Nshɛ 40:17 - EBƆRƐ BE KAWƆL

¹⁷ N la etirpo nɛ etentaŋasepo nna; m maaŋ tiŋ n wora shɛŋ. Ama ma asheŋ tir fo, Enyɛnpe Ebɔrɛ na. Fo e la ma emɔlgapo, amoso jande, nya manaŋ m ba mɔlga ma.

Nshɛ 40:17 ပူးပေါင်းရင်းမြစ်များ

Nshɛ 109:22

N la etirpo nɛ etentaŋasepo nɛ ebesa damta bɔlɔ ma kagbene to nna.

Nshɛ 34:4

Ŋ kule Enyɛnpe Ebɔrɛ na nɛ e nu ma kekule, nseŋ sɔ ma n yige ashi asɔ nɛ a bee da ma kufu na to.

Nshɛ 34:6

Mo nɛ betentaŋasepo bee shu a tre, nɛ e bee nu bumo be kushu, nsaa mɔlga bumo ashi bumo be etɔrɔ to na.

Nshɛ 35:27

Shin nɛ bumo nɛ baa fin fanɛ n ji n lar na e cha awɔr kagbenefuliso ŋ kaŋɛ le: “Kemaŋkura e baa la Enyɛnpe na peya, Mbe kagbene e naa fuli ŋkpal mbe kenya be nɛnɛ so na.”

Nshɛ 40:5

Enyɛnpe Ebɔrɛ, fo wora emamachisheŋ damta. Ŋkre nɛ fo kɔ n sa anyi shi m pɔɔ anyi be nfɛra so. Esa kama maŋ du fanɛ fo. M maaŋ tiŋ ŋ kute fo asheŋ woraso kikɛ.

Nshɛ 54:4

Enyɛnpe Ebɔrɛ fo e naŋ chɛ ma to, ŋ kuŋ ma nɛ n sa maŋ tɔr.

Nshɛ 69:33

Bumo nɛ b maŋ kɔ epe baŋ shu n tre Enyɛnpe Ebɔrɛ na, e beeŋ nu. Mo alɛ maaŋ teŋ mbe basa nɛ b wɔ kabuti to na so.

Nshɛ 70:5

N la etirpo nɛ etentaŋasepo nna, a maaŋ tiŋ n wora shɛŋ shɛŋ, ama Enyɛnpe, ma asheŋ tir fo. Fo e la ma emɔlgapo, amoso jande, ba mɔlga ma manaŋ.

Nshɛ 86:1

O Enyɛnpe Ebɔrɛ, kaŋ kusoe n nu ma kekule, ŋkpal manɛ so, etirpo nɛ etentaŋasepo e la ma.

Aizaaya 25:9

Jemanɛ na kaŋ fo, ekama beeŋ kaŋɛ le: “Mo e la anyi be Ebɔrɛ! An ta anyi be yirda n deŋi mo so, nɛ e mɔlga anyi. Mo e la Enyɛnpe Ebɔrɛ na! An ta anyi be yirda n deŋi mo so, nɛ anyi be ŋgbene fuli nɛ an nya kagbenewushi ŋkpal e ka mɔlga anyi so.”

Aizaaya 41:17

Nɛ ma basa be ebɔl to wɔlto ŋkpal achukoŋ so, nɛ baa fin nchu nɛ b nuu nseŋ kule ma, ma, Enyɛnpe Ebɔrɛ na beeŋ nu bumo be kekule. Ma, Israɛl be Ebɔrɛ na, maaŋ kplaŋ bumo so kikɛ.

Matiu 8:20

Nɛ Yesu kaŋɛ mo: “Ejiŋkaamu kɔ abeelaŋ a di to nɛ mbuibi malɛ kɔ asha, ama ma, Nyiŋgbasa Pibinyɛn maŋ kɔ kakpa nɛ meeŋ dese n wushi.”

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

Hibruwebi 13:6

Amoso, menyeeŋ tiŋ m puchi ŋ kaŋɛ fanɛ: “Enyɛnpe e la ma echɛtopo, m maaŋ baa lɔ kufu. Manɛ nɛ nyiŋgbasa beeŋ tiŋ n wora ma?”

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

1 Pita 2:23

B daŋ tege mo, ama mo alɛ daa maŋ laŋɛ katege n sa bumo. B daŋ tɔrɔ mo, ama e daa maŋ nyaŋɛ to n tu bumo. Ama e daŋ ta mbe kumu nna m bɔɔ esa nɛ e bee ji asheŋ amo be ekpa so na enɔ.

1 Pita 5:7

Men ta men be asheŋ tirso kikɛ a lɛ mo so, ŋkpal manɛ so, men be asheŋ wɔ mbe kagbene to ga.

Kelaraŋŋini 22:20

Esa nɛ e bee ji asheŋ ere be shɛda e naa kaŋɛ fanɛ: “Kashenteŋto, m maaŋ naŋ chɛr nseŋ ba.” Amɛn, Enyɛnpe Yesu, ba naniere!