Nshɛ 39:5 - EBƆRƐ BE KAWƆL

⁵ Fo wora ma ŋkpa shiŋgblembi nna; nɛ nfɛ nɛ meeŋ ji maŋ la shɛŋ fo kutɔ. Dimɛdi be ŋkpa du fanɛ afu ka ber n choŋ nna.

Nshɛ 39:5 ပူးပေါင်းရင်းမြစ်များ

Jɛnesis 47:9

Nɛ Jeekɔb kaŋɛ Fɛɛro: “Nfɛ mo nɛ n ji a na a kilgi to durnya ere to wɔ nfɛ kalfa nɛ adesa. Loŋ be nfɛ na malɛ kikɛ la awurfoŋ be nfɛ nna, amo alɛ maŋ naa shi fanɛ kananɛ n tutoana nɛ n nanaana nɛ b daa na a kilgi to na be nfɛ daa shi na.”

2 Samuɛl 19:34

Nɛ Bazilai malɛ kaŋɛ le: “Yiramu! Nchɛ afanɛ bre nɛ meeŋ naaŋ ji nseŋ ya kaa chena fo kutɔ ashi Jerusalɛm?

Job be kawɔl 7:6

Ma nchɛ bee duga so manaŋ manaŋ a chɔ kɔrɛ be kekpaltobi be jese.

Nshɛ 144:4

Dimɛdi baa du fanɛ afu futeso nna; mbe nchɛ bee choŋ nna fanɛ kiyoyul.

Nshɛ 39:11

Fee gberge dimɛdi kusoe alegaiso ŋkpal mbe alubi so nna. Fee jija anyi be asɔ lela nna fanɛ kananɛ elala bee jija asɔbuuso na. Dimɛdi du fanɛ afu ka ber n choŋ nna.

Nshɛ 62:9

Anyi edimɛdi baa du fanɛ esa ka fute afu nna. Anyi be ekama maŋ la shɛŋ. Anyi kikɛ be egbɛ maŋ fo esa be efute be egbɛ so.

Nshɛ 89:47

Baa nyiŋi fanɛ ma ŋkpa maŋ wɔ nteŋ. Fo to anyi nna nɛ an baa wɔ ŋkpa to gbrɛbi nseŋ wu!

Nshɛ 90:12

Ŋini anyi kananɛ anyi be nchɛ sa, saŋɛ na so, anyeeŋ baa wora asheŋ kanyiasheŋ so.

Kaŋinichiŋgeliŋ 1:2

Eŋinipo na yɛ, kusɔ kama na la fuloŋ nna kebaawɔtɔ ere to. Kebaawɔtɔ maŋ kɔ kifito kikɛ.

Kaŋinichiŋgeliŋ 2:11

Ndoŋ nna nɛ n fɛ kusɔ nɛ n wora na be nfɛra nɛ kananɛ m pere kenishi n shuŋ ga be asheŋ, ama kumo be loŋ malɛ daŋ maŋ daga. Amo kikɛ daa du fanɛ k baa ju a bɛ afu so nna nɛ kumo alɛ be loŋ malɛ la fuloŋ.

Aizaaya 40:17

Efuliana na kikɛ maŋ la shɛŋ n sa Ebɔrɛ, mo ere bee ta amo nna fanɛ asɔ fuloŋ.

Jeems 4:14

Men maŋ nyi kusɔ nɛ k beeŋ wora echefo gba. Manɛ e la men be ŋkpaana ere? Men be ŋkpaana ere du fanɛ kenyɔlɔ nna, a maa chɛr nseŋ naa yɔ epul na to.

2 Pita 3:8

Ama n teri shasoana, men sa maŋ kaŋ teŋ kesheŋ koŋwule ere so fanɛ Enyɛnpe bre kutɔ kachɛ koŋwule du fanɛ nfɛ kagboŋ nna nɛ nfɛ kagboŋ malɛ du fanɛ kachɛ koŋwule mo kutɔ.