Nshɛ 37:3 - EBƆRƐ BE KAWƆL

³ Yirda Enyɛnpe Ebɔrɛ na, nsaa wora alelasheŋ. Saŋɛ na so feeŋ chena kasawule ere so n nya kekuŋ.

Nshɛ 37:3 ပူးပေါင်းရင်းမြစ်များ

Jɛnesis 26:2

Ndoŋ nna nɛ Enyɛnpe lar Aizek so ŋ kaŋɛ mo le: “Sa maŋ kaŋ yɔ Ijipt, baa wɔ kasawule mo nɛ ŋ kaŋɛ fanɛ fo baa wɔ so ere so.

Jɛnesis 26:3

Baa wɔ nfe n wora nchɛnnyɔ nɛ m baa wɔ fo kutɔ a nɛfa fo. Meeŋ bɛ kɔnɔ nɛ n nase n sa fo tuto Eebraham na so nseŋ ta kasawule ere kikɛ n sa fo nɛ fo kaman to ebi.

1 Bewura 19:6

E ka koso ŋ gbɛ ŋ keni nɛ e wu bodobodo nɛ nchu ka wɔ kusɔ to a yil mbe kumu ase, nɛ e ji amo nseŋ naŋ laŋɛ n dese.

Nshɛ 26:1

Enyɛnpe shin nɛ n ji n lar; ŋkpal manɛ so, ma kebaawɔtɔ maŋ kɔ mpulɔ kikɛ. Ma yirda kikɛ deŋ fo so nna, ma alɛ maa wora shikashika kikɛ.

Nshɛ 33:19

E bee mɔlga bumo nna nɛ b maa wu manaŋ, nsaa sa bumo ŋkpa akoŋgboŋ be saŋɛ.

Nshɛ 4:5

Men lara sarga nɛ k daga n sa Enyɛnpe Ebɔrɛ na, nseŋ yirda mo.

Nshɛ 62:8

Basa, men yirda Enyɛnpe Ebɔrɛ na nsaa kaŋɛ mo men be asheŋ tirso saŋkama. Ŋkpal manɛ so, Ebɔrɛ na nawule e la anyi be ekumpo.

Aŋasa 3:5

Ta fo kagbene kikɛ nyam n yirda Enyɛnpe Ebɔrɛ na. Sa maa ta fo tama a deŋi kusɔ nɛ fo nyi so.

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 50:10

Asheŋ beeŋ tiŋ ŋ ki kpakpa n sa menyi nɛ menyee bunyaŋ Enyɛnpe Ebɔrɛ nsaa wora mbe kenya kasonu na. Ama men yirda Enyɛnpe Ebɔrɛ n ta menyi be amu n to mo so.

Luuk 22:35

Nɛ e bishi bumo le: “Ŋ ka daa maŋ ta kɔlgu ŋko adiiku ŋko asɛbta n shuŋi menyi nɛ men yɔ na, men daŋ ya paŋ kusɔ ko a?” Nɛ b kaŋɛ mo: “An daa maŋ ya paŋ shɛŋ.”

Ditɛronɔmi 30:20

Men baa sha Enyɛnpe menyi be Ebɔrɛ na a wora mo kasonu nsaa ji kashenteŋ a sa mo nɛ menyi nɛ men be kaman to ebi e chena kasawule nɛ e nase kumo be kɔnɔ n sa men nananyɛnana, Eebraham nɛ Aizek nɛ Jeekɔb, na so n chɛr.”

1 Samuɛl 26:19

Yiramu, nu kusɔ nɛ mee sha nɛ ŋ kaŋɛ fo ere! Nɛ fanɛ Enyɛnpe Ebɔrɛ na e shin nɛ fee kɔ ma, kumo ere meeŋ lara sarga n sa mo nɛ e chɛrga mbe nfɛra. Nɛ fanɛ dimɛdi malɛ e naa wora loŋ, Enyɛnpe Ebɔrɛ be kɔnɔsho na e pɛ amodoŋwura. Ŋkpal manɛ so, b ju ma ashi Enyɛnpe Ebɔrɛ be kasawule so n ya lɛ nnyamase be efuli so, kakpa nɛ m maaŋ tiŋ n shuŋ Ebɔrɛ.