Nshɛ 37:28 - EBƆRƐ BE KAWƆL

²⁸ Ŋkpal manɛ so, Enyɛnpe Ebɔrɛ na bee sha bekama nɛ baa wora asheŋ nɛ amo be ekpa so na nna. Mo alɛ maaŋ kplaŋ bekama nɛ baa ji kashenteŋ so. Enyɛnpe na beeŋ baa kuŋ bumo, ama e beeŋ mur belubiworapo bre be kaman to ebi.

Nshɛ 37:28 ပူးပေါင်းရင်းမြစ်များ

Job be kawɔl 18:19

Bumo ere maaŋ naa kɔ mbia ŋko kaman to ebi nɛ esa beeŋ keni bumo so n nyiŋi bumo.

Job be kawɔl 27:14

Baaŋ tiŋ ŋ kurge mbia damta ga, ama akoŋ ŋko kena e naŋ mɔ bumo be galeŋga.

Nshɛ 11:7

Ŋkpal manɛ so, Enyɛnpe Ebɔrɛ na bee wora asheŋ nɛ amo be ekpa so nna nsaa sha kashenteŋji. Bumo nɛ baa wora asheŋ niŋiso e naŋ baa wɔ mo kutɔ.

Nshɛ 21:10

Feeŋ mur bumo be kaman to ebi kasawule ere so cheche; nɛ b maaŋ naŋ nyiŋi bumo be asheŋ kuraa.

Nshɛ 37:25

Yili ma kebiato kikɛ m ba fo ma mbel to; m maŋ naŋ wu Enyɛnpe Ebɔrɛ ka kplaŋ esa lela so; ŋko n wu esa lela be mbia ka ta kawie a na a kule ajibi.

Nshɛ 37:40

Enyɛnpe na e naa mɔlga bumo; ashi alubiworapoana be enɔ to, ŋkpal b kaa bee fin kekuŋ ashi mo kutɔ so.

Nshɛ 99:4

Ewura na la esagboŋ nna, nsaa sha kebaaji asheŋ nɛ amo be ekpa so. Mo e yili keji asheŋ nɛ amo be ekpa so ashi Israɛl be efuli so be kaplɛkama.

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Aŋasa 2:22

Ama Ebɔrɛ beeŋ lara basa lubi nɛ basa nɛ b maa ji kashenteŋ ashi kasawule ere so.

Aizaaya 30:18

Ama amo nɛ amo kikɛ Enyɛnpe Ebɔrɛ na kraa jo nɛ e wu menyi kuwɔr nna. E wora shiriya nɛ e shu menyi so ŋkpal e kaa bee wora asheŋ nɛ a daga jemanɛ kikɛ na so. Kagbenefuli la bekama nɛ bumo be yirda wɔ Enyɛnpe Ebɔrɛ na to na peya nna.

Aizaaya 59:21

Ma alɛ bee nase kɔnɔ nna fanɛ meeŋ sa menyi ma Kiyoyu nɛ keŋini nɛ a baa wɔ menyi to mbaanaayɔ. Yili kabre a yɔ, menyeeŋ baa wora ma kasonu nsaa ŋini menyi be mbia nɛ kaman to ebi nɛ bumo alɛ gba e baa wora ma kasonu mbaanaayɔ.”

Aizaaya 61:8

Ŋkpal manɛ so, Enyɛnpe Ebɔrɛ na bee sha kebaawora asheŋ nɛ amo be ekpa so nna. Ama kasuge nɛ kapuni bre, e kishi amo. Mo e nase mbe basa kɔnɔ kashenteŋto fanɛ e beeŋ nɛfa bumo mbaanaayɔ na.

Jɛremaya 9:24

Bekama nɛ baa sha kepuchi, b baa puchi ŋkpal b ka bee shuŋ ma, Enyɛnpe Ebɔrɛ na so. Ŋkpal manɛ so, ma kasha maa chɛrga, kusɔ nɛ k bɔla ekpa nseŋ niŋi nɛ mee wora. Asɔ nɛ e bee par ma nna na. Ma, Enyɛnpe Ebɔrɛ e kaŋɛ na.”

Baru lela nɛ Jɔn kute na 15:9

Kananɛ Etuto na sha ma na gbagba nɛ ma alɛ gba sha menyi. Men baa wɔ ma kasha na to.

Baru lela nɛ Jɔn kute na 5:24

Ma e kaŋɛ menyi kashenteŋto na fanɛ esa kama nɛ e nu ma mmalga ere nseŋ yirda esa nɛ e shuŋi ma na kɔ ŋkpa nɛ k maŋ kɔ ekar na, mo alɛ maaŋ ji n tɔr, ama e teŋ lar luwu to m ba luri ŋkpa to.

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.

1 Jɔn 2:19

Le be basa ere daŋ shi anyi be katuŋ to nna, ama kashenteŋto, b daa maŋ la anyi to be basa, amoso nɛ b lar anyi to n yɔ na. Nɛ b daa la anyi to be basa nna b daa maaŋ lar. Ama bumo be kelar anyi to na e naa ŋini fanɛ mannɛ bumo be ekama e la anyi to be eko.

Juud 1:1

Kawɔl ere shi ma Juud, Jeems mo sipo nɛ n la Yesu Kristo be kenya na kutɔ nna a yɔ bumo nɛ Ebɔrɛ Etuto na bee sha nseŋ tre bumo m ba kaa keni bumo so ŋkpal Yesu Kristo so na kutɔ.