Nshɛ 37:14 - EBƆRƐ BE KAWƆL

¹⁴ Belubiworapo bee pe nsaŋɛ nna nsaa gberge bumo be ata to a fin betirpo nɛ betentaŋasepo nɛ basa nɛ baa wora asheŋ niŋiso nɛ b mɔ.

Nshɛ 37:14 ပူးပေါင်းရင်းမြစ်များ

Ɛsta 5:14

Ndoŋ nna nɛ mo teriana nɛ mbe eche Zɛrɛsh kaŋɛ mo le: “Manɛ nna nɛ fo maaŋ ku kadebi nɛ kumo be nteŋ sa fanɛ ayadra adushunu nɛ anu n yuu nseŋ kule ewura ekpa echefo kachipurso n ya chɛ Mɔdikaya efɔl n shiga kumo so. Kumo be kaman nɛ fo ta kagbenefuli n tu ewura na n yɔ kejigboŋ na to.” Heman be kagbene daŋ fuli mo ga ŋkpal le be nfɛra nɛ b sa mo ere so. Ndoŋ nna nɛ e shin nɛ b yuu kedibi na.

Nshɛ 11:2

Ŋkpal basa lubi ka ŋana ayoyul to ŋ gberge bumo be ata nɛ b to n da basa lela be ŋgbene to so,

Nshɛ 35:10

Nseŋ ta ma kagbene kikɛ ŋ kaŋɛ Enyɛnpe na le: “Esa kama maŋ du fanɛ fo. Fo e naa kuŋ bepɔshipo ashi belempo be enɔ to, nsaa mɔlga betirpo ashi basa lempo be kamɛaŋ to.”

Aŋasa 29:10

Emɔpo maa sha basa nɛ baa wora asheŋ nɛ a niŋi be asheŋ. Saŋkama e bee fin bumo nɛ e mɔ nna.

Aŋasa 29:27

Basa nɛ baa wora asheŋ nɛ a niŋi kishi belubiworapo ga. Nɛ belubiworapo malɛ gba kishi basa nɛ ba wora asheŋ nɛ a niŋi.

Habakuk 1:13

Ama fo maaŋ tiŋ a keni nɛ kulubi e baa wora a yɔ. Fo anishi du cheembi ga nɛ a baa wu asheŋ lubi. Ama fo wora shruum a keni basa lubi nɛ b maŋ kɔ yirda ere nɛ baa mur basa nɛ b niŋi a chɔ bumo.

Ashuŋ Shunso 12:11

Ndoŋ nna nɛ Pita pin kusɔ nɛ k wora mo na nseŋ kaŋɛ: “Naniere nɛ m pin kashenteŋto fanɛ Enyɛnpe e shuŋi mbe malaika nɛ e ba lara ma ashi Hɛrɔd be eleŋ nɛ asɔ nɛ Juwebi na daa fɛ na kikɛ to.”

Ashuŋ Shunso 12:23

Epul na to nɛ Enyɛnpe be malaika ba ta kulɔ n lɛ Hɛrɔd so ŋkpal e ka maŋ ta kemaŋkura na n sa Ebɔrɛ so. Ashushombi e daŋ ji mbe eyur nɛ e wu.

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.

1 Jɔn 3:12

A maŋ daga fanɛ an baa du fanɛ Keen nɛ e daa la alubipo na peya nseŋ bri mo sipo m mɔ na. Nɛ manɛ e daŋ ba nɛ e daŋ bri mo m mɔ? Kusɔ nɛ k daŋ ba e la fanɛ mbe asheŋ woraso daa maa niŋi nna nɛ mo sipo bre peya daa niŋi.

1 Samuɛl 24:11

Yiramu, keni kusɔ nɛ ŋ keta ere, fo gbagba be piŋi be keyɛlbi nna na. Baa nyi fanɛ kananɛ m baŋ nya ekpa ŋ ku fo piŋi be keyɛlbi ere, loŋ be ekpa nɛ n daa kɔ nɛ n tiŋ m mɔ fo gba, ama ma alɛ maŋ wora loŋ. Amoso le e daga fo alɛ gba ka pin fanɛ ma ere maŋ kɔ nfɛra lubi kikɛ n sa fo. Kashenteŋ nna fanɛ maŋ wora fo shɛŋ, ama fo alɛ pere kenishi a fin ma kemɔ.

1 Samuɛl 24:17

nseŋ kaŋɛ Deevid le: “Fo kɔ kashenteŋ a chɔ ma. Fo wora ma kelela ga, ama kulubi nɛ ma ere ta a ka fo kukɔ!