Nshɛ 38:1 - EBƆRƐ BE KAWƆL

¹ Enyɛnpe Ebɔrɛ, sa maŋ nya agbo n fiɛ ma so, ŋko ŋ gberge ma kusoe.

Nshɛ 38:1 ပူးပေါင်းရင်းမြစ်များ

Nshɛ 6:1

Enyɛnpe Ebɔrɛ, sa maŋ nya agbo ŋ kaŋɛ fanɛ n wora n jija, nseŋ gberge ma kusoe agbo so.

Nshɛ 70:1

Enyɛnpe Ebɔrɛ, jande, mɔlga ma. Ba chɛ ma to manaŋ.

Nshɛ 88:7

Fo kanya agbo muni ma so nna fanɛ nchu ka muni esa so na.

Aizaaya 27:8

Kasogberge nɛ Enyɛnpe Ebɔrɛ na sa mbe basa e la fanɛ e shin nna nɛ bumo doŋana kɔ m pɔɔ bumo so nseŋ pɛ bumo n yɔ efuli pɔtɛ so n ya ki anya. Bumo bedoŋana na daa du fanɛ epeŋilarkpa be afu tushiso nna m ba ber bumo n yɔ kufɔ kufɔ.

Aizaaya 54:8

N daŋ nya agbo nna m pal kaman n sa menyi jemanɛ gbrɛbi ko, ama meeŋ naaŋ wu menyi kuwɔr nseŋ sha menyi mbaanaayɔ. Kusɔ nɛ ma, Enyɛnpe Ebɔrɛ, nɛ n la menyi be emɔlgapo na bee kaŋɛ menyi nna na.”

Jɛremaya 10:24

Ŋini fo basa akpa, Enyɛnpe Ebɔrɛ, ama sa maŋ kaŋ nyaŋ anyi ga ŋko ŋ gberge anyi kusoe kanya agbo so; nɛ mannɛ aloŋ anyeeŋ wu.

Jɛremaya 30:11

Meeŋ ba menyi kutɔ m ba mɔlga menyi. Meeŋ mur efuliana nɛ m pesaŋ menyi to n yɔ na kikɛ, ama m maaŋ mur menyi ere. M maaŋ shin nɛ men nya menyi be amu n ji nɛ m maŋ gberge menyi kusoe. Ama meeŋ gberge menyi kusoe nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Habakuk 3:2

O Enyɛnpe Ebɔrɛ, n nu kusɔ nɛ fo wora, nɛ k mɔ ma kɔnɔ nsaa keta ma kufu. Naniere naŋ wora asheŋgboŋ nɛ fo daŋ wora n sa an nanaana na, anyi alɛ gba be jemanɛ ere to. Hale nɛ fo nya agbo gba, fo baa nyiŋi fo kuwɔrwu na.

Ditɛronɔmi 9:19

N daa ŋana Enyɛnpe Ebɔrɛ na be agbogboŋ nna, ŋkpal manɛ so, e daŋ nya agbo nna ga hale n daa sha kemur bumo. Ama Enyɛnpe Ebɔrɛ na naŋ nu ma kekule.