Nshɛ 37:40 - EBƆRƐ BE KAWƆL

⁴⁰ Enyɛnpe na e naa mɔlga bumo; ashi alubiworapoana be enɔ to, ŋkpal b kaa bee fin kekuŋ ashi mo kutɔ so.

Nshɛ 37:40 ပူးပေါင်းရင်းမြစ်များ

1 Kronikɛls 5:20

B daŋ ta bumo be yirda nna n deŋi Ebɔrɛ so ŋ kule mo fanɛ e chɛ bumo to. Nɛ Ebɔrɛ nu bumo be kekule nseŋ chɛ bumo to nɛ b kɔ m pɔɔ Hagebi nɛ basa nɛ b chɛ bumo to a kɔ kena na kikɛ so.

Nshɛ 17:13

Enyɛnpe Ebɔrɛ koso ŋ kɔ m pɔɔ bumo so. Ta fo tokobi m mɔlga ma ashi amu kpakpasowuraana be enɔ to.

Nshɛ 27:2

Basa lubi baa fin ma nɛ b mɔ, ŋko nɛ bedoŋ bee kɔ ma gba, baaŋ fiti n tɔr.

Nshɛ 34:20

Enyɛnpe Ebɔrɛ na e naa kuŋ bumo. Bumo be kuwibi koŋwule gba maaŋ bu.

Aŋasa 20:22

Sa maa kɔ a fin kewora n tal esa nɛ e wora fo kulubi to. Shin nɛ Enyɛnpe Ebɔrɛ e bishi kuwule n sa fo.

Aizaaya 31:5

Kananɛ kabuibi bee firgi a kulti kumo be kesha a kuŋ kumo be bibi na nɛ ma Enyɛnpetale Ebɔrɛ na beeŋ kɔ ŋ kuŋ Jerusalɛm.”

Aizaaya 46:4

Ma e la menyi be Ebɔrɛ nsaa beeŋ keni menyi so n ya fo fanɛ menyi ka beeŋ ya bel n fuli amu. Ma e to menyi nsaa keni menyi so; meeŋ chɛ menyi to nseŋ kuŋ menyi nɛ shɛŋ shɛŋ maaŋ wora menyi.”

Danɛl 3:17

Hale nɛ b ta anyi n lɛ edɛ to gba, anyi be Ebɔrɛ nɛ anyee shuŋ na beeŋ tiŋ m mɔlga anyi ashi amo to nɛ fo enɔ to.

Danɛl 3:28

Ndoŋ nna nɛ ewura Nebukadneeza kaŋɛ le: “Kemaŋkura e baa la Shaadrak nɛ Mɛshaak nɛ Abedneego be Ebɔrɛ na peya! Mo e shuŋi mbe malaika nɛ e ba mɔlga mbe nyɛrbi nɛ b yirda mo na. B kini k nu n sa ma nseŋ ta bumo be amu ŋ kpa kelara ŋ kini kejɔŋɛ m bunyaŋ kegbir kikɛ, she bumo be Ebɔrɛ na nawule.

Danɛl 6:23

Nɛ ewura na be kagbene fuli mo alegaiso nɛ e ponte ŋ kaŋɛ fanɛ b ya gberge Danɛl n lara ebuluŋ be kemaŋ na to. Ndoŋ nna nɛ b ya gberge mo n lara nseŋ wu fanɛ mbe kaplɛkama maŋ doro, ŋkpal e ka yirda Ebɔrɛ na so.

1 Jɔn 5:18

An baa nyi fanɛ Ebɔrɛ pibi kama maa shir a wɔ alubi to a wora amo, ŋkpal manɛ so, Ebɔrɛ Pibinyɛn e naa kuŋ mo nɛ alubipo na e sa maŋ tiŋ n doro mo.