Nshɛ 37:7 - EBƆRƐ BE KAWƆL

⁷ Baa kɔ kanyiti a jo Enyɛnpe be saŋɛ. Sa maŋ shin nɛ k baa tɔrɔ fo ŋkpal asheŋ ka bee nite nɛnɛ a sa belubiworapo so.

Nshɛ 37:7 ပူးပေါင်းရင်းမြစ်များ

Ɛsta 3:15

Ewura Sɛgsis e daŋ shin nɛ b yili jimaŋ to n wora mbra na manaŋ manaŋ ashi Susa be kade to. Ewura na nɛ Heman daŋ chena nna a nuu nsa, nɛ Susa be kade to ebi malɛ be nfɛra bee baga bumo to ŋkpal mbra na so.

Job be kawɔl 35:14

kumo ere e beeŋ kini kenu fo alɛ gba be kekule nɛ fo maŋ nya kanyiti nsaa fin fo nɛ mo be keyili demujikpa na.

Nshɛ 27:14

Yirda Enyɛnpe Ebɔrɛ na. Baa kɔ eleŋ nseŋ nya kagbene a keni mbe anishito.

Nshɛ 40:1

N ta kanyiti nna n jo Enyɛnpe Ebɔrɛ na fanɛ e chɛ ma to, nɛ e nu ma kekule nseŋ chɛ ma to.

Nshɛ 50:8

M maŋ kaŋɛ fanɛ men wora n jija nna; ŋkpal men ka bee lara esarga chɔɔso nɛ ŋkɛ a sa ma saŋkama na so.

Nshɛ 62:1

Enyɛnpe Ebɔrɛ na to nɛ ma kiyoyu bee nya ewushi. Mo nawule e naa mɔlga ma.

Nshɛ 62:5

Enyɛnpe Ebɔrɛ na nawule e naa sa kagbenewushi; amoso mo so nɛ ma tama yil so.

Aŋasa 20:22

Sa maa kɔ a fin kewora n tal esa nɛ e wora fo kulubi to. Shin nɛ Enyɛnpe Ebɔrɛ e bishi kuwule n sa fo.

Kaŋinichiŋgeliŋ 5:8

Fo baŋ wu abane be ekrachi ka bee tɔrɔ mbe efuli so be betirpo nsaa ji bumo durmu, sa maŋ shin nɛ k baa chinchiŋ fo, ŋkpal manɛ so ekrachi wurbi na bee wora a bɛ bumo be benimu be nnɔ so nna.

Aizaaya 30:15

Kumo be kaman nɛ Enyɛnpetale, Israɛl be Ebɔrɛ cheembi na kaŋɛ basa na le: “Men bɛta m ba kaa yirda ma nsaa du boeŋ. Aloŋ nɛ menyeeŋ nya eleŋ nɛ kekuŋgboŋ.” Ama men kini kewora loŋ!

Aizaaya 8:17

Enyɛnpe Ebɔrɛ na ta mbe kumu nna ŋ ŋana mbe basa so, ama amo nɛ amo kikɛ ma ere kraŋ yirda mo nseŋ ta ma tama n wɔtɔ mo to nna.

Jɛremaya 12:1

Enyɛnpe Ebɔrɛ, ma nɛ fo be demuji kikɛ to, fo e naa ji a bri ma. Ama ŋ kraa kɔ kusɔ ko nɛ m bishi a laŋɛ fo keji asheŋ nɛ amo be ekpa so be kaplɛa so. Manɛ nna nɛ kumu kpakpasowuraana bee dii dama, nɛ asheŋ bee nite nɛnɛ a sa basa nɛ baa puni beko?

Danɛl 11:36

Ewura na beeŋ wora kusɔ kama nɛ k par mo. E beeŋ maaŋ mbe kumu so a chɔ kegbir kikɛ, hale m ba ka wora fanɛ e chɔ Enyɛnpetale Ebɔrɛ gba. E beeŋ nya ekpa n wora loŋ n ya fo saŋɛ nɛ Ebɔrɛ beeŋ gberge mo kusoe. Ebɔrɛ malɛ beeŋ wora kusɔ kama nɛ e yili.

Jona 1:11

Teku na so be afu na daŋ baa wora eleŋ nna a ti so. Ndoŋ nna nɛ b bishi Jona le: “Nuso nɛ anyeeŋ wora fo nɛ teku ere e wora shruum n sa anyi?”

Habakuk 2:3

Ŋkpal manɛ so, kelaraŋŋini ere bee jo kumo be jemanɛ nna. Kusɔ nɛ k beeŋ wora lalaloge be nchɛ to na be asheŋ nɛ k bee ji. Kumo alɛ maaŋ baa la efɛsheŋ kikɛ. Kewora fanɛ k bee chɛr nna, ama baa kraa jo. Kanaŋ kama nɛ asheŋ du k beeŋ wora m bɔlɔ so.

Galeeshaebi 6:9

Amoso, men sa maŋ shin nɛ kelela be kewora e baa gben menyi, ŋkpal manɛ so, nɛ an baa maŋ pɔ aba nsaa kɔ to loŋ, kachako anyeeŋ nya kelela be kewora be asɔ.

Joshuwa 10:12

Kachɛ nɛ Enyɛnpe Ebɔrɛ ta Amɔriebi na m bɔɔ Israɛlebi enɔ na, nɛ Joshuwa yili Israɛlebi na be anishito ŋ kule Enyɛnpe Ebɔrɛ ŋ kaŋɛ le: “Epeŋi, yili Gibiɔn be kade ere be kumu so! Kufɔl, fo alɛ e yili Aijalɔn be ketaŋɛ be kumu so!”