e du boeŋ na e baa juŋkpar ma ekpa kikɛ so.

Nshɛ 2:6

“M buu ma ewura nna n chena Zayɔn nɛ k la ma kebee cheembi na so ashi Jerusalɛm to.”

Nshɛ 3:4

N shu n tre fo Enyɛnpe Ebɔrɛ na; nɛ fo nu ma kushu ashi fo kebee cheembi na so.

Nshɛ 36:9

Fo kutɔ nɛ ŋkpa kikɛ shi; nɛ fo kefulto bee bugi anyi be anishi nɛ anyee pin fo.

Nshɛ 40:11

Enyɛnpe Ebɔrɛ, n nyi fo ka maaŋ yige kebaawu ma kuwɔr. Fo kasha nɛ k maa chɛrga na nɛ fo kashenteŋji e naa kuŋ ma saŋkama.

Nshɛ 42:4

M baŋ nyiŋi kananɛ n daa juŋkpar basa nɛ baa bɛ abar so a yɔ fo bɔrɛlambu to nsaa cha awɔr a boŋ nshɛ kagbenefuliso a bunyaŋ fo na, ma kagbene bee jija alegaiso nna.

Nshɛ 46:4

eboŋ ko wɔtɔ nna a shile boeŋ boeŋ, a bar kagbenefuli ashi Ebɔrɛ be kadegboŋ cheembi nɛ Enyɛnpetale Ebɔrɛ na wɔ kumo be basa to na so.

Nshɛ 57:3

Feeŋ shin nɛ kechɛto e shi ebɔrɛso m ba sɔ ma n yige. Nseŋ shin nɛ tɔrɔ e tɔr bumo nɛ baa kɔ ma kenishipereso na bre so. Fo la eshinteŋjipo nɛ esa beeŋ tiŋ n yirda nna.

Nshɛ 57:4

N wɔ bedoŋ nɛ b du fanɛ ebuluŋ, nɛ baa kpɛa basa to na to nna. Bumo be anyii du fanɛ atanyembi nɛ akpa nna. Nɛ bumo be adonduloŋ bee ji fanɛ etokobi.

Nshɛ 78:68

Juda be yiri to ebi nɛ Zayɔn be kebee nɛ e daa sha ga ashi Jerusalɛm to na nɛ e daŋ lara n yili n sa mbe kumu.

Nshɛ 84:1

O Enyɛnpetale Ebɔrɛ, fo bɔrɛlambu na walɛ pasaa!

Nshɛ 97:11

Kefulto bee nyaŋɛ a yuu basa niŋiso so nna, nɛ ŋgbenefufulwuraana malɛ bee nya kagbenefuli.

Maika 7:20

Feeŋ lara fo kashenteŋji nɛ kasha nɛ k maa loge na ŋ ŋini fo basa nɛ b la an nananyɛnana Eebraham nɛ Jeekɔb be kaman to ebi na, fanɛ kananɛ fo chɛr n nase kumo be kɔnɔ n sa bumo na.

Maika 7:8

N doŋana, men sa maŋ shin nɛ menyi be ŋgbene e fuli nɛ men baa ji njɔŋ ma so. Hale nɛ n tɔr gba, ŋ kraa beeŋ koso. Nɛ n chena tentembiri to gba, Enyɛnpe Ebɔrɛ na e la ma kefulto.

Baru lela nɛ Jɔn kute na 1:17

Ŋkpal manɛ so, anebi Mosis so nɛ Ebɔrɛ bɔla m bar mbra na, ama kuwɔr be kakɛ nɛ kashenteŋ bre shi Yesu Kristo so nna.

Baru lela nɛ Jɔn kute na 1:4

Kamalga na to nɛ ŋkpa kikɛ shi nɛ le be ŋkpa ere malɛ bar kefulto basa to.