Nshɛ 43:1 - EBƆRƐ BE KAWƆL

¹ Enyɛnpe, ŋini fanɛ m maŋ wora n jija! Malga ŋ kuŋ ma ashi basa nɛ b maŋ nyi fo na kutɔ. Mɔlga ma ashi befɛpo nɛ b kɔ amu kpakpaso na kutɔ.

Nshɛ 43:1 ပူးပေါင်းရင်းမြစ်များ

2 Samuɛl 15:31

B ka kaŋɛ Deevid fanɛ Ahitofɛl gba ti Absalɔm so nna, nɛ e kule Ebɔrɛ le: “Enyɛnpe Ebɔrɛ, jande shin nɛ Ahitofɛl be nfɛra nɛ e beeŋ sa Absalɔm na e ki nfɛra fuloŋ!”

2 Samuɛl 16:20

Kede be kaman nɛ Absalɔm kilgi m bishi Ahitofɛl le: “Manɛ be kasotoji nɛ fo kɔ nɛ fo sa anyi nfe naniere?”

2 Samuɛl 18:8

Kena na daŋ salga to nna n yɔ kade na be kupuŋ to nɛ kupo na to kikɛ nɛ benapo nɛ b wu ŋkpal kupo na to be awurfoŋ so daa shi a chɔ bumo nɛ b mɔ kena na gbagba to.

Nshɛ 140:5

Kamoowuwuraana ŋana nna n sho ajigbelɛ nɛ ashewu ma ekpa to a fin ma nɛ b pɛ.

Nshɛ 26:1

Enyɛnpe shin nɛ n ji n lar; ŋkpal manɛ so, ma kebaawɔtɔ maŋ kɔ mpulɔ kikɛ. Ma yirda kikɛ deŋ fo so nna, ma alɛ maa wora shikashika kikɛ.

Nshɛ 35:1

Enyɛnpe Ebɔrɛ, kɔ bekama nɛ baa kɔ ma na; nseŋ kuŋ bumo nɛ baa kuŋ ma ekpa na ekpa.

Nshɛ 35:24

Enyɛnpe Ebɔrɛ, ŋkpal fo ka la esa niŋiso so, n shin nɛ b pin fanɛ m maŋ wora n foe. Sa maŋ shin nɛ ma doŋana e mushe ma.

Nshɛ 5:6

Feeŋ mur befɛpo kikɛ. Fo kishi kumukpakpaso nɛ kafule ga.

Nshɛ 54:3

Befɔ nɛ b la amukpakpasowuraana e naa kɔ ma. Bumo alɛ be ekama be shɛŋ maŋ wɔ fo to.

Nshɛ 7:7

Shin nɛ basa kikɛ e shɛr fo anishito nɛ fo yili esoso n ji bumo so kuwura.

Nshɛ 7:8

Fo e la durnya kikɛ be demujipo na. Amoso Enyɛnpe Ebɔrɛ, shin nɛ n ji n lar; ŋkpal ŋ kaa bee ji kashenteŋ, a maŋ wora n jija so.

Nshɛ 7:9

Fo la Ebɔrɛ nɛ e bee wora asheŋ nɛ a niŋi nna, a nyi esa be kagbene to nɛ mbe nfɛra to be asheŋ kikɛ. Shin nɛ alubiworapo e yige alubi be kebaawora, nseŋ kuŋ basa lela ashi alubi to.

Nshɛ 71:4

Enyɛnpe Ebɔrɛ, ba mɔlga ma ashi kumukpakpaso wuraana nɛ basa nɛ baa mɛaŋ ma be enɔ to.

Nshɛ 75:7

Ebɔrɛ e naa ji kusɔ kama demu. Mo e naa bar eko kaseto nsaa maŋ eko so!

Aŋasa 22:23

Ŋkpal manɛ so Enyɛnpe Ebɔrɛ na e naŋ chɛ bumo to, nseŋ tɔrɔ bekama nɛ b tɔrɔ bumo na n tal to.

Aŋasa 23:11

Enyɛnpe Ebɔrɛ gbagba e naa kɔ a mɔlga bumo. Mo alɛ beeŋ yili bumo be katelamu n ji bumo be demu n sa bumo.

Maika 7:9

N wora alubi n da Enyɛnpe Ebɔrɛ na so, amoso meeŋ wora kanyiti n ji mbe agbo be tɔrɔ n ya fo saŋɛ nɛ e beeŋ ba kɔ n sa ma. M baa nyi geeŋ fanɛ e beeŋ naŋ shin nɛ asheŋ a nyalɛ nɛ e juŋkpar ma m ba kefulto to.

1 Kɔrintebi 4:4

Kashenteŋ nna fanɛ m maŋ wu kulubi kikɛ ma so, ama kumo be loŋ maa shin nɛ mee ji a lar. Enyɛnpe e naa ji ma demu.

1 Pita 2:23

B daŋ tege mo, ama mo alɛ daa maŋ laŋɛ katege n sa bumo. B daŋ tɔrɔ mo, ama e daa maŋ nyaŋɛ to n tu bumo. Ama e daŋ ta mbe kumu nna m bɔɔ esa nɛ e bee ji asheŋ amo be ekpa so na enɔ.

1 Samuɛl 24:15

Ŋkeshin nɛ Enyɛnpe Ebɔrɛ na beeŋ ji ma nɛ fo kikɛ demu nseŋ lara anyi to be emo nɛ e maŋ wora nɛnɛ. Ma kabɔrɛkule e la fanɛ Ebɔrɛ e yili ma kaman nseŋ mɔlga ma ashi fo enɔ to.”