Nshɛ 39:12 - EBƆRƐ BE KAWƆL

¹² Enyɛnpe Ebɔrɛ, jande, nu ma kekule. Nu ma kushu nseŋ chɛ ma to. Anishichubi e bɔlɔ ma anishi kikɛ to. N du fanɛ efɔ nna ashi fo kutɔ, fanɛ kananɛ n nananyɛnana daa la befɔ na.

Nshɛ 39:12 ပူးပေါင်းရင်းမြစ်များ

Jɛnesis 21:34

Eebraham daŋ chena Filistiebi be kasawule na so n chɛr ga.

Jɛnesis 47:9

Nɛ Jeekɔb kaŋɛ Fɛɛro: “Nfɛ mo nɛ n ji a na a kilgi to durnya ere to wɔ nfɛ kalfa nɛ adesa. Loŋ be nfɛ na malɛ kikɛ la awurfoŋ be nfɛ nna, amo alɛ maŋ naa shi fanɛ kananɛ n tutoana nɛ n nanaana nɛ b daa na a kilgi to na be nfɛ daa shi na.”

2 Samuɛl 16:12

Ashere Enyɛnpe Ebɔrɛ beeŋ wu kagbenejija nɛ k tɔr ma so ere nseŋ shin nɛ kɔnɔsho ere e ki nɛfa n sa ma.”

2 Bewura 20:5

fanɛ e naŋ bɛta n yɔ ewura Hɛzekaya kutɔ n ya kaŋɛ mo le: “Ma, Enyɛnpe, fo nananyɛn ewura Deevid be Ebɔrɛ na, nu fo kabɔrɛkule nseŋ wu fo anishichubi na. Nchɛ asa be kefɛato, meeŋ chɛ fo nseŋ shin nɛ fo naŋ bɛta n yɔ bɔrɛlambu na to.

1 Kronikɛls 29:15

An la befɔ nna a wɔ durnya ere to fanɛ kananɛ an nananyɛnana gba daa wɔ kumo to na. Anyi be nchɛ du nna fanɛ kiyoyul na, k maa chɛr nsaa choŋ.

Job be kawɔl 13:28

Ma eyur baa bɛlge nna ayiyanto fanɛ kechɛbi nɛ e kaŋkaŋ muu na.”

Job be kawɔl 16:20

N nekpaana bre kini ma nna n lɛ, ama Ebɔrɛ nɛ mee shu a ŋini.

Nshɛ 102:1

Mee kule fo nna, Enyɛnpe Ebɔrɛ! Jande, nu ma kekule.

Nshɛ 116:3

Luwu daŋ kulti ma nna n wɔtɔ a funti ma; nɛ keyɔ nchaŋ to be kagbenejija daŋ tɔr ma so. Kufu nɛ kafɔŋ e daŋ bɔlɔ ma to.

Nshɛ 119:19

Efɔ e la ma ashi kasawule ere so; amoso sa maŋ ta fo mbraana ŋ ŋana ma so.

Nshɛ 119:54

Kaplɛkama nɛ n wɔ, fo mbra be nshɛ nɛ mee boŋ.

Nshɛ 56:8

Awurfoŋ nɛ mee ji kikɛ be asheŋ bɔɔ fo enɔ nna, nɛ fo nyi ma anishichubi nɛ a lar be asheŋ. Amo kikɛ maŋ belaŋ fo so.

Nshɛ 90:9

Anyi be nchɛ bee ku so nna ŋkpal fo agbo so, nfubel damta malɛ e bɔlɔ nfɛ nɛ anyee ji kikɛ to.

Levitikɔs 25:23

A maŋ daga men ka fa kasawule n sa esa nɛ e baa kɔ kuraa, ŋkpal manɛ so, k maŋ la menyeya nna, Enyɛnpe Ebɔrɛ na e wɔ kumo nɛ menyi alɛ du fanɛ befɔ nɛ e sa ekpa nɛ men baa ji kumo so be tɔnɔ.

2 Kɔrintebi 5:6

Amoso, saŋkikɛ anyi maa pɔ aba, ŋkpal manɛ so, an nyi fanɛ an ka baa wɔ epe ashi anyi be eyur ere to ere, anyi nɛ Enyɛnpe na wɔ kufɔ.

Hibruwebi 11:13

Yirda to nɛ basa ere kikɛ daa wɔ nseŋ wu nɛ b maŋ naŋ nya asɔ nɛ Ebɔrɛ nase kɔnɔ fanɛ e beeŋ sa na. B daŋ to kenishi nna n yɔ kufɔ n wu amo n sɔ amo a nyi fanɛ b shi efuli pɔtɛ so nna a la befɔ kasawule ere so.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

1 Pita 1:17

Ŋkpal men ka bee tre esa nɛ e bee ji dimɛdi kikɛ be aworbi demu ŋkaa maa kpɛa mo to na men Tuto ere so, a daga fanɛ men baa wɔ durnya ere to fanɛ befɔ a ŋana Ebɔrɛ.

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.