Nshɛ 39:13 - EBƆRƐ BE KAWƆL

¹³ Sa maŋ naŋ nya agbo n wɔtɔ ma, saŋɛ na so meeŋ nya kagbenefuli gbrɛbi pɔɛŋ nseŋ lar durnya ere to.

Nshɛ 39:13 ပူးပေါင်းရင်းမြစ်များ

Jɛnesis 42:36

Nɛ bumo tuto Jeekɔb kaŋɛ bumo le: “Men shin nɛ m paŋ ma mbia. Josɛf maŋ naa wɔtɔ, Simiɔn gba maŋ naa wɔtɔ nɛ men naa sha keta Bɛnjamin malɛ ere, kumo ere menyeeŋ ta tɔrɔ ŋ deŋ ma so pasaa!”

Jɛnesis 47:9

Nɛ Jeekɔb kaŋɛ Fɛɛro: “Nfɛ mo nɛ n ji a na a kilgi to durnya ere to wɔ nfɛ kalfa nɛ adesa. Loŋ be nfɛ na malɛ kikɛ la awurfoŋ be nfɛ nna, amo alɛ maŋ naa shi fanɛ kananɛ n tutoana nɛ n nanaana nɛ b daa na a kilgi to na be nfɛ daa shi na.”

Jɛnesis 5:24

Inɔk nɛ Ebɔrɛ daa ji keteri nna loŋ m ba fo saŋko nɛ Ebɔrɛ ta mo n yɔ ebɔrɛso nɛ e maŋ wu.

2 Bewura 20:3

“Enyɛnpe Ebɔrɛ, baa nyiŋi kananɛ n shuŋ fo kashenteŋto nɛ kagbene koŋwule so. Ma alɛ wora ania fanɛ meeŋ wora kusɔ kama nɛ fee sha fanɛ n wora.” Kumo be kaman nɛ e shu ga.

1 Kronikɛls 29:15

An la befɔ nna a wɔ durnya ere to fanɛ kananɛ an nananyɛnana gba daa wɔ kumo to na. Anyi be nchɛ du nna fanɛ kiyoyul na, k maa chɛr nsaa choŋ.

Job be kawɔl 7:19

Ama fo maaŋ naŋ kpele fo anishi ma so nɛ n nya m min echɔl gba a?

Nshɛ 119:19

Efɔ e la ma ashi kasawule ere so; amoso sa maŋ ta fo mbraana ŋ ŋana ma so.

Nshɛ 18:7

Nɛ kasawule gbuŋgbuŋ to m baŋɛ, nɛ abeegboŋ be kaseto gbuŋgbuŋ. A gbuŋgbuŋ nna ŋkpal Ebɔrɛ ka nya agbo so.

Levitikɔs 25:23

A maŋ daga men ka fa kasawule n sa esa nɛ e baa kɔ kuraa, ŋkpal manɛ so, k maŋ la menyeya nna, Enyɛnpe Ebɔrɛ na e wɔ kumo nɛ menyi alɛ du fanɛ befɔ nɛ e sa ekpa nɛ men baa ji kumo so be tɔnɔ.