Nshɛ 42:8 - EBƆRƐ BE KAWƆL

⁸ Karechɛ kikɛ fee wora alela nna. Kanyɛso malɛ kikɛ fee sa ma kashɛ popɔr nna, a ŋini ma fo kasha nɛ k maa chɛrga na, nɛ k la ma kabɔrɛkule a yɔ fo kutɔ. Enyɛnpe Ebɔrɛ, fo wɔ ŋkpa to nna.

Nshɛ 42:8 ပူးပေါင်းရင်းမြစ်များ

2 Samuɛl 22:5

Luwu kulti ma n wɔtɔ fanɛ nchu ka kpa esa ekwi na nna a shin nɛ k mur ma.

Job be kawɔl 35:10

Ama Ebɔrɛ nɛ e to bumo na baŋ chɛ bumo to jemanɛ nɛ asheŋ ki kpakpa na be kaman baa teŋ mo so nna.

Nshɛ 124:4

N dafanɛ bumo be agbo nɛ k daŋ koso fanɛ lɔr ka bɔlɔ n dii kepla so na daa beeŋ dii m muni anyi so.

Nshɛ 133:3

Kumo alɛ naa du fanɛ bunyaŋ ka shi Hɛɛmɔn be kebeegboŋ na so a wurge Jerusalɛm be abee so nna. Ndoŋ nɛ Enyɛnpe Ebɔrɛ daŋ nase kɔnɔ fanɛ e beeŋ ta ŋkpa nɛ k maŋ kɔ ekar n nɛfa mbe basa na.

Nshɛ 149:5

Ebɔrɛ be basa kama nɛ b nya le be kemaŋkura ere e shin nɛ bumo be ŋgbene e baa fuli bumo nɛ b baa boŋ nshɛ a ji eyur kapa nɛ kanyɛ kikɛ.

Nshɛ 16:7

Meeŋ chɔrɔ Enyɛnpe Ebɔrɛ nɛ e bee ji ma asoeto na. E bee bɔla ma kagbene to nna a malga a sa ma kanyɛso gba.

Nshɛ 27:1

Enyɛnpe Ebɔrɛ na e la ma kefulto, mo alɛ e naa mɔlga ma; amoso maaŋ ŋana esa kikɛ. Enyɛnpe Ebɔrɛ na du fanɛ ekuŋkpagboŋ nna a kuŋ ma; amoso maa lɔ kufu.

Nshɛ 32:7

Fo e la ma eŋanakpa. Fo alɛ beeŋ mɔlga ma ashi tɔrɔ to; nɛ m boŋ nshɛ awɔrso ŋkpal fo ka mɔlga ma so.

Nshɛ 44:4

Fo e la ma Ebɔrɛ nɛ ma ewura; fo e shin nɛ Israɛlebi kɔ m pɔɔ so.

Nshɛ 57:3

Feeŋ shin nɛ kechɛto e shi ebɔrɛso m ba sɔ ma n yige. Nseŋ shin nɛ tɔrɔ e tɔr bumo nɛ baa kɔ ma kenishipereso na bre so. Fo la eshinteŋjipo nɛ esa beeŋ tiŋ n yirda nna.

Nshɛ 63:6

Kanyɛso nɛ m baŋ dese gedo so mee nyiŋi fo nna, a fɛ fo asheŋ ashi ma edesekpa saŋkama.

Nshɛ 77:6

Mee nyiŋi kanyɛso kikɛ be nshɛ nɛ n daa boŋ, nsaa fɛ nfɛra ga na nna, a bishi ma kumu le:

Nshɛ 88:8

Fo shin nɛ nteriana kini ma n lɛ, nɛ ma asheŋ bee nu bumo agbo. M baŋ nyaŋto nna a wɔtɔ, a maaŋ naŋ tiŋ n suge ma kumu.

Aizaaya 30:29

Ama menyi, Ebɔrɛ be basa bre be ŋgbene beeŋ fuli menyi nɛ men baa boŋ nshɛ fanɛ kananɛ menyee wora nchɛgboŋ cheembiana be kanyɛso na. Menyi be ŋgbene beeŋ fuli menyi fanɛ basa nɛ b ta nlopi a boŋ nshɛ a yɔ Enyɛnpe Ebɔrɛ nɛ e bee kuŋ Israɛl na be bɔrɛlambu to na.

Levitikɔs 25:21

Ma, Enyɛnpe Ebɔrɛ na beeŋ nɛfa kasawule na kafɛ shesopo na to, saŋɛ na so adɔjibi nɛ a beeŋ wora na beeŋ tiŋ n ji menyi n fo nfɛ asa.

Jona 2:4

Nɛ n fɛ fanɛ fo ju ma fo anishito nna, nɛ m maaŋ naŋ wu fo bɔrɛlambu cheembi na kenishiso kikɛ.

Matiu 8:8

Ndoŋ nna nɛ Romebi be benapo be enimu na kaŋɛ mo le: “Enyɛnpe, m maŋ fo keshin nɛ fo ba ma pe, amoso, baŋ malga kamalga koŋwule fanɛ fo chɛ ma kenya na nɛ e nya eleŋ.

Ashuŋ Shunso 16:25

Kumo be kamɔnchɛ be kiidiso Pɔɔl nɛ Sailas ka bee kule Ebɔrɛ nsaa boŋ nshɛ a di Ebɔrɛ epaŋ nɛ bumo braana nɛ b wɔ kabuti na to na bee nu.

Ditɛronɔmi 28:8

Enyɛnpe Ebɔrɛ na beeŋ nɛfa menyi be ashuŋ nseŋ shin nɛ menyi be mpuro e bɔlɔ ayu ashi kasawule nɛ e ta a sa menyi ere so.

Kɔlɔsiebi 3:3

Ŋkpal manɛ so, naniere men du fanɛ basa nɛ b wu nna nɛ bumo be shɛŋ maŋ naa wɔ asheŋ jiga to nɛ Yesu Kristo nɛ mo nɛ Ebɔrɛ la kukoŋwule na e wɔ men be ŋkpa popɔr a keni so.