Nshɛ 37:17 - EBƆRƐ BE KAWƆL

¹⁷ Ŋkpal manɛ so, Enyɛnpe Ebɔrɛ na beeŋ jija belubiworapo be eleŋ kikɛ; nseŋ sa bumo nɛ baa bɔla mbe ekpa niŋiso so na eleŋ.

Nshɛ 37:17 ပူးပေါင်းရင်းမြစ်များ

Job be kawɔl 38:15

Karechɛ be kefulto bee lara kumukpakpasowuraana be ashuŋ lubi efuli nna nɛ b maa nya a wora amo.

Nshɛ 10:15

Jija belubiworapo nɛ basa lubi be eleŋ. Gberge bumo kusoe ŋkpal bumo be alubi so, nseŋ shin nɛ b yige alubi be kebaawora.

Nshɛ 145:14

Fo Enyɛnpe Ebɔrɛ na e naa chɛ bumo nɛ b wɔ tɔrɔ to to, nsaa niŋi bumo nɛ b tɔr to.

Nshɛ 37:24

E fiti gba, e maaŋ tɔr; ŋkpal manɛ so, Enyɛnpe Ebɔrɛ gbagba e naŋ pɛ mo to n yili.

Nshɛ 41:12

Ŋkpal ŋ kaa bee wora asheŋ niŋiso so, feeŋ chɛ ma to, nseŋ shin nɛ m baa wɔ fo kutɔ saŋkama.

Nshɛ 51:12

Shin nɛ ma kagbene e naŋ fuli ma fanɛ kananɛ k daa du saŋɛ so nɛ fo mɔlga ma na; nseŋ shin nɛ n naa sha kebaawora fo kasonu.

Nshɛ 63:8

M baa mar fo nna, nɛ fo enɔ lempo na, e baa kɔ ma to.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 42:1

Enyɛnpe Ebɔrɛ na yɛ: “Ma kenya nde, ma e naa sa mo eleŋ. Mo e la esa nɛ n lara, nɛ ma kagbene bee fuli mo so. N ta ma Kiyoyu nna n sa mo, nɛ e bar keji asheŋ nɛ amo be ekpa so ashi efuliana so.

Jɛremaya 48:25

Mowab be eleŋgboŋ nɛ yuku kikɛ mur; bumo be benapo maaŋ naŋ tiŋ n wora shɛŋ. Ma, Enyɛnpe Ebɔrɛ e kaŋɛ na.”

Juud 1:24

Men shin nɛ an baa di Ebɔrɛ mo nɛ e beeŋ tiŋ ŋ keni menyi so nɛ men sa maŋ tɔr na epaŋ. Mo e naaŋ tiŋ n chɛ menyi to nɛ men yige alubi be kebaawora nseŋ tiŋ n yili mbe anishito cheembi n wu mbe kemaŋkura kagbenefuliso

1 Samuɛl 2:31

Saŋko bee ba nɛ m mɔ fo nɛ basa kama nɛ b wɔ fo kanaŋ to na kikɛ. Menyi be kanaŋ to malɛ maaŋ ba kɔ esa nɛ e beeŋ ji ŋkpa n ya fo mbe mbel be saŋkikɛ.