Nshɛ 39:2 - EBƆRƐ BE KAWƆL

² Ŋ ka loto n yili shruum a maa malga kelela na, nɛ ma eyur to be ebesa nɛ tɔrɔ na wora kishi n ti so.

Nshɛ 39:2 ပူးပေါင်းရင်းမြစ်များ

Nshɛ 119:33

Enyɛnpe Ebɔrɛ, ŋini ma fo mbraana be kifi to, saŋɛ na so, meeŋ baa wora amo kasonu saŋkikɛ.

Nshɛ 119:34

Chɛ ma to nɛ m pin fo mbra to nseŋ wora kumo kasonu; saŋɛ na so, meeŋ ta ma kagbene kikɛ m bɛ kumo so.

Nshɛ 141:3

O Enyɛnpe Ebɔrɛ, chɛ ma to, nɛ jemanɛ kikɛ nɛ meeŋ bugi ma kɔnɔ, meeŋ baa de mmalga nɛ a beeŋ lar kumo to so.

Nshɛ 34:14

Men yige alubi be kebaawora nsaa wora alela; meeŋ baa kɔ a fin kagbenewushi ashi men be ŋgbene to.

Aizaaya 53:7

Awurfoŋ nɛ ebesa damta daŋ ba mo so, ama e daŋ lo to boeŋ nna, a maŋ fubel. E daŋ lo to fanɛ kpakpafɔlbi nɛ b gberge a yɔ nɛ b ya mɔ nna. Mo alɛ nseŋ daa du fanɛ kubolpɔ nɛ baa kuya kumo be afuibi nɛ k dese boeŋ nna, e maŋ wora shɛŋ.

Matiu 7:6

Men sa maa ta kusɔ cheembi a sa njɔnɔ. Menyi alɛ e sa maŋ naa ta menyi be eyawu kpakpaso be ashembi a lɛ a sa epreku, ŋkpal manɛ so, epreku na beeŋ chichi amo so nɛ njɔnɔ na malɛ e kilgi n diewu n wora menyi.”

Ashuŋ Shunso 4:20

Anyi ere maaŋ tiŋ n yige kemalga kusɔ nɛ anyi gbagba wu nseŋ nu be asheŋ.”