Nshɛ 40:11 - EBƆRƐ BE KAWƆL

¹¹ Enyɛnpe Ebɔrɛ, n nyi fo ka maaŋ yige kebaawu ma kuwɔr. Fo kasha nɛ k maa chɛrga na nɛ fo kashenteŋji e naa kuŋ ma saŋkama.

Nshɛ 40:11 ပူးပေါင်းရင်းမြစ်များ

Nshɛ 23:6

Kashenteŋto, feeŋ baa wora ma kelela, nsaa ŋini ma kasha, jemanɛ nɛ n wɔ ŋkpa to kikɛ. Meeŋ chena Enyɛnpe Ebɔrɛ be laŋ to hale mbaanaayɔ.

Nshɛ 43:3

Shin nɛ fo kefulto nɛ k bee shin nɛ mee pin fo na, nɛ fo kashenteŋ na e baa ŋini ma fo ekpa na. Shin nɛ a baa juŋkpar ma a ba fo lambu nɛ fo wɔ kumo to ashi kebee cheembi nɛ baa tre Zayɔn nɛ k wɔ Jerusalɛm na to.

Nshɛ 57:3

Feeŋ shin nɛ kechɛto e shi ebɔrɛso m ba sɔ ma n yige. Nseŋ shin nɛ tɔrɔ e tɔr bumo nɛ baa kɔ ma kenishipereso na bre so. Fo la eshinteŋjipo nɛ esa beeŋ tiŋ n yirda nna.

Nshɛ 61:7

Shin nɛ e baa ji kuwura fo anishito mbaanaayɔ nɛ fo kasha nɛ kashenteŋji e baa kuŋ mo.

Nshɛ 69:13

Ama fo Enyɛnpe na nɛ mee shu a tre. Nu ma kekule saŋɛ nɛ k par fo nseŋ yili fo kashagboŋ na so m mɔlga ma.

Nshɛ 69:16

Enyɛnpe Ebɔrɛ, nu ma kekule, ŋkpal fo ka walɛ nsaa la esa so. Chɛ ma to, ŋkpal fo kuwɔrwu gboŋgboŋi na so.

Nshɛ 85:10

Kasha nɛ kashenteŋji beeŋ ba abar so, nɛ alelasheŋ nɛ kayurwushi malɛ e ki kukoŋwule.

Nshɛ 89:2

Meeŋ kaŋɛ ekama fanɛ fo kasha wɔtɔ nna mbaanaayɔ, nɛ fo kashenteŋji malɛ wɔ ebɔrɛso jemanɛ kikɛ.

Aŋasa 20:28

Kashenteŋji nɛ kasha e naa shin nɛ bewura bee ji a chɛr.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.