Nshɛ 40:6 - EBƆRƐ BE KAWƆL

⁶ Mannɛ basa be esarga nɛ ŋkɛ e naa bɔlɔ fo kenishi. Mannɛ esarga chɔɔso nɛ alubi be ketampaŋ be esarga nɛ amo be ŋkɛ nɛ fee fin. Ama kusɔ nɛ k tir fo kashenteŋto e la ŋ kaa beeŋ baa wora fo kasonu.

Nshɛ 40:6 ပူးပေါင်းရင်းမြစ်များ

Job be kawɔl 33:16

E bee kaa shin nɛ baa nu kusɔ nɛ e bee kaŋɛ nna nɛ mbe kasokpele malɛ bee ta kufu a pɛ bumo.

Job be kawɔl 5:9

Anyi maaŋ tiŋ m pin asheŋ nɛ Ebɔrɛ bee wora to. Mo alɛ be emamachisheŋ maŋ kɔ ekar.

Nshɛ 139:17

O Ebɔrɛ, m maaŋ tiŋ m pin kusɔ nɛ k wɔ fo nfɛra to kikɛ! A shi m baŋ ma ketiŋ pin amo be kananɛ a sa so.

Nshɛ 139:18

Nɛ fanɛ ŋ karga fo nfɛra gba, e beeŋ baa chɔ teku ase be eshishɛr. M baŋ di n tiŋi kelaŋ so gba, ma nɛ fo e kraa la.

Nshɛ 50:8

M maŋ kaŋɛ fanɛ men wora n jija nna; ŋkpal men ka bee lara esarga chɔɔso nɛ ŋkɛ a sa ma saŋkama na so.

Nshɛ 51:16

Esarga nɛ etoto daa bɔlɔ fo kenishi nna, n daa beeŋ bar fo amo.

Nshɛ 71:15

Karechɛ kikɛ meeŋ baa malga fo alelasheŋ nɛ fo kumɔlga be asheŋ; ŋkpal manɛ so, fo wora asheŋgboŋ nɛ a baŋ ma kepinto so.

Ɛksodɔs 21:6

kumo ere a daga fanɛ mo nyɛnpe na ka keta mo n yɔ kakpa nɛ baa shuŋ Ebɔrɛ na n ya shin nɛ e yili m mata kukuloŋ ŋko kabuna to nɛ e futi mbe kusoe, a ŋini fanɛ e beeŋ baa la mo nyɛnpe be kenya hale nɛ e ya wu.

Aizaaya 1:11

Ebɔrɛ yɛ: “Men tama fanɛ mee sha esarga nɛ menyee lara a sa ma ere kikɛ nna a? Mbolpɔ nɛ asɔbɔya pɔtɛ be eblaŋ be alela akpa nɛ menyee chɔɔ a lara esarga a sa ma na fi ma. Ma alɛ maŋ naa sha egbolu nɛ mbolpɔ nɛ mboe be ŋklaŋ gba.

Aizaaya 25:1

Enyɛnpe Ebɔrɛ, fo e la ma Ebɔrɛ; Meeŋ maŋkura fo nseŋ kpaŋ fo ketre. Fo e wora emamachisheŋ nɛ a bee mɔ kɔnɔ; fo alɛ e ta kashenteŋji n shin nɛ fo ŋkre nɛ fo wora dra na kikɛ bɔlɔ so.

Aizaaya 66:3

Basa kikɛ bee wora bumo be aparsheŋ nna nsaa wɔtɔ a wora mbushusheŋ kananɛ baa sha. Ŋkpal loŋ so, esa kama nɛ e ta gbolu n lara sarga n sa ma nɛ esa nɛ e mɔ esa kikɛ la kukoŋwule nna; nɛ emo nɛ e ta kpakpafɔlbi n lara sarga malɛ nɛ esa nɛ e kii jɔnɔ be kubɔ to m mɔ gba la kukoŋwule nna. Bekama malɛ nɛ baa ta ayu a lara esarga a sa ma nɛ basa nɛ baa ta epreku be ŋklaŋ a lara esarga kikɛ la kukoŋwule nna ashi ma anishito. Esa nɛ e bee chɔɔ duwu a lara sarga a sa ma nɛ emo nɛ e bee shuŋ agbir kikɛ la kukoŋwule nna.

Hoziya 6:6

Mannɛ menyi be asɔbɔya be esarga nɛ mee sha, ama menyi be karechɛ kama be kasha nɛ menyeeŋ baa kɔ a sa ma na nɛ mee sha. Kusɔ nɛ mee sha e la ma basa ka beeŋ baa nyi ma, mannɛ esarga chɔɔso be kebaa lara e sa ma.

Eemɔs 5:22

Hale nɛ men lara esarga chɔɔso nɛ ayu be esarga gba m ba sa ma, maaŋ sɔ amo. Men be asɔbɔya danso duliduli lela gba be asheŋ maaŋ bɔlɔ ma kenishi.

Matiu 12:7

Le nɛ abɔrɛsibɛ na bee kaŋɛ: ‘M maa sha asɔbɔya be esarga, kebaala basa nɛ mee sha.’ Nɛ menyi alɛ daa nyi kumo be kifito nna kashenteŋto, men daa maaŋ kaŋɛ fanɛ basa nɛ b maŋ wora kulubi ji kapɔŋ.

Matiu 9:13

Le nɛ abɔrɛsibɛ na bee kaŋɛ fanɛ Ebɔrɛ bee kaŋɛ: ‘Mannɛ esarga be kelara nɛ mee sha. Abar be kebaawora kelela nɛ mee sha.’ Men ya keni n fin kumo be kifito. M maŋ ba nna nɛ m ba tre basa nɛ baa tre bumo be amu basa lela, alubiworapoana nɛ m ba nɛ m ba tre.”

1 Samuɛl 15:22

Ndoŋ nna nɛ Samuɛl kaŋɛ le: “Ade be kumo bre nɛ Enyɛnpe Ebɔrɛ na bee sha ga? Kebaakɔ kasonu ŋko kebaalara esarga? Kebaakɔ kasonu bɔ fo kaa ta mbolpɔ duliduli a lara esarga e sa mo.