Nshɛ 42:4 - EBƆRƐ BE KAWƆL

⁴ M baŋ nyiŋi kananɛ n daa juŋkpar basa nɛ baa bɛ abar so a yɔ fo bɔrɛlambu to nsaa cha awɔr a boŋ nshɛ kagbenefuliso a bunyaŋ fo na, ma kagbene bee jija alegaiso nna.

Nshɛ 42:4 ပူးပေါင်းရင်းမြစ်များ

2 Bewura 18:30

E kaŋ kaŋɛ menyi fanɛ Enyɛnpe Ebɔrɛ na beeŋ kɔ m mɔlga menyi ashi Asiriya be ewurgboŋ be enɔ to, men sa maŋ yirda kusɔ nɛ e kaŋɛ na.

2 Bewura 18:32

n ya fo saŋɛ nɛ ewurgboŋ na beeŋ lɔŋɛ menyi n chena efuli nɛ k du fanɛ men gbagba be efuli, a kɔ ewaindibi be asɔrso nɛ menyeeŋ baa ta a wora eyabra, nɛ ayu nɛ men baa ta a wora ebodobodo, na so. K la kasawule nɛ k kɔ ɔlif be ŋku nɛ mushoŋ ga nna. Men baa kɔ kasonu n sa mo akoŋ maaŋ mɔ menyi ndoŋ kikɛ, menyeeŋ ba ji a moɛ. Men sa maŋ shin nɛ ewura Hɛzekaya e fule menyi nɛ men baa fɛ fanɛ Enyɛnpe Ebɔrɛ na beeŋ mɔlga menyi.

2 Kronikɛls 7:10

Kumo be ŋklade nɛ k la kufɔl shunusopo na be nchɛ adunyɔ nɛ asa na, nɛ ewura Sɔlɔmɔn shin nɛ basa na kikɛ yɔ bumo peana. Bumo be ŋgbene daŋ fuli bumo ga ŋkpal kananɛ Enyɛnpe Ebɔrɛ daŋ nɛfa mbe basa Israɛlebi, nɛ ewura Deevid nɛ ewura Sɔlɔmɔn so.

Job be kawɔl 29:2

“Mee yɛlga fanɛ ma kebaawɔtɔ e baa du fanɛ kumo nɛ n daa kɔ jemanɛ nɛ Ebɔrɛ daa keni ma so na.

Nshɛ 100:4

Men bɔla mbe bɔrɛlambu na be mbunagboŋ to n luri mbe kelɔnɛ so m ba di mo epaŋ, nseŋ kpaŋ mo.

Nshɛ 115:2

Manɛ e ba nɛ efuliana na be basa bee kaŋɛ le: “Men be Ebɔrɛ na wɔ nnɛ?”

Nshɛ 122:1

Ma kagbene daŋ fuli nna ga ŋkpal b ka kaŋɛ ma le so: “An yɔ Enyɛnpe Ebɔrɛ na pe!”

Nshɛ 122:8

Mee kule kayurwushi nna a sa Jerusalɛm ŋkpal ŋ kurgepoana nɛ nteriana so.

Nshɛ 55:14

nɛ ma nɛ mo bee ji kakurge, nsaa tu m braana a yɔ anyi be Ebɔrɛ be lambu to na e naa wora ma loŋ.

Nshɛ 62:8

Basa, men yirda Enyɛnpe Ebɔrɛ na nsaa kaŋɛ mo men be asheŋ tirso saŋkama. Ŋkpal manɛ so, Ebɔrɛ na nawule e la anyi be ekumpo.

Nshɛ 79:10

Manɛ nna nɛ efuli pɔtɛana na bee bishi anyi fanɛ, nnɛ nɛ menyi be Ebɔrɛ na wɔ? Shin nɛ an wu kasogberge nɛ k bee ba efuliana na so, ŋkpal b ka chulgi basa nɛ b shuŋ fo be ŋklaŋ n wurge so.

