Nshɛ 36:3 - EBƆRƐ BE KAWƆL

³ Kafulesheŋ nɛ efɛ e bɔlɔ bumo be nnɔ to. Bumo be nfɛra maa ŋini bumo kebaawɔtɔ lela; bumo alɛ maa wora kelela.

Nshɛ 36:3 ပူးပေါင်းရင်းမြစ်များ

2 Samuɛl 22:22

Kusɔ nɛ Enyɛnpe Ebɔrɛ bee sha nɛ mee wora. Maa ba nɛ n shile ma Ebɔrɛ n ya wora kulubi kikɛ.

2 Kronikɛls 20:32

Kananɛ ewura Jehoshafat mo tuto Asa daa kɔ kasonu n sa Enyɛnpe Ebɔrɛ na, loŋ nɛ mo alɛ gba daa du,

Nshɛ 10:7

Bumo be mmalga kikɛ la shoduu nɛ kafule nɛ kafunti nna, nɛ bumo be bare kikɛ malɛ yil asheŋ lubi nɛ alubi be kewora so.

Nshɛ 125:5

Enyɛnpe Ebɔrɛ na baa gberge kumukpakpasowuraana kusoe, e beeŋ gberge bekama nɛ b yige mbe ekpaana n lɛ gba kusoe. Kayurwushi e baa wɔ Israɛl be basa so!

Nshɛ 140:3

Bumo be nnɔ to be mmalga du fanɛ awɔ lubi be kubɔr ashi esa be eyur to nna.

Nshɛ 5:9

M maaŋ tiŋ n yirda kusɔ nɛ ma doŋana bee kaŋɛ. Esa be kejija nɛ baa fin. Efɛ e bɔlɔ bumo be mmalga to fanɛ kemaŋ chiŋgeliŋ nɛ asɔ buu so. Bumo be adonduloŋ malɛ bee ku efɛ nawule nna.

Nshɛ 55:21

Mbe kamalga wɔ ebel nna fanɛ mushoŋ; ama kekishi e bɔlɔ mbe kagbene to nɛ e wora shiriya nɛ e ta tokobi ŋ kɔ ma.

Nshɛ 58:3

Yili men be kakurgeachɛ kikɛ m ba fo mbre, men wɔtɔ nna a wora alubi nsaa ku efɛ.

Nshɛ 94:8

Ma basa, manɛ nna nɛ men paŋ nfɛra loŋ? Saŋɛ mo nɛ menyi beeŋ naŋ nya kanyiasheŋ?

Aŋasa 4:16

Basa lubi bre baŋ maŋ wora kulubi, b maaŋ tiŋ n di. B maaŋ tiŋ n di nɛ b maŋ wora kulubi ŋ gbiti esa ko.

Jɛremaya 4:22

Ndoŋ nna nɛ Enyɛnpe Ebɔrɛ na kaŋɛ le: “Ma basa maŋ kɔ nfɛra, bumo alɛ maŋ naa nyi ma. B du fanɛ mbia wulpo nɛ b maa pin asheŋ to nna. Asheŋ lubi be kebaawora nɛ b nyi ga, ama asheŋ lela bre b maŋ nyi amo be kewora.”

Hoziya 8:3

ama b kini kusɔ nɛ k walɛ. Ŋkpal loŋ so, bumo doŋana beeŋ ju m buu bumo so.

Zefanaiya 1:6

Meeŋ mur bekama nɛ b pal kaman n sa ma nseŋ kini ma kutɔ be kebaa ba nɛ m baa ŋini bumo ekpa na gba.”

Matiu 22:35

Nɛ bumo to be mbraŋinipo ko ba ta kesheŋ bishiso ko n wora Yesu ŋ keni m bishi mo le:

Luuk 11:25

E baŋ bɛta m ba wu fanɛ b lɔŋɛ kowu na nɛnɛ n yili,

Hibruwebi 10:39

Ama anyi maŋ la basa nɛ baa bɛta kaman a mur na nna, an la basa nɛ baa yirda nna a nya kumɔlga.

1 Jɔn 2:19

Le be basa ere daŋ shi anyi be katuŋ to nna, ama kashenteŋto, b daa maŋ la anyi to be basa, amoso nɛ b lar anyi to n yɔ na. Nɛ b daa la anyi to be basa nna b daa maaŋ lar. Ama bumo be kelar anyi to na e naa ŋini fanɛ mannɛ bumo be ekama e la anyi to be eko.

1 Samuɛl 15:26

Nɛ Samuɛl yɛ: “M-m, Fo maaŋ naŋ bɛ ma so n yɔ. Ŋkpal fo ka kini Enyɛnpe Ebɔrɛ be mbra na be kebɛso na so, mo alɛ gba kini fo fanɛ ewura.”

1 Samuɛl 16:14

Nɛ Enyɛnpe Ebɔrɛ be kiyoyu lar Sɔɔl to, nɛ kiyoyu lubi ba luri mo to a tɔrɔ mo ga.

1 Samuɛl 18:21

Ndoŋ nna nɛ e fɛ le: “Meeŋ kaŋɛ Deevid nɛ e ta Mikaal ŋ ki mbe eche, ama mee sha nna nɛ n wora loŋ saŋɛ na so Filistiebi na beeŋ mɔ mo.” Kede e ti so kela nyɔsopo Sɔɔl ka kaŋɛ fanɛ Deevid beeŋ ki mo sha.

1 Samuɛl 26:21

Nɛ Sɔɔl malɛ kaŋɛ le: “M pibinyɛn Deevid n wora kulubi, amoso bɛta a ba! M maaŋ naŋ tɔrɔ fo kikɛ ŋkpal fo ka shin nɛ n ji efute kanyɛ ere so. N wora kawulisheŋ ga! M maŋ wora nɛnɛ!”