Nshɛ 37:27 - EBƆRƐ BE KAWƆL

²⁷ Yige asheŋ lubi be kebaawora; nseŋ fara a wora alelasheŋ. Saŋɛ na so fo kaman to ebi beeŋ nya kasawule ere so n chena mbaanaayɔ.

Nshɛ 37:27 ပူးပေါင်းရင်းမြစ်များ

Job be kawɔl 28:28

Kumo be kaman nɛ e kaŋɛ edimɛdi le: “Kanyiasheŋ e la keta bunyaŋ gboŋ n sa ma, Enyɛnpe Ebɔrɛ na. Nɛ kelar alubi to malɛ la asheŋ be kepin to.”

Nshɛ 102:28

Basa nɛ baa shuŋ fo be mbia beeŋ baa wɔ fo kutɔ, nɛ fo baa kuŋ bumo nɛ bumo be kaman to ebi kikɛ.”

Nshɛ 34:14

Men yige alubi be kebaawora nsaa wora alela; meeŋ baa kɔ a fin kagbenewushi ashi men be ŋgbene to.

Nshɛ 34:15

Enyɛnpe Ebɔrɛ na bee keni basa nɛ baa wora asheŋ niŋiso so nsaa nu bumo be kekule nna.

Aŋasa 16:17

Basa lela bee gelge alubi be ekpa nna. Esa nɛ e da ekpa nɛ e bee bɔla so so beeŋ kuŋ mbe ŋkpa.

Aŋasa 16:6

Fo baa kɔ kasonu nɛ kashenteŋji, Ebɔrɛ beeŋ ta fo alubi m paŋ fo. Kabɔrɛŋana e naa shin nɛ esa bee ŋana kulubi.

1 Tɛsalɔnikaebi 5:15

Men baa da so nɛ men be ekama e sa maŋ kaŋ ta kulubi ŋ ka kulubi be kukɔ, ama saŋkama men baa wora abar nɛ basa kikɛ kelela.

2 Timoti 2:19

Ama kusɔ nɛ Ebɔrɛ tɔl n yili maŋ kɔ kegbuŋgbuŋ kikɛ. Kasibɛ nɛ a deŋ kumo so malɛ nde: “Enyɛnpe na nyi basa nɛ b la mo peya.” Kusɔ nɛ k naŋ ti so e la: “Esa kama nɛ e kaŋɛ fanɛ e la Enyɛnpe peya, e lar alubi be kewora to.”

Taites 3:14

Shin nɛ an peebiana na e ŋini bumo be amu alelasheŋ be kebaawora, saŋɛ na so, baaŋ baa tiŋ a nya karechɛ kama be asɔ nɛ a daga nsaa maŋ baa wɔtɔ jiga loŋ a maa bar asɔrso kama.

Taites 3:8

Kesheŋ ere la kashenteŋ nna. Mee sha fanɛ fo ta kenishipere nna n wɔtɔ le be asheŋ ere to nɛ bumo nɛ b ba yirda Ebɔrɛ na e baa wɔ ashuŋ lela be kebaawɔtɔ to. Le be mmalga ere la kashenteŋ nna nɛ a beeŋ chɛ basa to.

Hibruwebi 13:16

Menyi alɛ e sa maŋ teŋ kebaawora kelela nɛ kebaata menyi be asɔana a chɛ abar to so, ŋkpal manɛ so, loŋ be esarga e naa par Ebɔrɛ.

Hibruwebi 13:21

Kagbenewushi be Ebɔrɛ na e shin nɛ kusɔ lela kama nɛ k walɛ keta n shuŋ mbe kushuŋ na e bɔla menyi to. Ma alɛ naa kule mo fanɛ e bɔla Kristo so n wora kusɔ nɛ k bee par mo ashi anyi to. Kemaŋkura e baa la Yesu Kristo na peya mbaanaayɔ. Amɛn.