Nshɛ 39:6 - EBƆRƐ BE KAWƆL

⁶ K bee choŋ manaŋ manaŋ nna fanɛ kiyoyul na. Awurfoŋ nɛ anyee ji ere kikɛ la fuloŋ nna. Anyee fin asɔ nna a deŋi abar so a yili nsaa maŋ nyi esa nɛ e beeŋ ba ji amo be kapetɛ kachako so.

Nshɛ 39:6 ပူးပေါင်းရင်းမြစ်များ

Job be kawɔl 14:1

“Dimɛdi be nchɛ maŋ shi durnya to, amo alɛ nɛ etɔrɔ damta nna.

Job be kawɔl 7:16

Ma ere maŋ naŋ ta ma ŋkpa n tre shɛŋ. Kebaawɔtɔ fi ma! Yige ma asheŋ! Ma kebaawɔtɔ maŋ naa kɔ tɔnɔ n sa ma.

Job be kawɔl 7:7

Ebɔrɛ, mee kule fo nna; sa maŋ teŋ ma so! Ma ŋkpa baa du fanɛ afu nna, ma kagbenefuli teŋ fo ekar.

Nshɛ 127:2

Kewule ŋ koso a shuŋ a fin kusɔ jiso hale nɛ saŋko e ya fo na gba la jiga nna; Ŋkpal manɛ so, Enyɛnpe Ebɔrɛ na e naa sa basa nɛ e bee sha asɔ jemanɛ nɛ b dese a di gba.

Nshɛ 144:4

Dimɛdi baa du fanɛ afu futeso nna; mbe nchɛ bee choŋ nna fanɛ kiyoyul.

Nshɛ 89:48

Dimɛdi kikɛ maaŋ tiŋ n suge mbe kumu ashi luwu nɛ nchaŋ be eleŋana to.

Aŋasa 13:22

Basa lela bee yige kapetɛ nna a yili bumo be kaman to ebi, ama belubiworapo bre bee fin asɔ nna a yili basa nɛ baa wora asheŋ niŋiso.

Aŋasa 23:5

Ŋkpal manɛ so fo amansherbi beeŋ tiŋ n loge epul to, fanɛ kananɛ kusore beeŋ yili epul to n firgi n choŋ na.

Aŋasa 27:24

ŋkpal manɛ so kanya nɛ kemaŋkura maaŋ baa wɔtɔ mbaanaayɔ.

Kaŋinichiŋgeliŋ 1:14

Ŋ ka wu asheŋ nɛ a bee wora durnya ere to na, nɛ n yɛ; kusɔ kama maŋ kɔ tɔnɔ. K du nna fanɛ fo ka bee ju a bɛ afu so na.

Kaŋinichiŋgeliŋ 11:10

Sa maŋ shin kusɔ kama e baa fɔŋ fo ŋko a tɔrɔ fo ashi fo kagbene to, ŋkpal manɛ so, kebifɔlbiya nɛ kumo be asheŋ woraso maa chɛr nsaa choŋ.

Kaŋinichiŋgeliŋ 12:13

Ade kikɛ be kaman, kusɔ koŋwule e ka nɛ ŋ kaŋɛ. Baa ŋana Ebɔrɛ nsaa bɛ mbe mbraana so. Ŋkpal manɛ so, loŋ so nɛ Ebɔrɛ to dimɛdi bomin.

Kaŋinichiŋgeliŋ 12:8

Eŋinipo na yɛ: “Shɛŋ shɛŋ maŋ kɔ kifi to! Shɛŋ maŋ kɔ tɔnɔ! Amo kikɛ la fuloŋ nna.”

Kaŋinichiŋgeliŋ 2:26

Ebɔrɛ bee ta kanyiasheŋ nɛ kenyi nɛ kagbenefuli nna a sa bekama nɛ baa wora mbe aparsheŋ. Ama belubiworapo bre, e bee shin nna nɛ baa shuŋ a nya asɔ a yili, nɛ bekama nɛ baa wora Ebɔrɛ be aparsheŋ na e ba ji amo be kapetɛ. Ade kikɛ la asheŋ fuloŋ nna. A du nna fanɛ kebaa ju a bɛ afu so.

Kaŋinichiŋgeliŋ 2:8

N daŋ chala shuwa nɛ gbiti ashi nsawule pɔtɛ nɛ mee ji amo so kuwura na be bewura be ekpanjawu to nna. Bumo be benyɛn nɛ beche kikɛ daŋ boŋ nshɛ nna n deŋi ma anishi to nɛ n nya beche nɛ mee sha ndoŋ.

Kaŋinichiŋgeliŋ 5:14

Ŋkpal manɛ so amansherbi na kikɛ beeŋ loge ŋkpal b ka maŋ ta amo n shuŋ kushuŋ lela so. Bumo be mbia malɛ maaŋ nya kapetɛ kikɛ.

Aizaaya 55:2

Manɛ nna nɛ menyee jija amansherbi asɔ nɛ a maŋ la ajibi so? Manɛ nna nɛ menyee shuŋ ga a fin asɔ nɛ a maaŋ chɛ menyi to? Men nu asɔ nɛ mee kaŋɛ menyi ere nseŋ wora amo nseŋ nya ajibi kikɛ to be alela n ji.

Luuk 12:26

Nɛ men ka maaŋ tiŋ n wora le be kusɔbi ere gba nɛ manɛ so nɛ menyee fɔŋ asɔ nɛ a ka malɛ kikɛ so?

Luuk 12:29

Men sa maa fɔŋ so a wɔtɔ a yela kenishi to a fin asɔ nɛ menyeeŋ ji nɛ asɔ nɛ menyeeŋ buu.

1 Kɔrintebi 7:31

Bekama malɛ nɛ b wɔ durnya ere to be asɔ be asheŋ woraso to, b baa wora amo ŋkaa maa shin nɛ amo be asheŋ e bɔlɔ bumo to, ŋkpal manɛ so, durnya ere be kananɛ k du ere bee choŋ nna na.

Jeems 4:14

Men maŋ nyi kusɔ nɛ k beeŋ wora echefo gba. Manɛ e la men be ŋkpaana ere? Men be ŋkpaana ere du fanɛ kenyɔlɔ nna, a maa chɛr nseŋ naa yɔ epul na to.

Jeems 5:3

Men be eshuwa nɛ egbiti gba kreŋ so a jija. Amo be kananɛ a du na e naa ŋini fanɛ men maŋ wora n nyalɛ nɛ kumo alɛ naa ji a luri men be eyurana to fanɛ edɛ na. Lalaloge be nchɛ to nɛ an wɔ na, ama men keni kananɛ men bela asɔ damta m miiri so n yili loŋ.

1 Pita 1:24

Loŋ malɛ nɛ abɔrɛsibɛ na bee kaŋɛ fanɛ: “Basa kikɛ du fanɛ kefitiri nna nɛ bumo be kemaŋkura malɛ kikɛ du fanɛ kefitiri na be ketoto. Kefitiri na bee kaa wɔl nna nɛ ketoto na e chuge n tɔr,

1 Pita 5:7

Men ta men be asheŋ tirso kikɛ a lɛ mo so, ŋkpal manɛ so, men be asheŋ wɔ mbe kagbene to ga.