Nshɛ 35:27 - EBƆRƐ BE KAWƆL

²⁷ Shin nɛ bumo nɛ baa fin fanɛ n ji n lar na e cha awɔr kagbenefuliso ŋ kaŋɛ le: “Kemaŋkura e baa la Enyɛnpe na peya, Mbe kagbene e naa fuli ŋkpal mbe kenya be nɛnɛ so na.”

Nshɛ 35:27 ပူးပေါင်းရင်းမြစ်များ

Nshɛ 132:16

Meeŋ nɛfa kusɔ kama nɛ bɔrɛmatapoana na beeŋ baa wora nɛ basa na malɛ e baa boŋ nshɛ kagbenefuliso.

Nshɛ 132:9

Shin nɛ fo bɔrɛmatapoana e baa wora asheŋ niŋiso, nseŋ shin nɛ fo basa nɛ baa ji kashenteŋ a sa fo na e baa boŋ nshɛ nsaa ji eyur kagbenefuliso.

Nshɛ 142:7

Lara ma ashi ebesa nɛ kafɔŋ to; saŋɛ na so, meeŋ kpaŋ fo ashi fo basa be nshɛr to, ŋkpal kelela nɛ fo wora ma so.

Nshɛ 147:11

Basa nɛ baa bunyaŋ mo nɛ bumo nɛ bumo be yirda wɔ mbe kasha nɛ k maa chɛrga na so be asheŋ e naa par mo nsaa fuli mbe kagbene.

Nshɛ 149:4

Ŋkpal manɛ so, mbe basa be asheŋ bee par mo nna. Mo alɛ bee ta kemaŋkura nna a buu bekama nɛ baa bar bumo be amu kaseto so nsaa mɔlga bumo.

Nshɛ 32:11

Amoso, menyi bekama nɛ menyee wora asheŋ niŋiso na; e shin nɛ men be ŋgbene e fuli menyi nɛ men ji eyur; ŋkpal kusɔ nɛ Enyɛnpe na wora so. Menyi nɛ menyee wora mo kasonu na e boŋ nshɛ kagbenefuliso.

Nshɛ 34:4

Ŋ kule Enyɛnpe Ebɔrɛ na nɛ e nu ma kekule, nseŋ sɔ ma n yige ashi asɔ nɛ a bee da ma kufu na to.

Nshɛ 40:16

Enyɛnpe Ebɔrɛ, shin nɛ bumo nɛ baa bunyaŋ fo na be ŋgbene e fuli bumo nɛ b ji eyur. Shin nɛ bekama nɛ baa sha fo kumɔlga na e baa kaŋɛ le saŋkama: “Enyɛnpe Ebɔrɛ na shibi ga.”

Nshɛ 40:17

N la etirpo nɛ etentaŋasepo nna; m maaŋ tiŋ n wora shɛŋ. Ama ma asheŋ tir fo, Enyɛnpe Ebɔrɛ na. Fo e la ma emɔlgapo, amoso jande, nya manaŋ m ba mɔlga ma.

Nshɛ 68:3

Ama shin nɛ basa nɛ baa wora asheŋ niŋiso na bre be ŋgbene e fuli bumo, nɛ b ji eyur fo anishito.

Nshɛ 70:4

Enyɛnpe Ebɔrɛ, shin nɛ bumo nɛ baa bunyaŋ fo na be ŋgbene e fuli bumo nɛ b ji eyur. Shin nɛ bekama nɛ baa sha fo kumɔlga na e baa kaŋɛ saŋkama fanɛ Enyɛnpe na shibi.

Nshɛ 9:4

Eshenteŋjipo e la fo nɛ fee ji asheŋ nɛ amo be ekpa so. Fo ji ma asheŋ kashenteŋ be ekpa so n ŋini fanɛ n ji n lar.

Aŋasa 8:18

Ŋ kɔ kedamaya, nɛ kemaŋkura, nɛ anishito be keyɔ, nɛ kɔŋkɔŋ be keji be kebaawɔtɔ nna a sa basa.

Zefanaiya 3:14

Israɛlebi, men baa boŋ nshɛ awɔrso kagbenefuliso! Jerusalɛmebi, menyi alɛ gba e baa ji eyur kagbenefuliso!

Zefanaiya 3:17

Ŋkpal manɛ so, Enyɛnpe menyi be Ebɔrɛ na wɔ men kutɔ, mbe eleŋgboŋ na e naa kɔ a pɔɔ so a sa menyi. Menyi be asheŋ bee bɔlɔ mo kenishi ga, nɛ mbe kasha bee sa menyi ŋkpa popɔr. Mbe kagbene bee fuli menyi so nna nɛ e bee boŋ nshɛ kagbenefuliso.’

Baru lela nɛ Jɔn kute na 16:22

To, loŋ nɛ k du n sa menyi alɛ gba. Naniere bre, men be ŋgbene jija menyi nna, ama a wora gbrɛ, meeŋ naŋ wu menyi nɛ menyi be ŋgbene e fuli menyi nɛ esa kikɛ malɛ maaŋ tiŋ n lara loŋ be kagbenefuli na ashi menyi to.

Romebi 12:15

Men baa tu bumo nɛ bumo be ŋgbene fuli a shin nɛ menyi be ŋgbene e baa fuli nsaa tu bumo nɛ baa shu malɛ a shu.

1 Kɔrintebi 12:26

Eyur na be kaba koŋwule baa wu ebesa, eyur na kikɛ bee wu ebesa nna, kaba koŋwule malɛ baa nya bunyaŋ, mba na kikɛ bee nya kagbenefuli nna.