Nshɛ 80:6

Fo shin nɛ efuli pɔtɛana nɛ a kulti anyi na bee kɔ abar kena ŋkpal anyi be kasawule so, nseŋ shin nɛ an doŋana bee tege anyi nsaa mushe anyi.

Aizaaya 30:29

Ama menyi, Ebɔrɛ be basa bre be ŋgbene beeŋ fuli menyi nɛ men baa boŋ nshɛ fanɛ kananɛ menyee wora nchɛgboŋ cheembiana be kanyɛso na. Menyi be ŋgbene beeŋ fuli menyi fanɛ basa nɛ b ta nlopi a boŋ nshɛ a yɔ Enyɛnpe Ebɔrɛ nɛ e bee kuŋ Israɛl na be bɔrɛlambu to na.

Nfabel 2:19

Men koso n shu kanyɛ lelemu kikɛ ŋ ŋini Enyɛnpe Ebɔrɛ na nseŋ bugi ŋgbene ŋ kule mo nɛ e wu menyi be mbia nɛ akoŋ bee mɔ agbembi so be akɔlɔbi to kikɛ na kuwɔr!

Nfabel 4:1

Anyi be shuwa nɛ k bee nyɛkpɛ ga na kreŋ so nɛ ajembu nɛ b ta m pɔr bɔrɛlambu na pesaŋ to a dese agbembi so.

Ezikɛl 46:10

Jemanɛ nɛ basa na bee luri na a daga fanɛ ewura na gba e luri nseŋ na ŋ lar jemanɛ nɛ basa na naa lar na.

Jowɛl 2:17

Men shin nɛ bɔrɛmatapoana nɛ baa shuŋ Enyɛnpe Ebɔrɛ na e shɛr bɔrɛlambu na to be bɔrɛsure na be kabuna to n shu ŋ kule Ebɔrɛ ŋ kaŋɛ le: ‘Enyɛnpe Ebɔrɛ, wu fo basa kuwɔr. Sa maŋ shin nɛ efuli pɔtɛana so ebi e wora anyi eyurto, nseŋ bishi anyi fanɛ, men be Ebɔrɛ na wɔ nnɛ naniere?’ ”

Nahum 1:15

Judaebi, men keni, kabɔ ko kɔ baru lela n shi kebeegboŋ na so a ba! Kayurwushi be baru nɛ e kɔ a ba. Amoso men ji menyi be nchɛgboŋ nseŋ wora m bɔlɔ nnɔ nɛ men nase n sa Ebɔrɛ na so. Kumukpakpaso wuraana maaŋ naaŋ kɔ n sɔ menyi be kasawule kikɛ, ŋkpal manɛ so, b mur cheche kuraa.

Luuk 16:25

Nɛ Eebraham kaŋɛ mo le: ‘M pibi baa nyiŋi saŋɛ nɛ fo daa wɔ ŋkpa to a ji fo ebel na nsaa nyiŋi kananɛ Lazɔrɔs malɛ daŋ ji awurfoŋ na. Ama naniere e luri ebel to nɛ fo alɛ luri ebesa to.

Ditɛronɔmi 16:11

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ b wɔ kade na to na beeŋ ji menyi be amu ashi Enyɛnpe Ebɔrɛ na be anishito ashi kakpa nɛ menyee shuŋ Ebɔrɛ na.

Ruf be kawɔl 1:21

N daŋ lar nfe nɛnɛ nna n yɔ ama Enyɛnpe Ebɔrɛ na naŋ bɛta ma m ba nɛ enɔfuloŋ. Amoso, manɛ so nɛ men kraa tre ma Nawomi nɛ kumo be kifito la ebel? Ŋkpal manɛ so, Enyɛnpe Ebɔrɛ na shin nɛ tɔrɔ ba ma so. Mo Enyɛnpe Ebɔrɛ Elempo koŋwule na e bar ma kumu lubi.”