Nshɛ 36:4 - EBƆRƐ BE KAWƆL

⁴ B dese bumo be edesekpa gba alubi be kewora be ŋkre nɛ baa kre. B maa wora asheŋ lela kikɛ. Kulubi kama malɛ maa choŋ bumo so.

Nshɛ 36:4 ပူးပေါင်းရင်းမြစ်များ

Ɛsta 5:14

Ndoŋ nna nɛ mo teriana nɛ mbe eche Zɛrɛsh kaŋɛ mo le: “Manɛ nna nɛ fo maaŋ ku kadebi nɛ kumo be nteŋ sa fanɛ ayadra adushunu nɛ anu n yuu nseŋ kule ewura ekpa echefo kachipurso n ya chɛ Mɔdikaya efɔl n shiga kumo so. Kumo be kaman nɛ fo ta kagbenefuli n tu ewura na n yɔ kejigboŋ na to.” Heman be kagbene daŋ fuli mo ga ŋkpal le be nfɛra nɛ b sa mo ere so. Ndoŋ nna nɛ e shin nɛ b yuu kedibi na.

Ɛsta 6:4

Loŋ be jemanɛ so nɛ Heman baŋ ba luri ewurkpa nɛ e ba kule ewura ekpa n ya shin nɛ b chɛ Mɔdikaya efɔl n shiga kedibi nɛ e yuu na so. Nɛ ewura bishi le: “Wanɛ e wɔ lambu to ere?”

Job be kawɔl 15:16

edimɛdi bre nɛ e beeŋ tiŋ n yirda a? Alubi la fanɛ nchu nna n sa anyi edimɛdi nɛ anyee nuu kapa nɛ kanyɛ.

Nshɛ 38:12

Bumo nɛ baa fin ma luwu bee sho ma ajigbelɛ nna; nɛ bumo nɛ baa fin ma nɛ b jija malɛ bee kre ma ŋkre lubi karechɛ kikɛ.

Nshɛ 52:3

Fee sha asheŋ lubi a chɔ asheŋ lela; nsaa sha efɛ a chɔ kashenteŋ be keji.

Nshɛ 97:10

Bekama nɛ baa sha Enyɛnpe Ebɔrɛ na kishi kulubi nna. Ŋkpal manɛ so, mo e naa kuŋ mbe basa nɛ baa ji kashenteŋ a sa mo na be ŋkpa nsaa kɔ a suge bumo ashi kumukpakpasowuraana be enɔ to.

Aŋasa 24:2

Asheŋ lubi nawule be asheŋ nɛ baa fɛ saŋkama. Bumo be mmalga kikɛ la kananɛ baaŋ wora kulubi nna.

Aŋasa 24:23

Kanyiasheŋ be mmalga ko gba nde: A maŋ daga demujipo ka bee kpɛa to.

Aŋasa 4:16

Basa lubi bre baŋ maŋ wora kulubi, b maaŋ tiŋ n di. B maaŋ tiŋ n di nɛ b maŋ wora kulubi ŋ gbiti esa ko.

Aizaaya 65:2

Jemanɛ kikɛ ma ere wora shiriya nɛ n sɔ ma basa kpeŋso nɛ b sɔ bumo gbagba be ekpa a wɔtɔ a wora asheŋ lubi na nna.

Jɛremaya 4:22

Ndoŋ nna nɛ Enyɛnpe Ebɔrɛ na kaŋɛ le: “Ma basa maŋ kɔ nfɛra, bumo alɛ maŋ naa nyi ma. B du fanɛ mbia wulpo nɛ b maa pin asheŋ to nna. Asheŋ lubi be kebaawora nɛ b nyi ga, ama asheŋ lela bre b maŋ nyi amo be kewora.”

Jɛremaya 6:16

Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”

Jɛremaya 8:6

Ŋ kaŋ kusoe nɛ n nu men kutɔ, ama men maŋ ji ma kashenteŋ. Menyi to be ekoŋwule gba be kagbene maŋ jija mo nɛ e tuba; ŋkpal manɛ so men be amu du kpakpa nna. Ekoŋwule gba maŋ tiŋ m bishi le: ‘Manɛ nɛ n wora nɛ k maŋ nyalɛ?’ Menyi be ekama bɔla ekpa nɛ e bee sha so nna a wora asheŋ fanɛ egbaŋɛ nɛ e bee yɔ kena to nna.

Eemɔs 5:15

Men kishi kulubi, nsaa wora kelela. Men baa kɔ a fin asheŋ be keji nɛ amo be ekpa so ashi men be edemujikpa. Ashere Enyɛnpetale na beeŋ wu efuli ere be bekama nɛ b kraa wɔ ŋkpa to ere kuwɔr.

Maika 2:1

Asheŋ maaŋ nyalɛ n sa bekama nɛ baa dese bumo be edesekpa a kre asheŋ lubi be kewora be ŋkre na. Kanyɛso nɛ baa kaa kre loŋ be asheŋ na, nɛ kare e chɛ nɛ b wora amo ŋkpal b ka kɔ eleŋ so.

Maika 6:8

Ayai, Enyɛnpe Ebɔrɛ na teŋ kaŋɛ anyi kusɔ nɛ k walɛ. Kusɔ nɛ e bee fin anyi kutɔ e la, kebaawora asheŋ nɛ amo be ekpa so nɛ kebaa ŋini kasha nsaa kɔ kamubrase a nu a sa mo.

Matiu 27:1

Kare ka chɛ chipurdidi nɛ bɔrɛmatapowuraana na kikɛ nɛ basa na be benimuana na ya kre Yesu be kemɔ be nia.

Ashuŋ Shunso 23:12

Kumo be ŋklade nɛ Juwebi na shɛr ŋ kre bumo be nia nseŋ sa Ebɔrɛ kɔnɔ fanɛ b baa maŋ mɔ Pɔɔl b maaŋ ji ajibi, bumo alɛ maaŋ nuu shɛŋ.

Romebi 1:32

B nyi Ebɔrɛ be mbra na ka bee kaŋɛ fanɛ bekama nɛ b wɔ le be kebaawɔtɔ ere to daga luwu, ama b kraŋ pere kenishi nna a wora amo nsaa leŋ basa pɔtɛ gba to a wɔtɔ loŋ be asheŋ na be kewora to.

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.

Kelaraŋŋini 2:2

N nyi men be aworbi kikɛ a nyi kananɛ men shuŋ ga nseŋ naa nyi kananɛ men kɔ kanyiti a yil to. N nyi kananɛ menyi nɛ basa lubi maaŋ tiŋ n chena nsaa nyi fanɛ men wora basa nɛ b yɛ b la beshuŋipoana, bumo alɛ ŋkaa maŋ la na ŋ keni n wu fanɛ befɛpo e la bumo.

1 Samuɛl 19:11

Ndoŋ nna nɛ Sɔɔl shuŋi mbe basa fanɛ b ya kulti Deevid be laŋ n wɔtɔ, kare kaŋ chɛ kachipurso nɛ b mɔ mo. Nɛ Deevid be eche Mikaal kpele mo kusoe ŋ kaŋɛ le: “Fo baa maŋ shile kanyɛ ere, echefo baaŋ mɔ fo.”