6 Ma eyur banto nna nɛ n nyɔŋ to a tekeŋto saŋkama.
Awurfoŋ shin nɛ ma kayurwule kilgi m biri, mannɛ epeŋi. Nɛ ŋ koso n yili basa to a shu a fin kechɛto.
Achuu nɛ e bee lar nchu nɛ ashushombi e sɔ ma eyur kikɛ so, abibi sɔ ma eyur kikɛ nna.
Menyi to be beko wora alubi kawuliso nna nsaa ji awurfoŋ.
Fo Enyɛnpe Ebɔrɛ na e naa chɛ bumo nɛ b wɔ tɔrɔ to to, nsaa niŋi bumo nɛ b tɔr to.
Kagbenejija shin nɛ n bel katiŋso; nɛ kebɔltofinfin bee ku ma ŋkpa so. Awurfoŋ shin nɛ ŋ ki esa pɔso, nɛ ma awibi to maŋ naa kɔ eleŋ.
fanɛ kananɛ meeŋ wora n sa n teri ŋko n niopibi na. N shu kagbenejijaso nna fanɛ ŋ ka bee shu n nio be keeli na.
Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so.
Fo e du fanɛ kefalta a kuŋ ma. Manɛ nna nɛ fo teŋ ma so? Manɛ nna nɛ bedoŋ bee mɛaŋ ma, a shin nɛ ma kagbene maa fuli ma?
Fo e la ma ekumpo lempo; manɛ nna nɛ fee ju ma a lɛ? Sa maŋ shin bedoŋ e baa mɛaŋ ma n shin nɛ ma kagbene e baa jija.
Bedoŋ bee fe ma ajigbelɛ nna a da ma a lɛ. Baa kur amaŋ chiŋgeliŋ ma ekpa to nna, nsaa kilgi a tɔr amo to bumo gbagba.
Kebɔltofinfin e naa mɔ ma. Kanyɛso kikɛ, ma anishichubi bee pɔ ma gedo nɛ kaputi nna.
Ma alɛ shu nna m puŋi anishi, ŋkpal awurfoŋ nɛ kagbenejijaso. O Enyɛnpe Ebɔrɛ, fo nɛ mee maŋ ma enɔana so a shu a tre karechɛ kikɛ.
N daa shu nna fanɛ kabɔrɛpɔpɔbi, nseŋ daa naa shu kuwɔr so fanɛ lepɔ na. N daŋ dese nna a keni fo Enyɛnpe Ebɔrɛ na anishito, hale nɛ ma anishi gben, a maŋ naa wu nɛnɛ. Jande, Enyɛnpe Ebɔrɛ, mɔlga ma ashi etɔrɔ ere kikɛ to.
